JOSHUA 10:24 - KA BAIBL

²⁴ Te haba ki la wallam noh ïa kita ki syiem ha u Joshua, u Joshua u la phah khot ïa uta u paidbah Israel baroh, bad u la ong ha ki rangbah ki paidïapom kiba la leit bad u, “Ale hajan, buh ruh ïa la ki poh'jat halor ki ryndang jong kine ki syiem.” Te ki la wan hajan, bad ki la buh ruh ïa la ki poh'jat halor ki ryndang jong ki.

Khasi CL Bible (BSI)

²⁴ Nangta u Joshua u khot ïa ki rangbah ka Israel baroh bad u hukum ïa ki rangbah shipai kiba la leit ryngkat bad u ban wan bad buh ïa la ki kjat ha ki ryndang jong ki syiem. Ki la leh kumta.

JOSHUA 10:24 ပူးပေါင်းရင်းမြစ်များ

2 SAMUEL 22:39

Nga la bam duh noh ïa ki, bad nga la sum lyngba ïa ki, ba kim lah shuh ban ïeng; ki la kyllon ruh hapoh ki sla'jat jong nga.

2 SAMUEL 22:41

Me la pynphai ruh ha nga ïa ki ingdong ki nongshun jong nga, ba kumta nga lah ban ot noh ïa kita kiba shun ïa nga.

SALM 107:40

U theh ïa ka jingibeiñ halor ki bakhraw batri, bad u pynsakma ïa ki ha ka jaka kynjah, ha ka bymdon lynti.

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 110:5

U Trai ha ka kti kamon jong me un sum ïa ki syiem ha ka sngi ka jingbitar jong u.

SALM 18:40

Me la pynphai ruh sha nga ïa ki ingdong ki nongshun jong nga, ba kumta nga lah ban ot noh ïa kita kiba shun ïa nga.

SALM 91:13

Men ïuh halor u sing bad u 'seiñpuh: ïa u sing samla bad ïa u bseiñ men ïuh roit hapoh sla'jat.

ISAÏAH 51:23

te ngan buh ïa ka ha ka kti jong kita kiba pynjynjar ïa pha; kiba la ong ha ka mynsiem jong pha, ‘To dem pyllup, ba ngin ryngkang noh;’ te pha la pun ïa la ka met kum ka khyndew, bad kum ka lynti, ha kita kiba ryngkang.”

MALAKHI 4:3

Bad phin ïuh roit ïa ki bymman; naba kin long ka dpei hapoh ki sla'jat jong phi ha kata ka sngi ba nga leh ïa kane,” ong U Trai ki paid.

Ka Shithi U Paul Sha Ki Nong Rom 16:20

Te U Blei ka jingsuk un pynlwet jin shen shen keiñ ïa uta u Soitan hapoh ki kjat jong phi! ka jingaiei ka jong U Jisu Khrist uba U Trai jong ngi to kan long lem bad phi.

DEUTERONOMI 33:29

Suk ma me, A Israel: uei uba kat ma me, A u paidlang ba la pynim da U Trai, uba ka stieh ka jingïarap jong me, bad uba long ka waitlam ka jinglong burom jong me! bad ki nongshun jong me ruh kin nguh ïa me; bad men ïoh ïuh top halor ki jaka kiba jrong jong ki.”

HEBRU 1:13

Hynrei, hano na kita ki angel u la ong mynno mynno, “To shong ha ka kti kamon jong nga, tad ynda ngan pynlong ïa ki nongshun ïa me ka jingïuh hapoh ki kjat jong me”?

NONGBISHAR 8:20

Te u la ong ha u Jether, u khun nyngkong jong u, “To ïeng, pynïap ïa ki.” Hynrei, uta u samla um sei ïa la ka waitlam: naba u la sheptieng, namar u la dang khynnah.