JOSHUA 1:6 - KA BAIBL

⁶ Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

Khasi CL Bible (BSI)

⁶ Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 1:6 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

2 SAMUEL 10:12

To long shlur, bad ngin leh rangbah na ka bynta u paidbah jong ngi; bad na ka bynta ki nongbah U Blei jong ngi: bad U Trai to un leh katba u ibit hi.”

1 SYIEM 2:2

“Nga leit sha ka lynti ka pyrthei baroh: me namar kata, to long uba khlaiñ, bad to leh rangbah ïa lade;

1 KHRONIKL 22:13

Te men man bha, lada me sumar ban leh ïa ki aiñ bad ki jingbishar kiba U Trai u la hukum ïa u Moses shaphang ki Israel: to long u bakhlaiñ, bad uba shlur bha; wat sheptieng, lymne sngewkyiuh.

1 KHRONIKL 28:10

To sumar te; naba U Trai u la jied ïa me ban tei ka ïing ïa ka jaka kyntang: to long u bakhlaiñ, bad to leh ïa ka.”

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

2 KHRONIKL 15:7

Hynrei, ma phi, to long khlaiñ, bad to wat pynjem ïa la ki kti: naba yn ai bainong ïa ka kam jong phi.”

2 KHRONIKL 20:11

ha khmih, kumno ki ai nong ïa ngi, ba ki wan beh noh ïa ngi na ka jingïoh kynti jong me, ïa kaba me la ai ha ngi ban ïoh pateng ïa ka.

2 KHRONIKL 20:7

A U Blei jong ngi, me mem shym la beh noh ïa kiba ju shong ha kane ka ri ha khmat ki briew jong me ki Israel, bad me la ai ïa ka ha u symbai u Abraham u lok jong me ha la ka rta?

SALM 27:14

To da ap khmih ha U Trai: to long khlaiñ, bad to pynshlur ïa la ka dohnud; shisha keiñ, to ap khmih ha U Trai.

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

HAGGAI 2:4

La kumta ruh, to pynkhlaiñ ïa lade, ko Serubbabel,’ ong U Trai; ‘bad to pynkhlaiñ ïa lade, ko Joshua u khun u Jehosadak, u rangbah lyngdoh; bad to pynkhlaiñ ïa lade, phi ki briew jong ka ri baroh,’ ong U Trai, ‘bad to trei: naba nga don lem bad phi,’ ong U Trai ki paid,

SEKHARAÏAH 8:9

Kumne u ong U Trai ki paid: “To kin long khlaiñ ki kti jong phi, phi kiba ïohsngew ha kine ki sngi ïa kine ki ktien na ka shyntur kita ki nongïathuhlypa, kiba la don ha ka sngi ba la seng ïa ka nongrim jong ka ïing U Trai ki paid, ïa ka templ keiñ, khnang ban tei ïa ka.

JINGKHEIÑ 26:53

“Ha kine yn pynïasam ïa ka khyndew ban long ka jingïoh pateng katba shong ka jingkheiñ ki kyrteng jong ki.

JINGKHEIÑ 33:53

bad phin ïaknieh kynthet ïa kata ka ri, bad phin ïashongneh ha ka: naba nga la aiti ïa kata ka ri ha phi, ba phin ïoh pateng ïa ka.

1 KORINTH 16:13

To da sharai phi, to da ïeng skhem phi ha ka jingngeit, to da leh shlur ïa lade phi kum ki rangbah, to da pynkhlaiñ ïa lade phi.

EPHESOS 6:10

Ha kaba wai noh, to long kiba khlaiñ ha U Trai, bad ha ka bor ka jingkhlaiñ jong u.

DEUTERONOMI 1:21

Ha khmih, U Trai U Blei jong me u la aiti ïa kata ka ri ha khmat jong me: to leit kiew, to shimti ruh ïa ka, kumba U Trai U Blei ki kpa jong me u la ong ha me; wat sheptieng, lymne duh jingkyrmen.’

DEUTERONOMI 1:8

Ha khmih, nga la ai ïa kata ka ri ha khmat jong phi: to leit, to shimti ruh ïa kata ka ri ïa kaba U Trai u la smai ha ki kpa jong phi, ha u Abraham, ha u Isaak, bad ha u Jakob de, ban ai ha ki, bad ha ki symbai jong ki hadien jong ki.’

DEUTERONOMI 11:8

“Namar kata, to phin sumar ïa ki hukum baroh ïa kiba nga hukum ïa phi ha kane ka sngi, ba phin long kiba khlaiñ, bad ba phin ïoh ïaleit hapoh ban ïoh ïa kata ka ri, sha kaba phin sa ïaleit ban ïoh ïa ka;

DEUTERONOMI 31:23

U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”

2 TIMOTHI 2:1

Ma me, namar kata, ko khun jong nga, to pynkhlaiñ ïa lade ha ka jingaiei kaba ha U Khrist Jisu.

JOSHUA 1:18

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

JOSHUA 1:7

Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 10:25

Bad u Joshua u la ong ha ki, “Wat sheptieng, lymne wat kyiuh; pynkhlaiñ ïa lade pynshlur bha ïa lade: naba kumne U Trai un leh ïa ki nongshun jong phi baroh ïa kiba phi ïaleh.”

JOSHUA 13:6

kiba shong ha ri lum baroh naduh Lebanon haduh Misrephoth-maim, ki Sidon baroh keiñ: ïa kita, ngan beh na khmat ki khun Israel: tang ba men ïasam ïa ka da ka jingkhalai ha ki Israel ban long ka ri kynti, kumba nga la hukum ïa me.

JOSHUA 18:3

Te u Joshua u la ong ha ki khun Israel, “Haduh katno phin pynslem ban leit ïoh ïa kata ka ri, ïa kaba U Trai, U Blei ki kpa jong phi, u la ai ha phi?

JOSHUA 21:43

Kumta U Trai u la ai ha ki Israel ïa kata ka ri baroh ïa kaba u la smai ban ai ha ki kpa jong ki; bad ki la ïoh ïa ka, bad ki la shong ha ka.

JOSHUA 5:6

Namar ki khun Israel ki la ïaid ha ri khlaw sawphew snem, ha ban da u paidbah baroh, kiba long ki nongïapom kiba la mih na Ijipt, ki la duh noh khoit, namar ba kim shym la kohnguh ïa ka ktien U Trai: ha kiba u la smai ba un ym shah ba kin ïohi ïa kata ka ri kaba U Trai u la smai ha ki kpa jong ki ba un ai ha ngi, ka ri kaba tuid da ka dud bad ka ngap keiñ.

1 SAMUEL 4:9

To pynïaw phi ïa lade, to long rangbah, ko phi ki Philistia, ïoh phin long shakri ïa kine ki Hebru, kumba ma ki, ki la shakri ïa phi: to long rangbah phi, to ïaleh ruh.”