JOSHUA 1:17 - KA BAIBL

¹⁷ Kumba ngi la sngap ïa u Moses ha kiei kiei baroh, kumta, ngin sngap ïa me ruh: tang ba U Trai U Blei jong me un don ryngkat bad me, kumba u la don ryngkat bad u Moses.

Khasi CL Bible (BSI)

¹⁷ Ngin kohnguh ïa me kumba ngi la ju kohnguh ïa u Moses, bad ai ba U Trai U Blei jong me un long ryngkat bad me kumba u la long bad u Moses!

JOSHUA 1:17 ပူးပေါင်းရင်းမြစ်များ

2 SAMUEL 14:17

Ka shakri jong me te ka la ong, ‘Nga kyrpad ïa me, to ka ktien u syiem kynrad kan long ïa ka ban pyntngen’: naba u syiem kynrad u long kum u angel U Blei, ïa ka ban sngap ïa ka babha bad ïa ka basniew: bad U Trai U Blei jong me to un long lem bad me.”

1 SYIEM 1:37

Kumba U Trai u la long lem bad u kynrad jong nga u syiem, kumta keiñ un long bad u Solomon, bad un pynlong kham khraw ïa ka khet jong u ban ïa ka khet u Dabid u syiem kynrad jong nga.”

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

SALM 20:1

To U Trai un pynsngew ïa me ha ka sngi ka jingjynjar; to ka kyrteng U Blei u Jakob kan kyntiew sha jrong ïa me.

SALM 20:4

Un ai ha me ïa ka jingkwah ka dohnud jong me, bad un pyndep ïa ka jingpyrkhat jong me baroh.

SALM 20:9

To pynim, A Trai: to U Syiem un sngew ïa ngi haba ngi khot kyrpad.

JINGKHEIÑ 27:18

Te U Trai u la kren ha u Moses, “To shim ha me ïa u Joshua u khun u Nun, u briew ha uba don uta u mynsiem, bad men buh ïa la ka kti halor jong u;

JINGKHEIÑ 27:20

Men ai ruh na ka burom jong me hi halor jong u, ba u paidlang baroh ki khun Israel kin kohnguh.

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

DEUTERONOMI 34:9

Bad u Joshua u khun u Nun u la dap da ka mynsiem ka jingstad; naba u Moses u la lah buh ïa la ki kti halor jong u: bad ki khun Israel ki la shahshkor ïa u, bad ki la leh ruh kumba U Trai u la hukum ïa u Moses.

JOSHUA 1:16

Te ki la ïathuh ha u Joshua, ki la ong, “Ïa baroh ba me la hukum ïa ngi, ngin leh, bad kat shaba men phah ïa ngi, ngin leit ruh.

JOSHUA 1:18

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 4:14

Ha kata ka sngi, U Trai u la pyndonburom ïa u Joshua ha khmat ki Israel baroh; te ki la sheptieng ïa u, kumba ki la ju sheptieng ïa u Moses, baroh ki sngi ka rta jong u.

1 SAMUEL 17:37

Te u Dabid u la ong ruh, “U Trai uba la pynim ïa nga na ka kti u sing, bad na ka kti ka dngiem, uta keiñ, un pynim ïa nga na ka kti une u Philistia.” Te u Saul u la ong ha u Dabid, “Khie leit, bad U Trai un long ryngkat bad me.”

1 SAMUEL 20:13

U Trai un leh kumta, bad tam ruh, ïa u Jonathan, lada u kpa jong nga un ibit ban pynsniew ïa me, bad ba ngan ym ïathuh ïa me bad pyllait noh ïa me, ba men ïoh leit ha kaba suk: te U Trai to un long lem bad me, kumba u la long bad u kpa jong nga.