JOSHUA 1:2 - KA BAIBL

² “U Moses u shakri jong nga u la ïap; namar kata te, to ïeng, to leit sha shiliang kane ka Jordan, ma me, bad une u paidbah baroh, sha kata ka ri ba nga ai ha ki, ha ki khun Israel keiñ.

Khasi CL Bible (BSI)

² U ong, “U shakri jong nga, u Moses u la ïap. Khreh mynta, ma me bad ki paid Israel baroh, bad jam ïa ka wah Jordan sha ka ri kaba nga ai ha ki.

JOSHUA 1:2 ပူးပေါင်းရင်းမြစ်များ

JENESIS 17:8

Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

NEHEMAÏAH 9:23

Ïa ki khun jong ki ruh me la pynroi kum ki khlur bneng, bad me la ïalam ha kata ka ri, shaphang kaba me la ong ha ki kpa jong ki, ba kin ïoh poi ha ka ban ïoh ïa ka.

Ka Kitab U Job 1:8

Te U Trai u la ong ha u Soitan, “Me la khmih thuh ïa u shakri jong nga u Job? Naba ym don uba kat ma u ha ka khyndew, u briew uba janai bad uba beit, uba sheptieng ïa U Blei, bad uba kiar noh na ka basniew.”

ISAÏAH 42:1

Ha khmih, u shakri jong nga, uba nga kyrshan; uba la jied jong nga, ha uba ka mynsiem jong nga ka sngewbha: nga la buh ïa U Mynsiem jong nga ha u; te un pynmih ka jingbishar ïa ki Jentil.

JINGKHEIÑ 12:7

Hynrei, u Moses, u shakri jong nga um long kumta; u long uba ïaineh keiñ ha ka ïing jong nga baroh:

DEUTERONOMI 3:28

Hynrei, to hukum ïa u Joshua, bad to pynshlur ïa u, bad to pynkhlaiñ ruh ïa u: naba ma u, un ïoh leit sha shiliang ha shuwa une u paidbah, bad un pynïabynta ruh ha ki, ïa kata ka ri ïa kaba men ïohi.’

DEUTERONOMI 31:7

Te u Moses u la khot ïa u Joshua, bad u la ong ha u ha khmat ki Israel baroh, “To long uba khlaiñ bad uba shlur: naba men leit ryngkat bad une u paidbah sha kata ka ri ïa kaba U Trai u la smai ha ki kpa jong ki ban ai ha ki; te men pynshong ïa ki ha ka.

DEUTERONOMI 34:5

Kumta, u Moses u shakri U Trai u la ïap hangta ha ka ri Moab, katba kum ka ktien U Trai.

JOSHUA 1:1

Te ynda la ïap u Moses u shakri U Trai, U Trai u la kren ha u Joshua u khun u Nun, uba u shakri u Moses, U da ong,

JOSHUA 1:11

“To ïaid lyngba ïa ki dara, bad hukum ïa u paidbah, da ong, ‘Pynkhreh ïa ki jingbam; namar ha ki lai sngi phin leit sha shiliang kane ka Jordan, ban leit ïa ka ban ïoh ïa kata ka ri, ïa kaba U Trai U Blei jong phi u ai ha phi ïa ka ban ïoh kynti.’ ”