JOSHUA 1:9 - KA BAIBL

⁹ Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

Khasi CL Bible (BSI)

⁹ Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 1:9 ပူးပေါင်းရင်းမြစ်များ

JENESIS 28:15

Bad ha khmih, ma nga, nga don lem bad me, bad ngan ri bha ïa me hangno hangno ruh kat shaba me leit, bad ngan ïalam biang ïa me sha kane ka ri; naba ngan ym iehnoh ïa me, tad ynda nga la lah pyndep ïa kaba nga la ong ha me.”

JENESIS 39:2

Bad U Trai u la don ryngkat bad u Joseph, bad u la long u briew ba man bha eh; bad u la shong ha ïing uta u kynja Ijipt u kynrad jong u.

JENESIS 39:3

Bad u kynrad jong u, u la ïohi ba U Trai u la don ryngkat bad u, bad U Trai u la pynman bha ïa kiei kiei baroh ha ki kti jong u ïa kiba u la leh.

2 SAMUEL 13:28

Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

2 KHRONIKL 15:7

Hynrei, ma phi, to long khlaiñ, bad to wat pynjem ïa la ki kti: naba yn ai bainong ïa ka kam jong phi.”

SALM 46:7

U Trai ki paid u don bad ngi; U Blei u Jakob u long ka jaka rieh jong ngi. Selah.

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 43:1

Hynrei, kumne u ong U Trai uba la thaw ïa me, ko Jakob, bad uta uba la thaw dur ïa me, ko Israel: “Wat sheptieng, namar nga la siewspah ïa me; nga la khot ïa me da ka kyrteng, me long u jong nga.

ISAÏAH 43:5

Wat sheptieng; naba nga long lem bad me: nga ngan wallam noh ïa u symbai jong me na mihngi, bad ngan lum ïa me na sepngi;

ISAÏAH 8:12

“Wat ong, ‘Ka jingïashet,’ shaphang kata baroh kaba une u paidlang u ong, ‘Ka jingïashet;’ lymne wat sheptieng ïa ka jingsheptieng jong ki, lymne wat sngewkyiuh ïa ka.

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

HAGGAI 2:4

La kumta ruh, to pynkhlaiñ ïa lade, ko Serubbabel,’ ong U Trai; ‘bad to pynkhlaiñ ïa lade, ko Joshua u khun u Jehosadak, u rangbah lyngdoh; bad to pynkhlaiñ ïa lade, phi ki briew jong ka ri baroh,’ ong U Trai, ‘bad to trei: naba nga don lem bad phi,’ ong U Trai ki paid,

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

KI KAM 4:19

Hynrei, u Petros bad u Ïoannis ki la ïathuh bad ki la ong ha ki, “La ka shong hok ha khmat U Blei ban sngap ïa phi kham tam ban ïa U Blei, to khan ma phi:

DEUTERONOMI 1:21

Ha khmih, U Trai U Blei jong me u la aiti ïa kata ka ri ha khmat jong me: to leit kiew, to shimti ruh ïa ka, kumba U Trai U Blei ki kpa jong me u la ong ha me; wat sheptieng, lymne duh jingkyrmen.’

DEUTERONOMI 20:1

“Haba me leit ïaleh thma ïa ki nongshun jong me, bad ba me ïohi ïa ki kulai, bad ïa ki kali ïapom, bad u paidbah uba kham bun ban ïa me, to wat sheptieng ïa ki: namar U Trai uba U Blei jong me, uba la wallam noh ïa me na ka ri Ijipt, u long ryngkat bad me.

DEUTERONOMI 31:23

U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”

DEUTERONOMI 31:28

To ïalum lang ïa ki tymmen basan ki jaid jong phi baroh, bad ïa ki rangbah jong phi, ba ngan ïoh kren ïa kine ki ktien ha ki shkor jong ki, bad ba ngan pynïeng sakhi ïa ka bneng, bad ïa ka khyndew, pyrshah ïa ki.

JOSHUA 1:10

Ynda kumta, u Joshua u la hukum ïa ki rangbah synshar ki paidbah, u da ong,

JOSHUA 1:17

Kumba ngi la sngap ïa u Moses ha kiei kiei baroh, kumta, ngin sngap ïa me ruh: tang ba U Trai U Blei jong me un don ryngkat bad me, kumba u la don ryngkat bad u Moses.

JOSHUA 1:18

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

JOSHUA 10:25

Bad u Joshua u la ong ha ki, “Wat sheptieng, lymne wat kyiuh; pynkhlaiñ ïa lade pynshlur bha ïa lade: naba kumne U Trai un leh ïa ki nongshun jong phi baroh ïa kiba phi ïaleh.”

JOSHUA 10:8

Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 3:7

Bad U Trai u la ong ha u Joshua, “Ha kane ka sngi, ngan sdang ban pynkhraw ïa me ha khmat ki Israel baroh, ba kin ïoh tip ba, kumba nga la don ryngkat bad u Moses, kumta, ngan don ryngkat bad me.

JOSHUA 6:27

Kumta U Trai u la don lem bad u Joshua; bad ka nam jong u, ka la phriang ïa ka ri baroh.

JOSHUA 8:1

Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

NONGBISHAR 6:14

U Trai te U la peit ha u, bad U la ong, “Khie leit ha kane ka bor jong me, bad pyllait ïa ki Israel na ka kti ki Midian: ngam shym la phah ma nga ïa me?”

1 SAMUEL 10:7

Te ynda kin jia kine ki dak ïa me, to leh katba me shem lad; namar U Blei u don ryngkat bad me.