JONAH 3:2 - KA BAIBL

² “To ïeng, to leit sha Ninebeh, kata ka nongbah kaba khraw, bad to ïathuhkhana ha ka, ïa ka jingïathuhkhana kaba ngan ong ma nga ha me.”

Khasi CL Bible (BSI)

² U ong, “Khie leit sha Ninebeh, kata ka nongbah bakhraw, bad to pynbna ha ki briew ïa ka khubor kaba nga la ai ha me”

JONAH 3:2 ပူးပေါင်းရင်းမြစ်များ

ESTHER 9:31

ban pynskhem ïa kine ki sngi jong ki Purim ha ka por ba la buh ïa ki, kumba u Mordekai u Jiw bad ka Esther syiem ki la hukum ïa ki, bad kumba ki hi ruh, ki la lah thung na ka bynta ïa lade bad na ka bynta u symbai jong ki, shaphang kita ki jingshah jingit bad ka jinglynñiar jong ki.

EKSODOS 4:28

Bad u Moses u la ïathuh ha u Aaron ïa ki ktien baroh jong U Trai uba la phah ïa u, bad ïa kita ki dak phylla baroh ïa kiba u la lah hukum ïa u.

JEREMAÏAH 1:17

Ma me, namar kata, to panpoh ïa la ka syngkai, bad to ïeng, bad kren ruh ha ki ïa kaba nga hukum ïa me baroh: wat khaw-eit ïa ki, ïoh ngan pynkhaw-eit ïa me ha khmat jong ki.

JEREMAÏAH 1:7

Hynrei, U Trai u la ong ïa nga, “Wat ong, ‘Nga dang khynnah:’ naba ha kino kino kiba ngan phah ïa me men leit keiñ, bad ïa kaei kaei kaba ngan hukum ïa me men kren keiñ.

ESEKIEL 2:7

Hynrei, to men kren ïa ki ktien jong nga ha ki, lada kin sngap, lane lada kin ym sngap: namar ki long kiba ïaleh pyrshah eh.

ESEKIEL 3:17

“Ko khun u briew, nga la pynlong ïa me u nongsharai ha ka ïing Israel: namar kata, to sngap ïa ka ktien na ka shyntur jong nga, bad to ai ïa ki ka jingmaham na nga.

JONAH 1:2

“To ïeng, to leit sha Ninebeh, kata ka nongbah kaba khraw, bad to pyrta pyrshah ïa ka; naba ka jingleh bymman jong ki ka la wan kiew ha khmat jong nga.”

JONAH 3:1

Bad ka ktien U Trai ka la wan ka ba-ar sien ha u Jonah, ka da ong,

JONAH 3:3

Kumta, u Jonah u la ïeng, bad u la leit sha Ninebeh katba kum ka ktien U Trai. Te ka Ninebeh ka la long ka nongbah bakhraw shibun eh, ka balai sngi lynti.

MATHAÏOS 3:8

Naba kumta to sei ïa u soh uba dei biang ïa ka jingkylla-ka-bamut:

ÏOANNIS 5:14

Hadien kata, U Jisu u shem ïa u ha ka templ, bad U la ong ha u, “Ha khmih, la pynkhiah ïa me: wat leh pop shuh, ïoh kan jia ha me kaei kaei ruh kaba kham sniew.”