JONAH 3:9 - KA BAIBL

⁹ Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

Khasi CL Bible (BSI)

⁹ Lehse U Blei un kylla ka jingmut jong u; lehse un sangeh noh na kaba bitar, bad ngin ym ïap!”

JONAH 3:9 ပူးပေါင်းရင်းမြစ်များ

2 SAMUEL 12:22

U te u la ïathuh, “Mynba i dang im keiñ i khynnah, nga la shah jingit bad nga la ïam: naba nga la ong, ‘Uei uba lah ban tip la un isynei ne em U Trai ïa nga, ba in ïoh im i khynnah?’

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

SALM 85:3

Me la law noh ïa la ka jingbitar baroh: me la phai noh ïa lade na ka jingotshla ka jingbitar jong me.

SALM 90:13

To phai, A Trai; slem katno? bad to kylla-ka-bamut shaphang ki shakri jong me.

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

DANIEL 4:27

Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

JONAH 1:15

Kumta, ki la shim ïa u Jonah, bad ki la bred noh ïa u sha duriaw: te ka duriaw ka la long jai jai.

JONAH 1:6

Kumta, u rangbah lieng u la wan ha u, bad u la ong ha u, “Me mut aïu, ko nongthiah? To khie, to duwai ha U Blei jong me, ïoh lehse U Blei un kynmaw ïa ngi, ba ngin ym ïap.”

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

SEPHANAÏAH 2:3

To wad ïa U Trai, phi baroh kiba lui lui jong ka khyndew, kiba la leh ïa ka jingbishar jong u; to wad ïa ka hok, wad ïa ka jinglui lui: lehse yn buhrieh ïa phi ha kata ka sngi ka jingbitar U Trai.

1 SAMUEL 6:5

Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.