JOSHUA 11:12 - KA BAIBL

¹² Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

Khasi CL Bible (BSI)

¹² U Joshua u la kurup ïa kine ki nongbah baroh bad ïa ki syiem jong ki, da kaba pynïap ïa uwei pa uwei, kumba u Moses, u shakri jong U Trai, u la hukum.

JOSHUA 11:12 ပူးပေါင်းရင်းမြစ်များ

DEUTERONOMI 7:2

bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki:

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

JOSHUA 10:20

Te haba u Joshua bad ki khun Israel ki la wai ban pynïap ïa ki da ka jingpynïap bakhraw, ha ban da ki la duh noh khoit, bad ba kat kiba sah na ki, ki la rung ha ki nongbah ba la ker kynroh,

JOSHUA 10:28

Te ha kata ka sngi, u Joshua u la jop ïa ka Makkedah, bad u la pom ïa ka da ka syrti waitlam, bad ïa u syiem jong ka; u la pynduh khoit ïa ki bad ïa ki mynsiem baroh kiba ha ka, um shym pynsah shuh uwei ruh: bad u la leh ïa u syiem ka Makkedah kumba u la leh ïa u syiem ka Jerikho.

JOSHUA 10:30

U Trai u la ai noh ïa ka ruh, bad ïa u syiem jong ka, ha ka kti ki Israel; bad u la pom ïa ka da ka syrti waitlam, bad ki mynsiem baroh ruh kiba ha ka; um shym pynsah shuh uwei ruh; bad u la leh ïa u syiem jong ka kumba u la leh ïa u syiem ka Jerikho.

JOSHUA 10:32

bad U Trai u la ai noh ïa ka Lakhish ha ka kti ki Israel, kiba la jop ïa ka ha ka sngi ka ba-ar, bad ki la pom ïa ka da ka syrti waitlam, bad ki mynsiem baroh kiba ha ka, katba kum ïa baroh ba u la leh ïa ka Libnah.

JOSHUA 10:35

bad ki la jop ïa ka ruh ha kata ka sngi, bad ki la pom ïa ka da ka syrti waitlam, bad ïa ki mynsiem baroh kiba ha ka, u la pynduh khoit ha kata ka sngi, katba kum ïa baroh ba u la leh ïa ka Lakhish.

JOSHUA 10:37

bad ki la jop ïa ka, bad ki la pom ïa ka da ka syrti waitlam, bad u syiem jong ka, bad ki shnong jong ka baroh, bad ki mynsiem baroh kiba ha ka; um shym pynsah shuh wat uwei ruh, katba kum ïa baroh ba u la leh ïa ka Eglon; namar u la pynduh khoit ïa ka, bad ïa ki mynsiem baroh kiba ha ka.

JOSHUA 11:13

Hynrei, ïa kita ki shnong kiba don ha la ki lum, ki Israel kim shym thang, tang ïa ka Hasor hi; ïa kata u Joshua u la thang.

JOSHUA 11:15

Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

JOSHUA 13:6

kiba shong ha ri lum baroh naduh Lebanon haduh Misrephoth-maim, ki Sidon baroh keiñ: ïa kita, ngan beh na khmat ki khun Israel: tang ba men ïasam ïa ka da ka jingkhalai ha ki Israel ban long ka ri kynti, kumba nga la hukum ïa me.

JOSHUA 21:44

Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

JOSHUA 8:31

kumba u Moses u shakri U Trai u la hukum ïa ki khun Israel, kumba la thoh ha Ka Kitab Ka Hukum u Moses, “ka duwan maw tylli, halor jong ki ym shym pyndei nar mano mano ruh:” bad ki la ainguh halor jong ka da ki jingainguh thang ha U Trai, ki la kñia ruh ki jingainguh pynïasuk.

JOSHUA 8:8

Kan sa long ruh, ynda phi la jop ïa ka shnong, ba phin thang ïa ka shnong da ka ding; katba kum ka hukum U Trai phin leh: to khmih, nga la hukum ïa phi.”

JOSHUA 9:24

Te ki la ïathuh ha u Joshua, bad ki la ong, “Namar ba la ïathuh shisha ha ki shakri jong me, kumno ba U Trai U Blei jong me u la hukum ïa u Moses u shakri jong u ban ai ha phi ïa ka ri baroh, bad ban pynduh baroh ïa ki trai-shnong jong kata ka ri na khmat jong phi; namar kata, ngi la sheptieng shibun ïa la ka jingim namar jong phi, bad ngi la leh ïa kane.