JOSHUA 1:4 - KA BAIBL

⁴ Naduh ka ri khlaw, bad une u Lebanon, jin haduh ka wah bah, ka wah Ïuphratis keiñ, ka ri ki Hit baroh, haduh ka duriaw bah shaphang sepngi, kan long ka pud jong phi.

Khasi CL Bible (BSI)

⁴ Ki pud jong phi kin kot naduh ka ri shyiap ha ka phang shathie haduh ki Lumbah Lebanon ha ka phang shatei; naduh ka wah Ïuphratis bakhraw ha ka phang mihngi, lyngba ka ri ki Hit, haduh ka Duriaw Mediterranian ha ka phang sepngi.

JOSHUA 1:4 ပူးပေါင်းရင်းမြစ်များ

1 SYIEM 10:29

Bad ka kali ka la wan kiew bad ka la mih noh na Ijipt hynriewspah shekel rupa, bad uwei u kulai shispah sanphew: bad kumta ïa ki syiem ki Hit baroh, bad ïa ki syiem ka Syria, ki la wallam ïa ki ha la ki kti.

1 SYIEM 4:21

Te u Solomon u la synshar halor ki hima baroh naduh kata ka Wah haduh ka ri ki Philistia, bad haduh ka pud ka ri Ijipt: ki la wallam ki jingnguh syiem, bad ki la shakri ïa u Solomon ha ki sngi ka rta jong u baroh.

1 KHRONIKL 18:3

Bad u Dabid u la shoh ïa u Hadareser u syiem ka Sobah haduh Hamath, katba u la leit ban pynskhem ïa la ka hima harud ka wah Ïuphratis.

1 KHRONIKL 5:9

Bad shaphang mihngi u la shong haduh kaba rung sha ri khlaw na ka wah Ïuphratis: naba ki masi jong ki, ki la nang roi ha ka ri Gilead.

ESRA 4:20

La ju don ki syiem bakhrawbor ruh halor Jerusalem, kiba la synshar halor baroh kata ka ri sha shiliang ka wah; bad ka khajna, bad ka dustur, bad ka khrong, la ju siew ïa ki.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

DEUTERONOMI 1:7

to phai phi, to nang ïaid ruh, bad to leit sha u lum ki Amor, bad sha ki jaka baroh kiba marjan ïa u, ha kata ka madan, ha kita ki lum, bad ha kata ka them, bad shaphang shathie ruh, bad sharud ka duriaw, sha ka ri ki Kanaan, bad sha u Lebanon, sha kata ka wah ka bakhraw, ka wah Ïuphratis keiñ.

DEUTERONOMI 11:24

Ka jaka baroh ha kaba kin ïuh ki poh'jat jong phi kan long ka jong phi: naduh ka ri khlaw, bad u Lebanon, naduh kata ka wah, ka wah Ïuphratis keiñ, haduh ka bakut tam eh ka duriaw, kan long ki pud jong phi keiñ.

DEUTERONOMI 3:25

Nga kyrpad ïa me, to shah ba ngan leit sha shiliang, ban ïohi ïa kata ka ri ka babha kaba sha shiliang ka Jordan, ïa uta u lum ba-itynnad, ïa u Lebanon keiñ.’

JINGPYNPAW 9:14

ka da ong ha uta u angel u bahynriew uba la don kata ka turoi, “To pyllait noh ïa kita ki saw angel ïa kiba la khum hajan kata ka wah ka bakhraw ‘ka Ïuphratis’.”