JONAH 1:8 - KA BAIBL

⁸ Ynda kumta, ki la ong ha u, “To ïathuh ha ngi, ngi kyrpad ïa me, namar jongno kane ka jingshitom ka la wan ha ngi; kaei ka kam jong me? Bad nangno me wan? Kaei ka ri jong me? Bad ki briew jong me ka jaid aïu?”

Khasi CL Bible (BSI)

⁸ Kumta ki la ong ïa u: “Mynta te, ïathuh ïa ngi! Mano uba long ka daw na ka bynta kane? Me leh aïu hangne? Me wan na kano ka ri? Kaei ka jinglong traishnong jong me?”

JONAH 1:8 ပူးပေါင်းရင်းမြစ်များ

JENESIS 47:3

Bad u Pharaoh u la ong ha ki hynmen jong u, “Kaei ka kam jong phi?” Ki te ki la ïathuh ha u Pharaoh, “Ki shakri jong me ki long ki nongsharai langbrot, ma ngi ruh bad ki kpa tymmen jong ngi de.”

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

JOSHUA 7:19

Te u Joshua u la ong ha u Akhan, “Ko khun, to ai burom, nga kyrpad ïa me, ha U Trai, U Blei ki Israel, bad to phla ha u; bad ïathuh ha nga mynta ïa kaei me la leh; wat buhrieh na nga.”

1 SAMUEL 14:43

Ynda kumta, u Saul u la ong ha u Jonathan, “To ïathuh ha nga me la leh aïu.” Bad u Jonathan u la ïathuh ha u, bad u la ong, “Tang kaba shu mad khyndiat ka ngap da ka tduh uta u dieng uba la don ha ka kti jong nga; te ha khmih, ka la dei ïa nga ban ïap pleng.”

1 SAMUEL 30:13

Te u Dabid u la kylli ïa u, “Ma me u jongno? Bad me uba nangno?” U te u la ïathuh, “Nga u samla uba na ka ri Ijipt, u shakri jong u nong Amalek; te u kynrad jong nga u la iehnoh noh ïa nga, namar ba nga la pang noh mynta la lai sngi.