JOSHUA 1:5 - KA BAIBL

⁵ Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

Khasi CL Bible (BSI)

⁵ Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:5 ပူးပေါင်းရင်းမြစ်များ

JENESIS 39:2

Bad U Trai u la don ryngkat bad u Joseph, bad u la long u briew ba man bha eh; bad u la shong ha ïing uta u kynja Ijipt u kynrad jong u.

1 SYIEM 1:37

Kumba U Trai u la long lem bad u kynrad jong nga u syiem, kumta keiñ un long bad u Solomon, bad un pynlong kham khraw ïa ka khet jong u ban ïa ka khet u Dabid u syiem kynrad jong nga.”

1 SYIEM 11:38

Te lada men shahshkor ïa kaba nga hukum ïa me baroh, bad men ïaid ha ki lynti jong nga, bad men leh ïa kata kaba dei ha ki khmat jong nga, ban sumar ïa ki aiñ bad ki hukum jong nga, kumba u Dabid u shakri jong nga u la leh; ngan long ryngkat bad me, bad ngan tei ïa me ka ïing kaba skhem, kumba nga la tei ïa u Dabid, bad ngan ai ïa ki Israel ha me.

1 SYIEM 6:13

Bad ngan shong hapdeng ki khun Israel, bad ngan ym iehnoh ïa u paidbah jong nga ki khun Israel.”

1 SYIEM 8:57

To U Trai uba U Blei jong ngi un long lem bad ngi, kumba u la long bad ki kpa jong ngi: to wat ai un iehnoh ïa ngi, lymne lyndet ïa ngi:

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

SALM 46:11

U Trai ki paid u don bad ngi; U Blei u Jakob u long ka jaka rieh jong ngi. Selah.

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

JEREMAÏAH 1:8

Wat sheptieng na ka bynta jong ki: naba nga long lem bad me ïa ka ban pyllait ïa me,” ong U Trai.

DANIEL 11:16

Hynrei, uta uba wan ïaleh ïa u, un leh katba u mon hi, bad ym don u ban ïeng ha khmat jong u: bad un ïeng ha kata ka ri ba-donburom, bad ha ka kti jong u kan don ka jingpynjot.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

Ka Shithi U Paul Sha Ki Nong Rom 8:37

Hynrei, ha kine kiei kiei baroh keiñ ngi jop thiaw da uta uba la ieit ïa ngi.

DEUTERONOMI 20:1

“Haba me leit ïaleh thma ïa ki nongshun jong me, bad ba me ïohi ïa ki kulai, bad ïa ki kali ïapom, bad u paidbah uba kham bun ban ïa me, to wat sheptieng ïa ki: namar U Trai uba U Blei jong me, uba la wallam noh ïa me na ka ri Ijipt, u long ryngkat bad me.

DEUTERONOMI 20:4

namar U Trai uba U Blei jong phi, ma u hi u leit lem bad phi, ïa ka ban ïaleh thma na ka bynta jong phi pyrshah ïa ki nongshun jong phi, ïa ka ban pynim ïa phi.’

DEUTERONOMI 31:23

U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”

DEUTERONOMI 4:31

naba U Trai uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.

DEUTERONOMI 7:24

Bad un aiti ïa ki syiem jong ki ruh ha ka kti jong me, bad men pynduh noh ïa ka kyrteng jong ki napoh ka bneng: ym don u briew ba lah ban ïeng ha khmat jong me, tad ynda me la pynjot noh ïa ki.

2 TIMOTHI 4:17

Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JOSHUA 1:17

Kumba ngi la sngap ïa u Moses ha kiei kiei baroh, kumta, ngin sngap ïa me ruh: tang ba U Trai U Blei jong me un don ryngkat bad me, kumba u la don ryngkat bad u Moses.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 10:8

Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 21:44

Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

JOSHUA 3:7

Bad U Trai u la ong ha u Joshua, “Ha kane ka sngi, ngan sdang ban pynkhraw ïa me ha khmat ki Israel baroh, ba kin ïoh tip ba, kumba nga la don ryngkat bad u Moses, kumta, ngan don ryngkat bad me.

JOSHUA 6:27

Kumta U Trai u la don lem bad u Joshua; bad ka nam jong u, ka la phriang ïa ka ri baroh.

NONGBISHAR 2:18

Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki.

NONGBISHAR 6:16

U Trai te U la ong ha u, “Shisha ngan long lem bad me, bad men jop ïa ki Midian kum ïa uwei u briew.”

1 SAMUEL 10:7

Te ynda kin jia kine ki dak ïa me, to leh katba me shem lad; namar U Blei u don ryngkat bad me.