JONAH 2:7 - KA BAIBL

⁷ Haba ka mynsiem jong nga ka la ïapler hapoh jong nga, nga la kynmaw ïa U Trai: bad ka jingduwai jong nga ka la rung sha me, sha ka templ ka bakhuid jong me.

Khasi CL Bible (BSI)

⁷ Haba nga la sngew kumba ka jingim jong nga ka la syntuid noh na nga, te, A Trai, nga la khot kyrpad ïa me, bad ha ka Templ bakhuid jong me, me la ïohsngew ïa nga.

JONAH 2:7 ပူးပေါင်းရင်းမြစ်များ

2 KHRONIKL 30:27

Te ki lyngdoh ki Lebi ki la ïeng bad ki la kyrkhu ïa ki paidbah: bad la ïohsngew ïa ka ktien jong ki, bad ka jingduwai jong ki ka la kiew haduh ka jaka shong bakhuid jong u, shaduh bneng keiñ.

SALM 11:4

U Trai u don ha ka templ bakhuid jong u, U Trai, ka khet jong u ka ha bneng; ki khmat jong u ki khmih, ki irmat jong u ki tynjuh, ïa ki khun bynriew.

SALM 142:3

Haba la tyllep ïa ka mynsiem jong nga hapoh jong nga, me la tip ïa ka lynti jong nga. Ha ka lynti kaba nga ïaid ki la buhrieh ïa ka jingriam ïa nga.

SALM 143:5

Nga kynmaw ïa ki sngi kiba mynshuwa; nga pyrkhat ïa ki jingleh jong me baroh: nga puson ïa ka kam ki kti jong me.

SALM 18:6

Ha la ka jingpisa nga la khot kyrpad ha U Trai, bad nga la kyang ha U Blei jong nga: u la ïohsngew ïa ka ktien jong nga na ka templ jong u, bad ka jingkyang jong nga ha khmat jong u ka la poi sha ki shkor jong u.

SALM 20:7

Don kiba shaniah ha ki kali, kiwei pat ruh ha ki kulai: hynrei, ngi ngin ïathuh ïa ka kyrteng U Trai U Blei jong ngi.

SALM 22:14

La theh noh ïa nga kum ka um, ki shyieng jong nga baroh ki la lait paiñ: ka dohnud jong nga ka la long kum ka bthing; ka la um noh hapdeng ki snier jong nga.

SALM 27:13

Nga la ïap, lymda nga la ngeit ban ïohi ïa ka jingbha U Trai ha ka ri ki ba-im.

SALM 42:11

Balei pha long kaba la pynnoh, ko ka mynsiem jong nga? Bad balei ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat, uba long ka jingkhiah ka khmat jong nga, bad U Blei jong nga.

SALM 42:5

Balei pha long kaba la pynnoh, ko ka mynsiem jong nga? bad ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat namar ka jingkhiah ka khmat jong u.

SALM 43:5

Balei ba la pynnoh ïa pha, ko ka mynsiem jong nga? bad balei ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat, uba long ka jingkhiah ka khmat jong nga, bad U Blei jong nga.

SALM 65:4

Suk uta u briew ïa uba me jied, bad uba me pynjan ha me, ba un ïoh shong ha ki phyllaw jong me: yn pynkdang ïa ngi da ka jingbha ka ïing jong me, ka jaka ka bakhuid ka templ jong me.

ISAÏAH 38:17

Ha khmih, ka la long na ka bynta ka jingsuk jong nga ba nga la ïoh ka jingkthang eh: hynrei me, da kaba ieit ïa ka mynsiem jong nga me la pyllait ïa ka na ka 'liewlong ka jingpyut plak; namar me la bred bak ïa ki pop jong nga baroh shadien jong me.

ISAÏAH 50:10

Uei hapdeng jong phi uba sheptieng ïa U Trai, uba kohnguh ïa ka ktien u shakri jong U? Uba ïaid ha ka ba-dum, bad um don jingshai, to un shaniah ha ka kyrteng U Trai, bad un kyrshan ha U Blei jong u.

JONAH 2:4

Te nga la ong, “La shop noh ïa nga na khmat ki khmat jong me; pynban, ngan peit pat sha ka templ ka bakhuid jong me.

MIKAH 1:2

To sngew, phi ki bynriew, phi baroh keiñ; to shahshkor, ko ka khyndew, bad baroh katba don ha ka: bad to U Trai U Blei un long sakhi pyrshah ïa phi, U Trai na la ka templ ka bakhuid keiñ.

HABAKKUK 2:20

Hynrei, U Trai u don ha la ka templ ka bakhuid: ka pyrthei baroh to kan sngap jar noh ha khmat jong u.

HEBRU 12:3

Namar to phin pyrkhat ïa uta uba la shah ïa kaba katne ka jingkren pyrshah ïa lade da ki bapop, ba phin ym man thait da kaba sngewtlot ngai-ly-ngai ha ki mynsiem jong phi.

1 SAMUEL 30:6

Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.