JONAH 1:3 - KA BAIBL

³ Hynrei, u Jonah u la ïeng ban phet noh sha Tarshish na khmat U Trai; te u la leit hiar sha Joppa, bad u la shem ïa ka lieng kaba leit sha Tarshish; kumta, u la siew ïa ka bai lieng jong ka bad u la hiar sha ka, ïa ka ban leit lem bad ki sha Tarshish na khmat U Trai.

Khasi CL Bible (BSI)

³ U Jonah pynban, u la leit sha ka jaka kaba marpyrshah khnang ban phet noh na U Trai. U la leit sha Joppa, ha kaba u la shem ïa ka liengbah ka ban sa leit sha Spain. U la siew ïa ka bai lynti bad u la rung shapoh ryngkat bad ki nongtrei liengbah kiba leit sha Spain, ha kaba un long jngai na U Trai.

JONAH 1:3 ပူးပေါင်းရင်းမြစ်များ

JENESIS 3:8

Te ki la ïohsngew ïa ka jingsawa U Trai uba U Blei ba u da wan ïaid ha ka kper ha ka jingpyngngad ka sngi: te u Adam bad ka tnga jong u ki la ïabuhrieh ïa lade na khmat U Trai uba U Blei hapdeng ki dieng jong kata ka kper.

JENESIS 4:16

Kumta, u Kain u la leit noh na khmat U Trai bad u la shong duh ha ka ri Nod, shaphang mihngi na ka kper Eden.

1 SYIEM 19:3

Te haba u la ïohi ïa kata, u la ïeng joit, bad u la phet noh namar la ka jingim, bad u la leit poi sha Beer-sheba, kaba dei ïa ka Judah, bad u la iehnoh ïa la u shakri hangta.

1 SYIEM 19:9

Bad hangta u la leit rung sha ka krem, bad u la shong hangta; te, ha khmih, ka ktien U Trai ka la wan ha u, bad u ong ha u, “Me leh aïu hangne, ko Elijah?”

2 KHRONIKL 2:15

Te namar kata, ïa u Kew bad ïa u Kew Barli, ïa ka umphniang bad ïa ka Waiñ, shaphang kiba u kynrad jong nga u la kren, to un phah ha ki shakri jong u:

2 KHRONIKL 2:16

te ngin khet dieng na Lebanon katba men donkam: bad ngin wallam ïa ka sha me da kaba pynkie ha ka duriaw shaduh Joppa; me ruh men sa kit ïa ka sha Jerusalem.”

2 KHRONIKL 9:21

Naba u syiem u la don ki lieng kiba leit sha Tarshish bad ki shakri u Huram: shi sien ha ka lai snem ki lieng Tarshish ki ju wan, kiba wallam ksiar, bad rupa, ka bniat hati, bad ki huleng, bad ki klew.

ESRA 3:7

Ki la ai sbai ruh ha ki misteri maw, bad ha ki misteri dieng; bad ïa ka jingbam, bad ïa ka jingdih, bad ïa ka umphniang, ha ki nong Sidon, bad ki nong Tyros, ban wallam ïa ki dieng Kedar na Lebanon ha ka duriaw sha Joppa, kat kum ka hukum ba ki la ïoh na u Seiros u syiem ka Persha.

Ka Kitab U Job 1:12

Te U Trai u la ong ha u Soitan, “Ha khmih, kiei kiei baroh kat kiba u don ki ha ka bor jong me; tang halor jong u hi wat rah la ka kti.” Kumta u Soitan u la leit mih noh na khmat U Trai.

Ka Kitab U Job 2:7

Kumta u Soitan u la mih noh na khmat U Trai, bad u la shoh ïa u Job da ki tohjaw ki bashitom naduh ka slakjat jong u haduh ka lyngkyrwiang khlieh.

SALM 107:23

Kita kiba leit hiar sha ka duriaw ha ki lieng, kiba treikam ha ki um ki bakhraw;

ISAÏAH 2:16

bad halor ki lieng bah ka Tarshish baroh, bad halor ki dur ba-itynnad baroh.

