JOSHUA 10:11 - KA BAIBL

¹¹ Ka la jia ruh, katba ki la phet ïap na khmat ki Israel, haba ki la don ha ka jur Beth-horon, ba U Trai u la pynhap ki maw bakhraw halor jong ki na bneng haduh Asekah, bad ki la ïap: ki la long ruh kham bun kiba la ïap da u phria ban ïa kita ba ki khun Israel ki la pynïap da ka waitlam.

Khasi CL Bible (BSI)

¹¹ Katba ki Amor ki dang phet arsut na ka khim lum na ki shipai Israel, U Trai u pynhap halor jong ki ïa u phria uba heh baroh shi lynter lynti haduh Asekah. Kham bun ki la ïap na u phria ban na kaba ki shah pynïap ha ki Israel.

JOSHUA 10:11 ပူးပေါင်းရင်းမြစ်များ

JENESIS 19:24

Ynda kumta, U Trai u la pynhap slap halor ka Sodom bad Gomorra da u kyndok bad da ka ding na U Trai na bneng;

2 SAMUEL 18:8

Naba ka thma ka la saphred hangta halor ka khmat kata ka ri baroh: bad ka khlaw hi ka la bam duh kham bun ki briew ha kata ka sngi ban ïa kaba ka la bam duh ka waitlam.

Ka Kitab U Job 38:22

“Me la rung sha ki jaka kynshew ka ïor, lane me la ïohi ïa ki jaka kynshew u phria,

Ka Kitab U Job 38:23

ïa kiba nga la tyngkai namar ka por ka jingjynjar, hamar ka sngi ka jingïaleh bad ka thma?

SALM 11:6

Halor ki bymman un pynhap slap da ki jingriam; ka ding bad u kyndok bad ka lyer bashit kyr-ang kan long ka bynta ka khuri jong ki.

SALM 147:17

U shat ïa u thah kum ki lyngkhot: uei uba lah ban shah ïa ka jingkhriat jong u?

ISAÏAH 28:2

Ha khmih, U Trai u long u badonbor bad bakhlaiñ; kum ka 'erïong phria, ka lyer bah bapynjot, kum ka 'erïong, ki um bah bashlei, un pynkyllon sbak ha ka khyndew da la ka kti.

ISAÏAH 28:21

Namar U Trai un ïeng joit kum ha u lum Perasim, un khih bitar kum ha ka them Gibeon, la ka kam baphylla, ban pyndep ruh ïa la ka jingleh, la ka jingleh baphylla keiñ.

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ESEKIEL 13:11

to ong ha kita kiba la astor ïa ka da ka sorki ka bym shym khleh, ba kan kyllon: kan don u 'lap praw u ban da shlei; bad ma phi, ko ki phria bakhraw, phin hap; bad ka 'erïong kan kad ïa ka.

DEUTERONOMI 20:4

namar U Trai uba U Blei jong phi, ma u hi u leit lem bad phi, ïa ka ban ïaleh thma na ka bynta jong phi pyrshah ïa ki nongshun jong phi, ïa ka ban pynim ïa phi.’

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 16:21

Bad u phria bakhraw, kat ka jingthew shi talent, u la hap na bneng halor ki briew: te ki briew ki la ïakrenbeiñ ïa U Blei namar kata ka jingïapthem jong u phria; naba kata ka jingïapthem jong u ka la long kaba khraw eh.

NONGBISHAR 5:20

Ki la ïaleh na bneng, ki khlur ha la ki jingïaid ki la ïaleh thma pyrshah ïa u Sisera.