JONAH 2:8 - KA BAIBL

⁸ Kita kiba bat ïa ki jingthala kiba lamler, ki kyntait ïa la ka jong ka jingisynei.

Khasi CL Bible (BSI)

⁸ Kito kiba mane ïa ki bleithaw bym don jingmyntoi ki la iehnoh na kaba ïaineh ha me.

JONAH 2:8 ပူးပေါင်းရင်းမြစ်များ

2 SYIEM 17:15

Bad ki la kyntait ïa ki aiñ jong u bad ïa ka jutang jong u, kiba u la pynlong bad ki kpa jong ki, bad ïa ki jingphla jong u, kiba u la phla ha ki; bad ki la bud ïa ka jingthala, bad ki la kylla long thala, bad ki la leit bud ïa kita ki kynja bynriew kiba la don baroh sawdong jong ki, shaphang kiba U Trai u la lah adong ïa ki ba kin ym leh kum kita.

SALM 142:4

To khmih sha kamon jong nga, bad to i; naba ym don uba ithuh ïa nga: ka jaka rieh ïa nga ka la duh noh; ym don uba khmih ïa ka mynsiem jong nga.

SALM 31:6

Nga isih ïa kita kiba khmih ïa ki jingthala kiba lamler: hynrei, nga shaniah ha U Trai.

SALM 69:14

To pyllait ïa nga na ka ktieh, bad wat ai ba ngan ngam: to ai ban pyllait ïa nga na kita kiba shun ïa nga, bad na ki um bajylliew.

JEREMAÏAH 10:8

Hynrei, ki ïalong lang ki barunar bad ki babieit: ka jinghikai ki durblei, ka long tang ka met dieng.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 2:13

Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

MIKAH 1:2

To sngew, phi ki bynriew, phi baroh keiñ; to shahshkor, ko ka khyndew, bad baroh katba don ha ka: bad to U Trai U Blei un long sakhi pyrshah ïa phi, U Trai na la ka templ ka bakhuid keiñ.

1 SAMUEL 12:21

bad wat kiar noh: naba kumta phi la leit bud ïa kiei kiei kiba thala ki bym lah pynmyntoi lymne pyllait, naba ki long kiba thala keiñ.