JOSHUA 10:20 - KA BAIBL

²⁰ Te haba u Joshua bad ki khun Israel ki la wai ban pynïap ïa ki da ka jingpynïap bakhraw, ha ban da ki la duh noh khoit, bad ba kat kiba sah na ki, ki la rung ha ki nongbah ba la ker kynroh,

Khasi CL Bible (BSI)

²⁰ U Joshua bad ki rangbah jong ki Israel ki la pynïap ïa ki, wat la katto katne ki ïohlad ban shem jaka lait im hapoh ki kynroh shnong bad ba ki khlem shah pynïap.

JOSHUA 10:20 ပူးပေါင်းရင်းမြစ်များ

2 SAMUEL 20:6

Te u Dabid u la ong ha u Abishai, “Une u Sheba u khun u Bikhri un kham pynsniew ïa ngi ban ïa kaba u la leh u Absalom: to shim ma me ïa ki shakri u kynrad jong me, bad to beh nadien jong u, ïoh ba un ïoh ïa ki shnong ba la ker kynroh, bad un lait noh na ngi.”

1 SYIEM 20:21

Bad u syiem ki Israel u la mih noh, bad u la pom ïa ki kulai bad ïa ki kali, bad u la pynïap ïa ki Syria da ka jingpynïap ba jur.

2 KHRONIKL 13:17

Bad u Abijah bad ki briew jong u ki la pynïap ïa ki, da ka jingpynïap bakhraw: kumta, la pynkyllon ïap na ki Israel sanspah hajar ki rangbah ba la kynsai.

JEREMAÏAH 4:5

To pyntip ha Judah, bad to pynbna ha Jerusalem; bad to ong, “Put ïa ka turoi ha ka ri: pyrta jam bad to ong, ‘To ïalang, bad ïa ngin ïaleit sha ki shnong ba la ker kynroh.’

JEREMAÏAH 8:14

Balei ba ngi shu ïashong? To ïalum ïa lade, bad ïa ngin leit rung sha ki shnong ba la ker kynroh, bad ngin ïashong jar hangta: namar U Trai U Blei jong ngi u la pynsngap jar ïa ngi, bad u la ai ha ngi ka umksang ban dih, namar ngi la leh pop ïa U Trai.

DEUTERONOMI 20:16

Hynrei, na ki nongbah kine ki briew, kiba U Trai uba U Blei jong me u ai ha me ban long ka jingïoh pateng, men ym pynsah im ei ei ruh em ba pynhiar mynsiem:

JOSHUA 10:10

Bad U Trai u la pynjot ïa ki ha khmat ki Israel, bad u la pynïap ïa ki da ka jingpynïap bakhraw ha Gibeon, u la beh ïa ki ruh ha ka lynti ka thiep Beth-horon, bad u la pynïap ïa ki haduh Asekah, bad haduh Makkedah.

JOSHUA 10:19

ma phi te wat sangeh; beh ïa la ki nongshun, pynïap ruh ïa ki bakhatduh na ki; wat shah ba kin rung ha ki shnong jong ki: namar U Trai U Blei jong phi u la ai noh ïa ki ha ka kti jong phi.”

JOSHUA 10:21

kumta, uta u paidbah baroh u la phai noh sha ka dara ha u Joshua ha Makkedah ha kaba suk: mano mano ruh ym shym la pynkhih ïa la u thylliej pyrshah ïa uwei na ki khun Israel.

JOSHUA 11:12

Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

JOSHUA 11:8

Bad U Trai u la ai noh ïa ki ha ka kti ki Israel, ki te ki la pom ïa ki, bad ki la beh ïa ki haduh ka Sidon bah, bad haduh Misrephoth-maim, bad haduh ka them Mispeh shaphang mihngi; bad ki la pom ïa ki, haduh ba kim shym pynsah shuh uwei ruh.

JOSHUA 8:24

Te ynda ki Israel ki la wai ban pynïap ïa ki nong Ai baroh ha madan, ha ka ri khlaw sha kaba ki la beh ïa ki, bad haba ki la kyllon baroh da ka syrti waitlam, ha ban da ki la duh noh khoit, ki Israel baroh ki la leit phai sha Ai, bad ki la pynduh ïa ka da ka syrti waitlam.