JONAH 4:5 - KA BAIBL

⁵ Ynda kumta, u Jonah u la mih noh na ka nongbah, bad u la shong shaphang mihngi jong ka nongbah, bad u la thaw dara ïa lade hangta, bad u la shong hapoh jong ka ha ka jingkah, tad ynda u la ïohi kaei ka ban sa jia ïa ka nongbah.

Khasi CL Bible (BSI)

⁵ U Jonah u la mih bad leit shaphang mihngi jong ka nongbah bad u la shong hangta. U la shna ka jakarieh tngen ïa lade bad shong ha ka syrngiew jong ka, da kaba ap ban khmih kaei ka ban jia ïa ka Ninebeh.

JONAH 4:5 ပူးပေါင်းရင်းမြစ်များ

1 SYIEM 19:13

Te haba u Elijah u la ïohsngew ïa kata, u la tap ïa la ka khmat da la ka barandi, bad u la mih noh, bad u la ïeng ha ka shyntur kata ka krem. Te, ha khmih, ka ktien ka la wan ha u, kaba ong, “Me leh aïu hangne, ko Elijah?”

1 SYIEM 19:9

Bad hangta u la leit rung sha ka krem, bad u la shong hangta; te, ha khmih, ka ktien U Trai ka la wan ha u, bad u ong ha u, “Me leh aïu hangne, ko Elijah?”

ISAÏAH 57:17

Namar ka jingbymhok ka jingkhwan lalot jong u nga la bitar bad nga la shoh ïa u, nga la buhrieh ïa lade ba nga la bitar: u te u la nang ïaid kynriang ha ka lynti ka dohnud jong u.

JEREMAÏAH 20:9

Bad lada nga ong, “Ngan ym kren shuh shaphang jong u, ngan ym kren shuh ha ka kyrteng jong u,” hangta te don ha ka dohnud jong nga kum ka ding kaba meh ba la set khop hapoh ki shyieng jong nga, nga la thait ban kan, bad ngam lah shuh.

JONAH 1:5

Ynda kumta, ki riewlieng ki la sheptieng, bad ki la kyrpad uwei uwei baroh ïa la u blei; bad ki la bred noh sha ka duriaw ïa ki mar kiba ha ka lieng, khnang ban pynsting ïa ka, ïa lade. Hynrei, u Jonah u la lah hiar sha ki jaka ba kham shapoh jong ka lieng; bad u la thiah, bad u la ïohthiah lyngngai ruh.

JONAH 4:4

U Trai te u la ong, “Hato me leh bha ba me bitar?”

JONAH 4:6

Te U Trai U Blei u la khreh ïa u Kikaïon, bad u la pynmih noh ïa u halor u Jonah, ba un long jingkah halor ka khlieh jong u, ïa ka ban pyllait ïa u na la ka jingkhuslai. Kumta, u Jonah u la kmen shibun namar uta u Kikaïon.