JONAH 3:4 - KA BAIBL

⁴ Bad u Jonah u la sdang ban rung shapoh ka nongbah shi sngi lynti, bad u la pyrta, bad u la ong, “Sa sawphew sngi, te ïa ka Ninebeh yn pynkyllon.”

Khasi CL Bible (BSI)

⁴ U Jonah u sdang ban ïaid lyngba ïa ka nongbah, bad hadien ba u la ïaid baroh shi sngi, u la pynbna, “Hapoh sawphew sngi ïa ka Ninebeh yn sa pynjot!”

JONAH 3:4 ပူးပေါင်းရင်းမြစ်များ

2 SYIEM 20:1

Ha kita ki sngi, u Hesekaïah u la pang ïa ka ban ïap noh. Te u Isaïah u nongïathuhlypa u khun u Amos u la wan ha u, bad u la ong ha u, “Kumne u ong U Trai, To pynbeit ïa la ka ïing; naba men ïap, bad men ym im.”

2 SYIEM 20:6

Bad ngan pyntam shuh ïa ki sngi jong me sa khatsan snem: bad ngan pyllait ïa me bad ïa kane ka shnong na ka kti u syiem ka Assyria; bad ngan da ïa kane ka shnong na ka bynta jong nga hi, bad na ka bynta u Dabid u shakri jong nga.’ ”

ISAÏAH 30:18

Namar kata te, U Trai un ap, ba un leh sbun ïa phi, bad namar kata, yn pynkyntiew ïa u, ba un leh isynei ïa phi: namar U Trai u long U Blei ka jingbishar; suk kita baroh kiba ap ïa u.

JEREMAÏAH 42:10

‘Lada phin dang shong ha kane ka ri, te ngan tei ïa phi, bad ngan ym pynkyllon ïa phi, bad ngan thung ïa phi, te yn ym rat noh: namar nga kylla-ka-bamut na ka jingsniew kaba nga la leh ha phi.

JONAH 3:10

Bad U Blei u la ïohi ïa ki jingleh jong ki, ba ki la phai noh na la ka lynti basniew; bad U Blei u la kylla-ka-bamut na kata ka jingsniew, kaba u la ong ba un leh ïa ki; te um shym leh ïa ka.

MATHAÏOS 12:41

Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

LOUKAS 11:30

Naba kumba u Jonah u la long ka dak ïa ki nong Ninebeh, kumta ruh U Khun u briew un long ïa kane ka pateng bynriew.

LOUKAS 11:32

Ki nong Ninebeh kin ïaïeng lem ha ka jingbishar bad kane ka pateng bynriew, bad kin pynrem ïa ka; naba ki la kylla-ka-bamut da ka jingïalap u Jonah, bad ha khmih, uba kham khraw ïa u Jonah u don hangne.

DEUTERONOMI 18:22

Haba u nongïathuhlypa u kren ha ka kyrteng jong U Trai, lada kata ka ktien kam urlong kumta, lymne kam wan jia, ïa kata ka ktien keiñ, U Trai um shym la kren: hynrei, uta u nongïathuhlypa u la kren ïa ka da kaba kob sob, men ym sheptieng ïa u.