JOSHUA 10:13 - KA BAIBL

¹³ Te ka sngi ka la ïeng thik, u bnai ruh u la sangeh, ha ban da u paidbah u la pynhiar kput halor ki nongshun. Ym shym la thoh ïa kane ha Ka Kitab u Jashar? Kumta, ka sngi ka la ïeng thik hapdeng ka bneng, bad kam shym la kyrkieh ban sep kumba shi sngi biang.

Khasi CL Bible (BSI)

¹³ Ka sngi ka la ïeng thik bad u bnai um shym khih tad haduh ba ka jaitbynriew ka la jop thiaw ïa ki nongshun jong ka. Ïa kane la thoh ha ka Kitab u Jashar. Ka sngi ka la sangeh hapdeng ka sahit bneng bad kam shym la sep ha kata ka sngi.

JOSHUA 10:13 ပူးပေါင်းရင်းမြစ်များ

2 SAMUEL 1:18

u la hukum ruh ban hikai ha ki khun Judah ïa ka jingrwai ka ryntieh: ha khmih, la thoh ïa ka ha Ka Kitab u Jasher:

2 SYIEM 20:10

U Hesekaïah te u la ïathuh, “Ka long kaba jem ïa ka syrngiew ban nang hiar shiphew kyrdan: em, hynrei, to ai ba ka syrngiew kan kynran da dien shiphew kyrdan.”

ESTHER 8:13

Ïa ka nokol jong kata ka jingthoh, ba ka la dei ban pyntip ïa kata ka hukum ha la ka shnat ka shnat, la pynbna ha kita ki kynja bynriew baroh, bad ba ki Jiw ki la dei ban long kiba la khreh hamar kata ka sngi ban pynhiar kput ha ki nongshun jong ki.

Ka Kitab U Job 9:7

Uba hukum ïa ka sngi, te kam mih shuh; bad uba shon pynskhem ïa ki khlur.

SALM 148:3

To ïaroh ïa u, phi ka sngi bad u bnai: to ïaroh ïa u, phi ki khlur ka jingshai baroh.

SALM 19:4

U ksai jong ki u la leit mih lyngba ïa ka pyrthei baroh, bad ki ktien jong ki haduh ka bakut ka pyrthei. Ha ki u la buh Ka Tabernakl ïa ka sngi,

ISAÏAH 24:23

Bad ïa u bnai yn pynthap baïong, ïa ka sngi ruh yn pynlehrain; namar U Trai ki paid un synshar ha u lum Seïon, bad ha Jerusalem, ha khmat ki tymmen jong u ruh da kaba donburom.

ISAÏAH 38:8

‘Ha khmih, ngan pynphai ïa ka syrngiew ha ki kyrdan, kaba la leit hiar arsut ha ka baje sngi u Ahas, shiphew kyrdan shadien.’ ” Kumta ka sngi ka la phai shiphew kyrdan shadien ha ka baje sngi ha kaba ka la hiar arsut.

JOEL 2:10

Ka khyndew ka kyiuh ha khmat jong ki; ki bneng ki ïakhynñiuh: ïa ka sngi bad ïa u bnai la pyndum, bad ki khlur ki khang ïa la ka jingtyngshaiñ:

JOEL 2:31

Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

JOEL 3:15

Ka sngi bad u bnai ki la dum, bad ki khlur ki khang ïa la ka jingtyngshaiñ.

HABAKKUK 3:11

Ka sngi bad u bnai ki la sangeh ha la ka jaka shong; namar ka jingthaba ki khnam jong me haba ki ïaher, namar ka jingtyngshaiñ u sum baphyrnai jong me.

JINGKHEIÑ 21:14

Namar kata, ba la ong ha Ka Kitab Ki Thma Ki Jong U Trai, “Ïa kaba u la leh ha ka Duriaw Basaw, bad ha ki wah duid Arnon,

JINGKHEIÑ 31:2

“To pynhiar kput halor ki Midian na ka bynta ki khun Israel: hadien kata, yn ïalum lang ïa me ha ki briew jong me.”

MATHAÏOS 24:29

“Kumne kumne ruh, hadien ka jynjar kita ki sngi, ïa ka sngi yn pyndum, bad u bnai un ym ai la ka jingshai, bad ki khlur kin hap na bneng, bad yn pynkhynñiuh ïa ki bor ki bneng.

MATHAÏOS 5:45

ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

KI KAM 2:20

ïa ka sngi yn pynkylla dum, bad ïa u bnai yn pynkylla snam, mynshuwa ban wan kata ka sngi ka jong U Trai kaba khraw bad ba-itriem.

JOSHUA 10:11

Ka la jia ruh, katba ki la phet ïap na khmat ki Israel, haba ki la don ha ka jur Beth-horon, ba U Trai u la pynhap ki maw bakhraw halor jong ki na bneng haduh Asekah, bad ki la ïap: ki la long ruh kham bun kiba la ïap da u phria ban ïa kita ba ki khun Israel ki la pynïap da ka waitlam.

JOSHUA 10:14

Bad ym shym don ka sngi kum kata mynshuwa jong ka lane hadien jong ka, ba U Trai u la sngap ïa ka ktien kyrpad u briew: naba U Trai u la ïaleh na ka bynta ki Israel.

JINGPYNPAW 21:23

Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot.

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.

NONGBISHAR 16:28

U Samson te u la kyrpad ïa U Trai, bad u la ong, “A Trai uba U Blei, nga duwai ïa me, to kynmaw ïa nga, bad to pynkhlaiñ ïa nga, nga duwai ïa me sa tang kane shi sien, A U Blei, ba ngan ïoh pynhiar kput shisyndon ha ki Philistia na ka bynta ki khmat jong nga baroh ar.”

NONGBISHAR 5:2

“To ïaroh phi ïa U Trai, naba ki nongïalam ki la ïalam ha Israel, naba ki paidbah ki la ai sngewbha ïa lade.