JONAH 4:8 - KA BAIBL

⁸ Bad haba la ïeng ka sngi, U Blei u la khreh ïa ka lyer mihngi kaba pyn-lhep; bad ka sngi ka la shoh ïa ka khlieh u Jonah, haduh ba u la ïapler, bad u la kyrpad ïa lade ba un ïap noh, bad u la ong, “Kham bha ba ngan ïap ban ïa ka ban im.”

Khasi CL Bible (BSI)

⁸ Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

JONAH 4:8 ပူးပေါင်းရင်းမြစ်များ

JENESIS 41:6

Bad ha khmih, sa hynñiew tylli ki rynjup soh Kew ki baswai bad kiba la thangïong da ka lyer mihngi, kiba mih shluiñ hadien jong ki.

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

1 SYIEM 21:4

Bad u Ahab u la wan khuslai bad sngewsih sha la ïing namar kata ka ktien kaba u Naboth u nong Jesril u la kren ha u: naba u la ong, “Ngan ym ai ha me ïa ka ri kynti ki kpa jong nga.” Bad u la thiah ha la ka jingthiah, bad u la pynphai noh ïa la ka khmat, bad um treh bam jingbam shuh.

Ka Kitab U Job 2:10

Hynrei u la ong ha ka, “Pha kren kumba kren kawei na ki riewbieit. Balei? ngin pdiang na ka kti U Blei ïa ka babha, te ngin ym pdiang ka basniew?” Ha kane baroh u Job um shym la leh pop da la ki rmiang shyntur.

Ka Kitab U Job 7:15

kumta ba ka mynsiem jong nga ka jied ïa ka jnang, bad ïa ka jingïap ban ïa kine ki shyieng jong nga.

SALM 121:6

Ka sngi kan ym shoh ïa me mynsngi, lymne u bnai mynmiet.

SALM 39:9

Ngam shym lah ban kren, ngam shym ang la ka shyntur; namar me la leh ma me ïa kane.

EKLESIASTIS 7:9

Wat long uba shait bitar ha ka mynsiem jong me: namar ka jingbitar ka shong sah ha ka shadem ki babieit.

JINGRWAI SOLOMON 1:6

To wat khmih ïa nga, namar nga ïong, namar ba ka sngi ka la thang ïa nga. Ki khun shynrang ka kmie jong nga ki la khih bitar ïa nga, ki la pynlong ïa nga ka nongsumar ki brisoh; hynrei, ïa ka brisoh jong nga hi ngam shym la sumar.

ISAÏAH 49:10

Kin ym thngan lymne sliang; te ka jingshit bad ka sngi kin ym shoh ïa ki: namar uta uba isynei ïa ki un btin ïa ki, hajan ki umpohliew ruh un ïalam ïa ki.

ESEKIEL 19:12

Hynrei, la rat noh ïa ka ha ka jingbitar ba-otshla, bad la bred noh ïa ka ha ka khyndew, bad ka 'er mihngi ka la pyntyrkhong ïa u soh jong ka: ïa ki dieng bakhlaiñ jong ka la pynkheiñ bad ki la ïap; ka ding ka la bam duh ïa ki.

HOSIA 13:15

“La u sei soh hapdeng la ki para, ka lyer mihngi kan wan, ka jingpyrsad U Trai kaba wan na ka ri khlaw, te ka pukri jong u, kan rkhiang, bad ka umpohliew jong u, kan rngad noh: un lute ïa ka jingkynshew jong ki khiew ki pliang bakordor baroh.

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

JONAH 1:17

Te U Trai u la khreh ïa u dohkha uba khraw ban nguid ïa u Jonah; bad u Jonah u la don ha ka kpoh uta u dohkha lai sngi bad lai miet.

JONAH 1:4

Hynrei, U Trai u la pynmih noh ïa ka lyer kaba jur sha ka duriaw, bad la don ka 'erïong kaba khraw ha ka duriaw, ba kumta ka lieng ka la imat kum ban sa pait.

JONAH 4:3

Namar kata te, A Trai, nga kyrpad ïa me, to shim noh na nga ïa ka jingim jong nga; naba ka kham bha ïa nga ban ïap ban ïa ka ban im.”

JONAH 4:9

U Blei te u la ong ha u Jonah, “Hato me leh bha ba me bitar namar uta u Kikaïon?” U te u la ong, “Nga leh bha keiñ ba nga bitar jin haduh ka jingïap.”

MATHAÏOS 20:12

ki ong, ‘Kine ki bakhatduh ki la trei tang shi kynta, pynban me la pynïaryngkat ïa ki bad ngi, kiba la shah ïa kaba eh bad ïa kaba shit ka sngi.’

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

JINGPYNPAW 7:16

Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit;

1 SAMUEL 3:18

Te u Samuel u la ïathuh ha u ïa kiei kiei baroh, bad um shym la buhrieh ei ei ruh na u. U te u la ong, “U long U Trai; to un leh ïa kaba u hi u sngewbha.”