JOSHUA 10:3 - KA BAIBL

³ Namar kata, u Adonisedek u syiem ka Jerusalem u la phah ha u Hoham u syiem ka Hebron, bad ha u Piram u syiem ka Jarmuth, bad ha u Japhia u syiem ka Lakhish, bad ha u Debir u syiem ka Eglon, u da ong,

Khasi CL Bible (BSI)

³ Kumta u Adonisedek u phah ïa kane ka khubor harum sha u Hoham u syiem ka Hebron, u Piram u syiem ka Jarmuth, u Japhia u syiem ka Lakhish, bad sha u Debir u syiem ka Eglon:

JOSHUA 10:3 ပူးပေါင်းရင်းမြစ်များ

JENESIS 23:2

Bad ka Sara ka la ïap noh ha Kirjath-arba; kaba long ka Hebron ha ka ri Kanaan: bad u Abraham u la wan ban leh sngewsih namar ka Sara, bad ban ïam namar jong ka.

JENESIS 37:14

Bad u la ong ha u, “To khie leit, nga kyrpad ïa me, to khmih la ka suk bha ne em bad ki hynmen jong me, bad ka bha bad ki kynhun; bad to wallam ktien pat ïa nga.” Kumta, u la phah ïa u na ka pynthor Hebron, bad u la leit poi haduh Shekhem.

2 SAMUEL 2:11

Te ka por ba u Dabid u la long syiem ha Hebron halor ka ïing Judah ka la long hynñiew snem bad hynriew bnai.

2 SYIEM 18:14

Te u Hesekaïah u syiem ka Judah u la phah ha u syiem ka Assyria ha Lakhish, u da ong, “Nga la palat; to leit phai na nga: ïa kaba men buh ha nga ngan shah.” Bad u syiem ka Assyria u la buh halor u Hesekaïah u syiem ka Judah laispah ki talent rupa bad laiphew ki talent ksiar.

2 SYIEM 18:17

Te u syiem ka Assyria u la phah ïa u Tartan bad u Rab-saris bad u Rabshakeh na Lakhish ha u syiem Hesekaïah ha Jerusalem bad u paidïapom babun. Te haba ki la leit kiew ki la wan poi sha Jerusalem. Te ynda ki la wan kiew, ki la poi bad ki la ïeng hajan ka lynti um ka nan kaba shaneng, kaba long ha ka lynti bah ka lyngkha u nongpynkhuid jaiñ.

2 KHRONIKL 11:9

bad ka Adoraim, bad ka Lakhish, bad ka Asekah,

JEREMAÏAH 34:7

haba u paidïapom u syiem ka Babilon u la ïaleh ïa ka Jerusalem, bad ïa ki shnong jong ka Judah kiba la pynsah, ïa ka Lakhish bad ïa ka Asekah; namar ki sah sa tang kine ki shnong ker kut na ki shnong jong ka Judah.

MIKAH 1:13

To teh ïa ka kali ïapom ha u kulai bastet, ko nong Lakhish: ka la long ka jingsdang ka pop ïa ka khun ka Seïon; naba la shem ïa ki jingpalat ki Israel ha pha.

JINGKHEIÑ 13:22

Bad ki la ïaleit kiew na shathie, bad ki la ïawan poi ha Hebron; hangta ki la don u Ahiman, u Sheshai, bad u Thalmai, ki khun u Anak. (Te haba ym pat tei ïa ka Soan ha Ijipt, ïa ka Hebron la lah tei la hynñiew snem.)

JOSHUA 10:1

Te haba u Adonisedek u syiem ka Jerusalem u la ïohsngew kumno u Joshua u la jop ïa ka Ai, bad ba u la pynduh khoit ïa ka; kumba u la leh ïa ka Jerikho bad ïa u syiem jong ka, kumta, u la leh ïa ka Ai bad ïa u syiem jong ka; bad kumno ki nong Gibeon ki la ïasuk bad ki Israel, bad ki la don hapdeng jong ki ruh;

JOSHUA 10:23

Te ki la leh kumta, bad ki la wallam ïa kita san ngut ki syiem ha u na kata ka krem, u syiem ka Jerusalem, u syiem ka Hebron, u syiem ka Jarmuth, u syiem ka Lakhish, bad u syiem ka Eglon.

JOSHUA 10:34

Bad na Lakhish, u Joshua u la leit bad ki Israel baroh ryngkat bad u sha Eglon; bad ki la ker tawiar ïa ka, bad ki la ïaleh ïa ka;

JOSHUA 10:5

Namar kata, kita ki san ngut ki syiem ki Amor, u syiem ka Jerusalem, u syiem ka Hebron, u syiem ka Jarmuth, u syiem ka Lakhish, u syiem ka Eglon, ki la ïalum lang, bad ki la leit kiew, ma ki bad ki paidïapom jong ki baroh, bad ki la shong dara ha khmat ka Gibeon, bad ki la ïaleh ïa ka.

JOSHUA 14:15

Bad ka kyrteng ka Hebron mynshuwa ka la long “ka Kiriath-arba;” uta u Arba u la long u briew u bakhraw tam hapdeng ki Anak. Bad ka ri ka la ïoh ka jingshongthait na ka thma.

JOSHUA 15:54

bad ka Humtah, bad ka Kiriath-arba (kata ka long “ka Hebron”), bad ka Sior; khyndai ki nongbah bad ki nongrit jong ki de.

JOSHUA 15:63

Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.

JOSHUA 18:28

bad ka Selah, ka Eleph, bad ka Jebus (kata ka long “ka Jerusalem”), ka Gibeah, bad ka Kiriath; khatsaw ki nongbah bad ki nongrit jong ki de. Kane ka long ka ri kynti ki khun u Benjamin kat kum ki ïing jong ki.