JOSHUA 1:8 - KA BAIBL

⁸ Wat ai ba kane Ka Kitab Ka Hukum kan jah noh na ka shyntur jong me, hynrei, men ïaipyrkhat ïa ka, synñia sngi, khnang ba men ïoh sumar ban leh katba kum ïa baroh ba la thoh ha ka: naba kumta, men roi ha la ka lynti, bad kumta, men man bha.

Khasi CL Bible (BSI)

⁸ Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.

JOSHUA 1:8 ပူးပေါင်းရင်းမြစ်များ

JENESIS 24:63

Bad u Isaak u la leit ïaid kai shabar ïa ka ban pyrkhat ha ka lyngkha la janmiet: bad u la khmied ïa la ki khmat, bad u la ïohi ruh, bad ha khmih, kita ki ut ki ïawan.

2 KHRONIKL 26:5

Bad u la aiti ïa lade ban wad ïa U Blei ha ki sngi jong u Sekharaïah, uba don ka jingsngewthuh ha ki jingithuhpaw ki jong U Blei: bad katba u la dang wad ïa U Trai, U Blei u la pynman bha ïa u.

SALM 119:11

Nga la ri khop ïa ka ktien jong me ha la ka dohnud, khnang ba ngan ym leh pop ïa me.

SALM 119:15

Ngan pyrkhat ha ki hukum jong me, bad ngan khmih ïa ki lynti jong me.

SALM 119:97

A katno nga ieit ïa ka aiñ jong me! Ka long ka jingpyrkhat jong nga baroh shi sngi.

SALM 119:99

Ka kham khraw ka jingshemphang jong nga ban ïa ka jong ki nonghikai jong nga baroh; naba ki jingphla jong me ki long ka jingpyrkhat jong nga.

SALM 19:14

To ai ba ki ktien ka shyntur jong nga bad ka jingpyrkhat ka dohnud jong nga kin long ba la pdiang sngewbha ha khmat jong me, A Trai, u mawsiang jong nga, bad u nongsiewspah jong nga.

SALM 40:10

Ngam shym set ïa ka hok jong me hapoh la ka dohnud; nga la pynbna ïa ka jingïaineh jong me bad ïa ka jingpynim jong me: ngam shym buhrieh ïa ka jingleh isynei jong me bad ïa ka jingshisha jong me na ka jingïaseng bah.

PROBERB 3:1

Ko khun, wat klet ïa ka aiñ jong nga; hynrei, ka dohnud jong me to kan sumar ïa ki hukum jong nga:

ISAÏAH 59:21

“Nga te, kane ka long ka jutang jong nga bad ki,” ong U Trai: “U Mynsiem jong nga uba ha me, bad ki ktien jong nga kiba nga la buh ha ka shyntur jong me, kin ym kynriah noh na ka shyntur jong me, lymne na ka shyntur u symbai jong me, lymne na ka shyntur u symbai jong u symbai jong me,” ong U Trai, “naduh mynta bad ha la ka rta.”

MATHAÏOS 12:35

U briew u babha u sei noh ïa kiei kiei ki babha na ka jingkynshew ka babha ka dohnud jong u: u briew babymman ruh u sei noh ïa kiei kiei babymman na ka jingkynshew babymman jong u.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MATHAÏOS 7:21

“Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng.

MATHAÏOS 7:24

“Te mano mano baroh uba sngew ïa kine ki ktien jong nga, bad uba leh ïa ki, ngan tharai ïa u kum u briew u bastad, uba la tei ïa ka ïing jong u halor u mawsiang:

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

ÏOANNIS 14:21

Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.”

EPHESOS 4:29

Wat ai ba kano kano ka ktien sih kan mih na ka shyntur jong phi, hynrei, tang kata kaba bit ïa ka ban tei ïa kaba donkam, ba kan ai ka jingaiei ïa kita kiba ïohsngew.

DEUTERONOMI 29:8

bad ngi la ïashim ïa ka ri jong ki, bad ngi la ai ïa ka kum ka bynta pateng ha ki Reuben, bad ha ki Gad, bad ha ka shiteng ka jaid Manasseh.

DEUTERONOMI 29:9

To sumar, namar kata, ïa ki ktien jong kane ka jutang, to leh ruh ïa ki, ba phin roi ha kiei kiei baroh ba phi leh.

DEUTERONOMI 30:14

Hynrei, kata ka ktien ka hajan eh ïa me, ha ka shyntur jong me, bad ha ka dohnud jong me, ba men ïoh leh ïa ka.

DEUTERONOMI 31:11

haba ki Israel baroh, ki la ïawan ban mihpaw ha khmat U Trai uba U Blei jong me ha kata ka jaka ïa kaba u un jied, men pule ïa kane ka hukum ha khmat ki Israel baroh, ha kaba kin ïohsngew.

DEUTERONOMI 31:24

Ka la jia ruh, ynda u Moses u la wai noh ïa kaba thoh ïa ki ktien kane ka hukum ha ka kitab, ha ban da pyndep ïa ki,

DEUTERONOMI 5:1

Te u Moses u la khot ïa ki Israel baroh, bad u la ong ruh ha ki, “To sngew, A Israel, ïa ki hukum, bad ïa ki jingbishar, ïa kiba nga kren ha ki shkor jong phi ha kane ka sngi, ba phin dup nang ïa ki, ba phin sumar ïa ki, bad phin leh ïa ki ruh.

DEUTERONOMI 5:29

A ban da don ha ki ka dohnud kat kane, ïa ka ban sheptieng ïa nga, bad ban sumar ïa ki hukum jong nga baroh ha la ka sngi, ba kan da long bha ïa ki, bad ïa ki khun jong ki ha la ka rta!

DEUTERONOMI 5:32

Namar kata, phin sumar ban leh kumba U Trai uba U Blei jong phi u la hukum ïa phi: lymne phin ym phai sha kadiang lymne sha kamon.

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

JOSHUA 1:7

Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

JOSHUA 8:34

Hadien kata, u la pule ïa ki ktien ka hukum baroh, ïa ki jingkyrkhu bad ïa ki jingtim, katba kum ïa kaba la thoh baroh ha Ka Kitab Ka Hukum.

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.