JONAH 4:2 - KA BAIBL

² Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

Khasi CL Bible (BSI)

² Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

JONAH 4:2 ပူးပေါင်းရင်းမြစ်များ

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

SALM 103:8

U Trai u dap ka jingisynei bad uba aiei, uba jynsur ban bitar, bad uba kynrei ka jingisynei.

SALM 145:8

U Trai uba aiei, bad uba dap ka jingsngewsynei; uba tud ïa ka jingbitar, bad u bakhraw ka jingisynei.

SALM 78:38

Ma u, hynrei, namar ba uba isynei eh, u la map ïa ka jingleh bymman jong ki, bad um shym pynduh noh ïa ki; bunsien ruh u la pynphai noh ïa la ka jingbitar, bad um shym pynkynroi ïa la ka jingbitar baroh.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

SALM 90:13

To phai, A Trai; slem katno? bad to kylla-ka-bamut shaphang ki shakri jong me.

EKSODOS 32:14

Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

JEREMAÏAH 18:8

lada kata ka jaid bynriew, kaba nga la kren shaphang jong ka, kan phai na ka jingsniew jong ki, ngan kylla-ka-bamut shaphang kata ka jingsniew kaba nga la mut ban leh ïa ki.

JEREMAÏAH 20:7

A Trai, me la shukor ïa nga, te la shukor ïa nga: me kham khlaiñ ïa nga, bad me la jop: nga la long ka jingrkhiebeiñ baroh shi sngi, uwei uwei baroh u krenbeiñ ïa nga.

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

JEREMAÏAH 42:10

‘Lada phin dang shong ha kane ka ri, te ngan tei ïa phi, bad ngan ym pynkyllon ïa phi, bad ngan thung ïa phi, te yn ym rat noh: namar nga kylla-ka-bamut na ka jingsniew kaba nga la leh ha phi.

AMOS 7:3

U Trai u la kylla-ka-bamut shaphang kane: “Kan ym long keiñ,” ong U Trai.

AMOS 7:6

U Trai u la kylla-ka-bamut shaphang kane: “Kane ruh kan ym long,” ong U Trai U Blei.

JONAH 1:3

Hynrei, u Jonah u la ïeng ban phet noh sha Tarshish na khmat U Trai; te u la leit hiar sha Joppa, bad u la shem ïa ka lieng kaba leit sha Tarshish; kumta, u la siew ïa ka bai lieng jong ka bad u la hiar sha ka, ïa ka ban leit lem bad ki sha Tarshish na khmat U Trai.

JONAH 3:10

Bad U Blei u la ïohi ïa ki jingleh jong ki, ba ki la phai noh na la ka lynti basniew; bad U Blei u la kylla-ka-bamut na kata ka jingsniew, kaba u la ong ba un leh ïa ki; te um shym leh ïa ka.

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

LOUKAS 10:29

U te, ba u kwah ban pynksan ïa lade, u la ong ha U Jisu, “Uno te uba long u paramarjan jong nga?”

DEUTERONOMI 4:31

naba U Trai uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.