JONAH 2:9 - KA BAIBL

⁹ Hynrei, ma nga, ngan kñia ha me da ka jingsawa ka jingainguh; ngan siew ïa kata kaba nga la kular. Ka jingpynim ka long na U Trai.”

Khasi CL Bible (BSI)

⁹ Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

JONAH 2:9 ပူးပေါင်းရင်းမြစ်များ

JENESIS 35:3

bad to ïa ngin ïamih noh, bad ngin ïaleit kiew sha Bethel; ba hangta ngan thaw ïa ka duwan ïa uta U Blei uba la shahshkor ïa nga ha ka sngi ka jingsngewjynjar jong nga, bad uba la long ryngkat bad nga ha kata ka lynti baroh ha kaba nga la ïaid.”

2 SAMUEL 15:7

Te ynda la dap sawphew snem, u Absalom u la ong ha u syiem, “Nga kyrpad ïa me, to shah ba ngan leit pyndep ha Hebron ïa ka kular jong nga, kaba nga la kular ha U Trai.

Ka Kitab U Job 22:27

Men duwai ha u, u ruh un shahshkor ïa me; te men siew ïa la ki kular.

SALM 107:22

To kin ai ruh ki jingkñia ka jingainguh, bad kin pynbna ïa ki kam jong u da ka jingrwai.

SALM 27:1

U Trai u long ka jingshai jong nga bad ka jingpynim jong nga; ïano ngan sheptieng? U Trai u long ka bor ka jingim jong nga; ïano ngan khaw-eit?

SALM 3:8

Ka jingpynim ka jong U Trai: ka jingkyrkhu jong me to kan long ha ki briew jong me. Selah

SALM 50:14

To ai ha U Blei ïa ka jingkñia ka jingainguh; bad to siew ïa ki kular jong me ha U Bahakhlieh Tam:

SALM 50:23

uta uba ai ka jingkñia ka jingainguh u pyndonburom ïa nga; bad ha uba pynbeit ïa la ka jingïaid ngan pyni ïa ka jingpynim U Blei.

SALM 68:20

U Blei u long ha ngi U Blei ki jingpyllait; bad ha u Jehobah U Trai ki dei jinglait im na ka jingïap.

SALM 95:2

To ngin ïawan ha khmat jong u da ka jingainguh, to ngin ïakynud sngewtynnad ïa u da ki salm.

ISAÏAH 45:17

Hynrei, ïa u Israel yn pynim da U Trai da ka jingpynim bymjukut: phin ym sngewlehrain lymne sngewlyngngoh lano lano ruh.

JEREMAÏAH 33:11

ïa ka 'tien sawa jong ka jingkmen bad ka 'tien sawa jong ka jingsngewbha, ka 'tien sawa u nongleit-kurim bad ka 'tien sawa ka nongleit-kurim, ka 'tien sawa jong kita kiba ong, “ ‘ “To ainguh ïa U Trai ki paid, naba U Trai u long u babha, naba ka jingisynei jong u ka neh junom:” “ ‘Bad ka jong kita kiba wallam ïa ki jingkñia ainguh sha ka ïing U Trai. Naba ngan pynphai noh pat ïa ka jinglongmraw jong ka ri kum ha kaba mynnyngkong,’ ong U Trai.

HOSIA 14:2

Shim ki ktien bad phi, to phai ruh sha U Trai: ong ha u, “To shim noh ïa ka jingbymhok baroh, bad to pdiang ïa kata ka babha: te ngin ai kum ki masi kyrtong ïa ki jingainguh ki rmiang shyntur jong ngi.

ÏOANNIS 4:22

Phi ïamane Blei kat kum ïa kaba phim tip; ngi ïamane Blei kat kum ïa kaba ngi tip; naba ka jingpynim ka long na ki Jiw.

KI KAM 4:12

Bad ym don ka jingpynim hano hano ha uwei pat: naba ym don kawei pat ka kyrteng hapoh ka bneng, ïa kaba la ai hapdeng ki briew, da kaba ka dei ba yn pynim ïa ngi.”

Ka Shithi U Paul Sha Ki Nong Rom 12:1

Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi.

DEUTERONOMI 23:18

Men ym wallam ïa ka bainong jong ka nuti, lane ïa ka dor u ksew, sha ïing U Trai uba U Blei jong me ha kano kano ka jingkular niam: naba kine baroh ar, ki long kiba ijli ha khmat U Trai uba U Blei jong me.

HEBRU 13:15

Da u, namar kata, to ngin ïa-ai ka jingkñia ka jingïaroh ïa U Blei khlem da pud, kata ka long, u soh ki rmiang shyntur ki baphla ïa ka kyrteng jong u.

JINGPYNPAW 7:10

bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”

1 SAMUEL 12:21

bad wat kiar noh: naba kumta phi la leit bud ïa kiei kiei kiba thala ki bym lah pynmyntoi lymne pyllait, naba ki long kiba thala keiñ.