JOSHUA 10:26 - KA BAIBL

²⁶ Hadien kata, u Joshua u la shoh ïa ki, bad u la pynïap ïa ki, bad u la sdien ïa ki ruh halor san tylli ki dieng: bad ki la sdien halor kita ki dieng haduh janmiet.

Khasi CL Bible (BSI)

²⁶ Nangta u Joshua u pynïap ïa ki syiem bad u sdien ïa ki ha ki san tylli ki dieng, ha kaba ki met jong ki, ki la sah haduh janmiet.

JOSHUA 10:26 ပူးပေါင်းရင်းမြစ်များ

2 SAMUEL 21:6

to aiti hynñiew ngut ki rangbah na ki khun jong u ha ngi, te ngin phasi ïa ki ha U Trai ha Gibeah u Saul, uba la jied jong U Trai.” Bad u syiem u la ong, “Ngan aiti ïa ki.”

2 SAMUEL 21:9

bad u la ai noh ïa ki ha ki kti ki Gibeon, ki ruh ki la phasi ïa ki ha uta u lum ha khmat U Trai, bad ki la ïakyllon lang baroh hynñiew ngut: te la pynïap ïa ki ha ki sngi ka aïom ot, ha ki sngi ki banyngkong ha kaba sdang ka aïom ot u Kew Barli.

ESTHER 2:23

Te haba la tohkit ïa kata, bad ba la shem ba ka la long kumta, la phasi ïa ki baroh ar ngut ha u dieng: bad la thoh ïa kata ha Ka Kitab Ki Khronikl ha khmat u syiem.

SALM 149:7

ïa ka ban pynhiar kput halor ki jaid bynriew, bad ïa ki jingpynshitom halor ki kynja bynriew;

SALM 18:41

Ki la kyang, hynrei, ym don u ban pynim: ha U Trai keiñ, hynrei, um shym phai ktien ïa ki.

JINGKHEIÑ 25:4

Bad U Trai u la ong ha u Moses, “To shim ïa ki rangbah baroh ki jong ki paidbah, bad to phasi ruh ïa ki ha khmat U Trai ha pyrshah ka sngi, ba kumta, ka jingbitar ba-meh lep jong U Trai, kan ïoh phai noh na ki Israel.”

MATHAÏOS 27:25

Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

ÏOANNIS 19:31

Kita ki Jiw, namar kata, ïoh ba kita ki met kin sah halor ka diengphna ha ka sngi Sabbaton, naba ka la long ka sngi pynkhreh (namar kata ka Sabbaton ka la long ka sngi ka bakhraw), ki la ïakyrpad ïa u Pilat ba yn ïoh pynkheiñ ïa ki kjat jong ki, bad ba yn ïoh rah noh ïa ki.

GALATIA 3:13

U Khrist u la siewspah ïa ngi na ka jingtim ka hukum, da kaba la pynlong ïa u ka jingtim na ka bynta jong ngi: namar la thoh: “Long ba la tim ïa uwei uwei baroh uba sdien ha u dieng”:

JOSHUA 8:29

Bad ïa u syiem ka Ai u la phasi halor u dieng haduh ban da la janmiet: te ynda la sep ka sngi, u Joshua u la hukum ba kin pynhiar ïa ka metïap jong u na uta u dieng, bad ban bred ïa ka ha khmat ka khyrdop jong kata ka shnong, bad ban kynton ka kynton maw ka bakhraw halor jong ka, haduh kane ka sngi.

NONGBISHAR 8:21

Ynda kumta, u Sebah bad u Salmunna ki la ong, “To ïeng hi ma me, bad to pynïap ïa ngi: naba kumba u rangbah u long, kumta long ka bor jong u.” Kumta, u Gideon u la ïeng joit bad u la pynïap ïa u Sebah bad u Salmunna, bad u la shim ïa ki jingdeng tabit kiba ha ki ryndang ki ut jong ki.

1 SAMUEL 15:33

Te u Samuel u la ong, “Kat kumba ka waitlam jong me ka la pynduh khun ïa ki kynthei, kumta ïa ka kmie jong me yn pynduh khun hapdeng ki kynthei.” Bad u Samuel u la shaiñ lyngkhot lyngkhai ïa u Agag ha khmat U Trai ha Gilgal.