JOSHUA 10:40 - KA BAIBL

⁴⁰ Kumta, u Joshua u la jop ïa ka ri baroh, ïa ka ri lum, bad ïa ka shathie, bad ïa ka ri them, bad ïa ki ranab lum, bad ïa ki syiem jong ki baroh; um shym la pynsah uwei ruh: hynrei, u la pynduh khoit ïa baroh kat kiba don mynsiem, kumba U Trai U Blei ki Israel, u la hukum.

Khasi CL Bible (BSI)

⁴⁰ Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 10:40 ပူးပေါင်းရင်းမြစ်များ

1 SYIEM 15:29

Te u tang shu la long syiem, u la pom lut ïa ka ïing u Jeroboam baroh, um shym la pynsah ïa u Jeroboam uwei ruh em, haduh ba u la pynduh noh khoit ïa u; katba kum ka jingong U Trai, kaba u la kren da u shakri jong u, u Ahijah u nong Shilon:

NEHEMAÏAH 9:24

Kumta, ki khun jong ki, ki la leit shapoh bad ki la ïoh ïa kata ka ri, bad me la pynjop ïa ki trai-shnong kata ka ri, ki Kanaan, ha khmat jong ki, bad me la ai ïa ki ha ka kti jong ki, bad ki syiem jong ki, bad ki kynja bynriew kata ka ri, ba kin leh bad ki katba ki mon.

SALM 9:17

Ki bymman kin leit phai noh sha dujok, wat kita ki jaid bynriew baroh kiba klet ïa U Blei.

EKSODOS 34:12

To sumar ïa lade, ba men ym thaw ïa ka jutang bad ki trai-shnong jong kata ka ri sha kaba me leit, ïoh ba kan long ka jingriam hapdeng jong me.

JINGKHEIÑ 13:17

Bad u Moses u la phah noh ïa ki, ïa ka ban khmih syntiat ïa kata ka ri Kanaan, u la ong ruh ha ki, “To khie leit kumne shaphang shathie, to kiew sha kata ka ri lum:

DEUTERONOMI 1:7

to phai phi, to nang ïaid ruh, bad to leit sha u lum ki Amor, bad sha ki jaka baroh kiba marjan ïa u, ha kata ka madan, ha kita ki lum, bad ha kata ka them, bad shaphang shathie ruh, bad sharud ka duriaw, sha ka ri ki Kanaan, bad sha u Lebanon, sha kata ka wah ka bakhraw, ka wah Ïuphratis keiñ.

DEUTERONOMI 2:34

Bad ngi la ïashim ruh ïa ki nongbah jong u baroh ha kata ka por, bad ngi la ïa-pynduh noh khoit ïa ki rangbah, bad ïa ki kynthei bad ïa ki khynnah, na ki nongbah baroh; te ngim shym la pynsah ïa uwei ruh;

DEUTERONOMI 7:24

Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki.

JOSHUA 10:35

bad ki la jop ïa ka ruh ha kata ka sngi, bad ki la pom ïa ka da ka syrti waitlam, bad ïa ki mynsiem baroh kiba ha ka, u la pynduh khoit ha kata ka sngi, katba kum ïa baroh ba u la leh ïa ka Lakhish.

JOSHUA 10:37

bad ki la jop ïa ka, bad ki la pom ïa ka da ka syrti waitlam, bad u syiem jong ka, bad ki shnong jong ka baroh, bad ki mynsiem baroh kiba ha ka; um shym pynsah shuh wat uwei ruh, katba kum ïa baroh ba u la leh ïa ka Eglon; namar u la pynduh khoit ïa ka, bad ïa ki mynsiem baroh kiba ha ka.

JOSHUA 10:39

u la jop ïa ka ruh bad ïa u syiem jong ka, bad ïa ki shnong jong ka baroh; bad ki la pom ïa ki da ka syrti waitlam, bad u la pynduh khoit ïa ki mynsiem baroh kiba ha ka; um shym pynsah shuh uwei ruh: kumba u la leh ïa ka Hebron, kumta u la leh ïa ka Debir, bad ïa u syiem jong ka; kumba u la leh ïa ka Libnah ruh, bad ïa u syiem jong ka.

JOSHUA 11:16

Kumta, u Joshua u la shim ïa kata ka ri baroh, ïa ka ri lum, bad ka ri shaphang shathie, bad ïa ka ri Goshen baroh, bad ïa ka ri them, bad ïa ka ri madan, bad ïa ka ri lum Israel, bad ïa ka ri them jong u de;

JOSHUA 12:8

ha ri lum, bad ha ri them, bad ha ri madan, bad ha ki ranab, bad ha ka ri khlaw, bad ha ka ri shathie; ki Hit, ki Amor, bad ki Kanaan, ki Peris, ki Hib, bad ki Jebus:

JOSHUA 18:21

Te ki nongbah ka jaid ki khun u Benjamin kat kum ki ïing jong ki, ki la long ka Jerikho, bad ka Beth-hoglah, bad ka Emek-kesis;

JOSHUA 6:17

Te kata ka shnong kan long kaba la tim ha U Trai, ma ka bad baroh katba don ha ka: tang ka Rahab ka nuti kan im, ma ka bad baroh kiba bad ka ha ïing, namar ka la buhrieh ïa kita ki nonglam-ktien kiba ngi la phah.

JOSHUA 8:2

men leh ruh ïa ka Ai bad ïa u syiem jong ka kumba me la leh ïa ka Jerikho bad u syiem jong ka: tang ïa ka jinglute jong ka, bad ki jingri jong ka ruh, phin shim ban long ka jinglute ha lade: buh ka jingap thap ïa ka shnong na shadien jong ka.”

JOSHUA 8:27

Tang ki jingri bad ki jinglute jong kata ka shnong ki Israel ki la shim ban long ka jinglute ïa lade, katba kum ka ktien U Trai kaba u la hukum ïa u Joshua.

JOSHUA 9:24

Te ki la ïathuh ha u Joshua, bad ki la ong, “Namar ba la ïathuh shisha ha ki shakri jong me, kumno ba U Trai U Blei jong me u la hukum ïa u Moses u shakri jong u ban ai ha phi ïa ka ri baroh, bad ban pynduh baroh ïa ki trai-shnong jong kata ka ri na khmat jong phi; namar kata, ngi la sheptieng shibun ïa la ka jingim namar jong phi, bad ngi la leh ïa kane.