JONAH 2:2 - KA BAIBL

² bad u la ong, “Nga la kyrpad ha U Trai namar ka jingjynjar jong nga, te u la phai ktien ha nga; na ka kpoh ka dujok nga la kyang, bad me la ïohsngew ïa ka ktien jong nga.

Khasi CL Bible (BSI)

² “Ha ka jingjynjar jong nga, A Trai, nga la khot kyrpad ïa me, bad me la jubab ïa nga. Na ka jingjylliew jong ka pyrthei kiba ïap nga la khot kyrpad na ka bynta ka jingïarap, bad me la ïohsngew ïa nga.

JONAH 2:2 ပူးပေါင်းရင်းမြစ်များ

2 KHRONIKL 33:12

Te haba u la long ha ka jingshitom, u la kyrpad ïa U Trai U Blei jong u, bad u la pynrit ïa lade shibun ha khmat U Blei ki kpa jong u.

SALM 116:3

Ki jingkhum ka jingïap ki la kyllaiñ sawdong ïa nga, ki jingshitom ka jingtep ki la bat ïa nga: nga la shem ka jynjar bad ka jingkhuslai.

SALM 120:1

Ha la ka jingjynjar nga la khot ïa U Trai, te u la shahshkor ïa nga.

SALM 16:10

Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.

SALM 22:24

Namar um shym ñiewbeiñ, lymne isih ïa ka jynjar jong u bajynjar; lymne um shym buhrieh ïa la ka khmat na u; hynrei, haba u la lynñiar ha U, U la ïohsngew.

SALM 34:6

Une u rangli u la lynñiar, te U Trai U la ïohsngew ïa u, bad U la pynim ïa u na ki jingjynjar jong u baroh.

SALM 4:1

To sngew ïa nga haba nga khot, A U Blei ka hok jong nga; me la pyllaitluid ïa nga ha ka jingkhim: to isynei ïa nga, bad to sngew ïa ka jingduwai jong nga.

SALM 61:2

Naduh ka bakut ka khyndew ngan khot kyrpad ha me, haba la tyllep ïa ka dohnud jong nga: to ïalam ïa nga ha u mawsiang uba kham ha khlieh ïa nga.

SALM 65:2

A me uba sngew ïa ka jingduwai, ha me kan wan ka doh baroh.

SALM 86:13

Naba ka bakhraw ka jingisynei jong me sha nga; bad me la pyllait ïa ka mynsiem jong nga napoh ñiamra bajylliew eh.

ISAÏAH 14:9

Ïa ka dujok na shapoh la pynkhih na ka bynta jong me ban leit tan ïa me haba me wan: ka pynkhih na ka bynta jong me ïa ki 'suidïap, wat ïa ki rangbah ka pyrthei baroh; ka la pynïeng joit na ki khet jong ki, ïa ki syiem jong ki jaid bynriew baroh.

SNGEWSYNEI 3:55

“Nga la khot kyrpad ïa ka kyrteng jong me, A Trai, na ka thliew bajylliew tam.

ESEKIEL 26:20

ynda kumta, ngan pynhiar noh ïa pha ryngkat bad kita kiba hiar sha ka thliew, sha kita ki briew kiba mynbarim, bad ngan pynshong ïa pha ha ki jaka ba kham poh jong ka khyndew, ha ki jaka kiba ju long kynjah naduh mynbarim, ryngkat bad kita kiba leit hiar sha ka thliew, ba yn ym don ba shong ha pha; bad ngan buh ka burom ha ka ri ki ba-im:

ESEKIEL 31:14

khnang ba yn ym don uwei ruh na ki dieng baroh kiba harud ki um ki ban kyntiew ïa lade ha ka rynïeng jong ki, lymne ki ban buh ïa ka kliar jong ki hapdeng ki tnat bakhah, lane ba kiba don bor jong ki kin shu ïeng ha ka jingjrong jong ki, kita baroh keiñ kiba dih um: namar la aiti ïa ki baroh sha ka jingïap, haduh ki bynta ba kham shapoh jong ka khyndew, hapdeng ki khun bynriew, lem bad kita kiba hiar sha ka thliew.”

MATHAÏOS 12:40

Naba kumba u Jonah u la shong lai sngi bad lai miet ha ka kpoh u dohkha khraw, kumta ruh U Khun u briew un shong lai sngi bad lai miet ha ka kpoh ka khyndew.

LOUKAS 11:10

Naba baroh uba pan, u pdiang; bad jar uba wad, u shem; bad ïa uta uba tied, yn sa plie.

LOUKAS 22:44

Te ba U don ha ka jingpisa mynsiem bajur, U la duwai kham shitrhem shibun eh: te ka syep jong U ka la long kum ki jingjaw ka snam kaba lang, ki da hap ha ka khyndew.

KI KAM 2:27

namar men ym iehnoh ïa ka mynsiem jong nga ha Hades, lymne men ym shah ïa U Bakhuid jong me ban shem ïa kaba pyut.

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

1 SAMUEL 1:16

Wat ñiew ka khun u Belial ïa la ka shakri: naba na kaba dap tam ka jingshitom jong nga bad ka jingpynbitar ïa nga, nga la kren baroh shi katta.”

1 SAMUEL 30:6

Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.