JONAH 4:4 - KA BAIBL

⁴ U Trai te u la ong, “Hato me leh bha ba me bitar?”

Khasi CL Bible (BSI)

⁴ U Trai u la jubab, “Me don hok aïu ban bitar?”

JONAH 4:4 ပူးပေါင်းရင်းမြစ်များ

JENESIS 4:6

Te U Trai u la ong ha u Kain, “Balei ba me la sngewbitar? bad na ka balei ba la noh liaw ka khmat jong me?

1 SYIEM 21:4

Bad u Ahab u la wan khuslai bad sngewsih sha la ïing namar kata ka ktien kaba u Naboth u nong Jesril u la kren ha u: naba u la ong, “Ngan ym ai ha me ïa ka ri kynti ki kpa jong nga.” Bad u la thiah ha la ka jingthiah, bad u la pynphai noh ïa la ka khmat, bad um treh bam jingbam shuh.

Ka Kitab U Job 36:18

Namar ba ka jingbitar ka don, sumar ba ïoh ïalam noh ïa me da la ka jingsngewdap; lymne wat ai ba ka jingkhraw jong kata ka kuna kan pynphai noh ïa me.

JONAH 4:1

Hynrei, u Jonah u la sngewsih sat, bad u la sngewbitar.

JONAH 4:3

Namar kata te, A Trai, nga kyrpad ïa me, to shim noh na nga ïa ka jingim jong nga; naba ka kham bha ïa nga ban ïap ban ïa ka ban im.”

JONAH 4:5

Ynda kumta, u Jonah u la mih noh na ka nongbah, bad u la shong shaphang mihngi jong ka nongbah, bad u la thaw dara ïa lade hangta, bad u la shong hapoh jong ka ha ka jingkah, tad ynda u la ïohi kaei ka ban sa jia ïa ka nongbah.

JONAH 4:9

U Blei te u la ong ha u Jonah, “Hato me leh bha ba me bitar namar uta u Kikaïon?” U te u la ong, “Nga leh bha keiñ ba nga bitar jin haduh ka jingïap.”

MIKAH 6:3

“A phi ki briew jong nga, nga la leh aïu ïa me? Bad ha kaei nga la pynsngew btai ïa me? To sakhi pyrshah ïa nga.

JINGKHEIÑ 20:24

“Ïa u Aaron yn ïalum lang sha ki briew jong u: naba un ym ïoh leit sha kata ka ri ïa kaba nga la ai ha ki khun Israel, namar phim shym la kohnguh ïa ka ktien jong nga ha kata ka um Meribah.

MATHAÏOS 20:15

Kam bit ïa nga ban leh ïa kaba nga mon da la ki jong? Ne ka khmat jong me ka long ka basniew naba nga long u babha?’