JOSHUA 1:7 - KA BAIBL

⁷ Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

Khasi CL Bible (BSI)

⁷ Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

JOSHUA 1:7 ပူးပေါင်းရင်းမြစ်များ

1 SYIEM 2:2

“Nga leit sha ka lynti ka pyrthei baroh: me namar kata, to long uba khlaiñ, bad to leh rangbah ïa lade;

1 SYIEM 2:3

bad to sumar ïa ka kam U Trai U Blei jong me, ïa ka ban ïaid ha ki lynti jong u, ban sumar ïa ki aiñ jong u, bad ki hukum jong u, bad ïa ki jingbishar jong u, bad ïa ki jingphla jong u, kat kumba la thoh ha ka hukum u Moses, ba men man roi ha kaba me leh baroh, bad kat shaba men phai:

2 SYIEM 22:2

Te u la leh ïa kata ka babha ha khmat U Trai, bad u la ïaid ha baroh ka lynti jong u Dabid u kpa jong u, bad um shym phai bakla sha kamon lane sha kadiang.

1 KHRONIKL 22:13

Te men man bha, lada me sumar ban leh ïa ki aiñ bad ki jingbishar kiba U Trai u la hukum ïa u Moses shaphang ki Israel: to long u bakhlaiñ, bad uba shlur bha; wat sheptieng, lymne sngewkyiuh.

2 KHRONIKL 15:7

Hynrei, ma phi, to long khlaiñ, bad to wat pynjem ïa la ki kti: naba yn ai bainong ïa ka kam jong phi.”

2 KHRONIKL 26:5

Bad u la aiti ïa lade ban wad ïa U Blei ha ki sngi jong u Sekharaïah, uba don ka jingsngewthuh ha ki jingithuhpaw ki jong U Blei: bad katba u la dang wad ïa U Trai, U Blei u la pynman bha ïa u.

Ka Kitab U Job 1:8

Te U Trai u la ong ha u Soitan, “Me la khmih thuh ïa u shakri jong nga u Job? Naba ym don uba kat ma u ha ka khyndew, u briew uba janai bad uba beit, uba sheptieng ïa U Blei, bad uba kiar noh na ka basniew.”

SALM 80:19

To pynphai noh ïa ngi pat, A Trai U Blei ki paid; to tyngshaiñ ïa la ka khmat, te yn sa pynim ïa ngi.

PROBERB 4:27

Wat phai noh lymne sha kamon lymne sha kadiang: to pynkynriah ïa la ka kjat na ka basniew.

PROBERB 8:20

Nga ïaid ha ka lynti ka hok, hapdeng ki lynti ïaid ka jingbishar:

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

JINGKHEIÑ 27:23

bad u la buh ïa la ki kti halor jong u, bad u la ai ka hukum ha u, kumba u la ong U Trai da ka kti u Moses.

DEUTERONOMI 11:8

“Namar kata, to phin sumar ïa ki hukum baroh ïa kiba nga hukum ïa phi ha kane ka sngi, ba phin long kiba khlaiñ, bad ba phin ïoh ïaleit hapoh ban ïoh ïa kata ka ri, sha kaba phin sa ïaleit ban ïoh ïa ka;

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

DEUTERONOMI 28:14

bad men ym da ïaid bakla noh na kine ki ktien baroh ïa kiba nga hukum ïa me ha kane ka sngi, sha kamon ne sha kadiang, ïa ka ban leit bud ïa kiwei pat ki blei ban shakri ïa ki.

DEUTERONOMI 29:8

bad ngi la ïashim ïa ka ri jong ki, bad ngi la ai ïa ka kum ka bynta pateng ha ki Reuben, bad ha ki Gad, bad ha ka shiteng ka jaid Manasseh.

DEUTERONOMI 29:9

To sumar, namar kata, ïa ki ktien jong kane ka jutang, to leh ruh ïa ki, ba phin roi ha kiei kiei baroh ba phi leh.

DEUTERONOMI 31:7

Te u Moses u la khot ïa u Joshua, bad u la ong ha u ha khmat ki Israel baroh, “To long uba khlaiñ bad uba shlur: naba men leit ryngkat bad une u paidbah sha kata ka ri ïa kaba U Trai u la smai ha ki kpa jong ki ban ai ha ki; te men pynshong ïa ki ha ka.

DEUTERONOMI 4:2

Phin ym pyntam ei ei ruh ha kata ka ktien ïa kaba nga hukum ïa phi, lymne pynduna na ka, ba phin ïoh sumar ïa ki hukum U Trai uba U Blei jong phi, ïa kiba nga hukum ha phi.

DEUTERONOMI 5:32

Namar kata, phin sumar ban leh kumba U Trai uba U Blei jong phi u la hukum ïa phi: lymne phin ym phai sha kadiang lymne sha kamon.

JOSHUA 1:1

Te ynda la ïap u Moses u shakri U Trai, U Trai u la kren ha u Joshua u khun u Nun, uba u shakri u Moses, U da ong,

JOSHUA 1:8

Wat ai ba kane Ka Kitab Ka Hukum kan jah noh na ka shyntur jong me, hynrei, men ïaipyrkhat ïa ka, synñia sngi, khnang ba men ïoh sumar ban leh katba kum ïa baroh ba la thoh ha ka: naba kumta, men roi ha la ka lynti, bad kumta, men man bha.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 11:15

Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

JOSHUA 23:6

Namar kata, phin long shlur bha ban sumar bad ban leh ïa baroh kaba la thoh ha Ka Kitab Ka Hukum u Moses, ba phin ym phai noh na ka sha kamon lane sha kadiang;