JOSHUA 10:8 - KA BAIBL

⁸ Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

Khasi CL Bible (BSI)

⁸ U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

JOSHUA 10:8 ပူးပေါင်းရင်းမြစ်များ

1 SYIEM 20:13

Te ha khmih, uwei u nongïathuhlypa u la wan ha u Ahab u syiem ki Israel, bad u la ong, “Kumne ong U Trai, ‘Me la ïohi ïa une u paidbah babun baroh? ha khmih, ngan ai noh ïa u ha ka kti jong me ha kane ka sngi; bad men sa tip ba ma nga, nga long U Trai.’ ”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 3:2

Te U Trai u la ong ha nga, ‘To wat sheptieng ïa u: naba ha ka kti jong me ngan aiti ïa u, bad ïa u paidbah jong u baroh, bad ïa ka ri jong u ruh; te men leh ïa u kumba me la leh ha u Sihon u syiem ki Amor, uba la shong sah ha Heshbon.’

DEUTERONOMI 7:24

Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki.

JOSHUA 10:25

Bad u Joshua u la ong ha ki, “Wat sheptieng, lymne wat kyiuh; pynkhlaiñ ïa lade pynshlur bha ïa lade: naba kumne U Trai un leh ïa ki nongshun jong phi baroh ïa kiba phi ïaleh.”

JOSHUA 10:9

Namar kata, u Joshua u la wan buk ha ki; namar u la kiew artet na Gilgal baroh shi miet.

JOSHUA 11:6

Te U Trai u la ong ha u Joshua, “Wat sheptieng namar jong ki: namar lashai hamar kane ka por ngan aiti noh ïa ki baroh ba la pynïap ha khmat ki Israel: men thait ïa ki thied khohwah ki kulai jong ki, bad men thang ïa ki kali jong ki da ka ding.”

JOSHUA 8:1

Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

NONGBISHAR 6:16

U Trai te U la ong ha u, “Shisha ngan long lem bad me, bad men jop ïa ki Midian kum ïa uwei u briew.”

NONGBISHAR 7:9

Te ha kata ka miet, U Trai u la ong ha u, “To ïeng joit, to leit hiar sha uta u paidbah; naba nga la ai noh ïa u ha ka kti jong me.

1 SAMUEL 17:47

Bad une u paidbah baroh un ïoh tip ba U Trai um pynim da ka waitlam lymne da u sum: namar ka jingïaleh thma ka long ka jong U Trai, bad un aiti noh ïa phi ha ka kti jong ngi.”