ISAÏAH 23:1

Ka jingkit ka Tyros. To lynñiar, phi ki lieng bah ka Tarshish; namar la pynlong jaka kynjah ïa ka, haduh bymdon ïing, bymdon kad lieng: naduh ka ri Kittim la pynpaw sha ki.

ISAÏAH 23:10

To ïaid lyngba ïa la ka ri kum ka Neil, ko ka khun jong ka Tarshish; ym don jingpanpoh shuh ïa pha.

ISAÏAH 23:6

To ryngkang shaduh Tarshish; to lynñiar, phi kiba shong ha ka 'dewlynnong.

ISAÏAH 60:9

Shisha ki 'dewlynnong kin ap khmih ïa nga, bad ki lieng bah ka Tarshish nyngkong, ban wallam ïa ki khun shynrang jong pha na sha jngai, ka rupa bad ka ksiar jong ki lem bad ki, ïa ka kyrteng U Trai U Blei jong pha, bad ïa uta U Bakhuid jong ki Israel, namar u la pyndonburom ïa pha.

JEREMAÏAH 10:9

Don ka rupa ba la shoh stang ba la wallam na Tarshish, bad ka ksiar na Uphas, ka kam jong u nongtrei bad ka jong ki kti u bania; ka babyrïong bad ka basaw bthuh ban long ki jaiñ jong ki; baroh ki long ka kam ki nongtrei kiba nang.

ESEKIEL 2:8

“Hynrei ma me, ko khun u briew, to sngap ïa kaba nga ong ha me; me wat long uba ïaleh pyrshah kum kata ka ïing ba ïaleh pyrshah: to ang la ka shyntur, to bam ruh ïa kata kaba nga ai ïa me.”

ESEKIEL 27:12

“ ‘Ka Tarshish ka la long ka nongkhaïi jong pha namar ka jingbun ki har rukom ki jingkynshew; da ka rupa, da u nar, da ka rang, bad da ka sisa, ki ïapeiñ bad ki mar jong pha.

ESEKIEL 3:14

Kumta, U Mynsiem u la kyntiew noh ïa nga, bad u la shim noh ïa nga: te nga la leit ha ka jingkthang, ha ka jingshit ka mynsiem jong nga, ka kti U Trai ruh ka la long jur halor jong nga.

JONAH 1:10

Ynda kumta, kita ki briew ki la sheptieng shikatdei, bad ki la ong ha u, “Kaei kane kaba me la leh?” Naba kita ki briew ki la tip ba u la phet na khmat U Trai, namar u la lah ïathuh ha ki.

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

LOUKAS 9:62

Hynrei, U Jisu u la ong ha u, “Ym don u briew, haba u la buh ïa la ka kti ha ka jinglur bad u da kyrtiang dien, uba bit ïa ka hima U Blei.”

KI KAM 15:38

hynrei, u Paul um sngewdei ban shim lok lem ïa une, uba la kynriah noh na ki na Pamphilia, bad u bym shym la leit lem bad ki sha kata ka kam.

KI KAM 26:19

“Nangta, ko syiem Agrippa, ngam shym la long u bymkohnguh ïa kata ka jingithuhpaw bneng;

KI KAM 9:36

Te la don ha Joppa kawei ka synran, kaba kyrteng “ka Tabitha”, kaba haba la batai, la khot “ka Dorkas”; kane ka kynthei, ka la dap da ki jingleh babha bad ki jingai isynei kiba ka la ju leh.

KI KAM 9:38

Te namar ba ka Lydda ka long hajan Joppa, kita ki synran haba ki la ïohsngew ba u Petros u don hangta, ki la phah ar ngut ki briew sha u, ki da kyrpad ïa u, “Wat pyntud ban wan haduh ha ngi.”

KI KAM 9:42

Te la bna ïa kata ha Joppa baroh kawei, bad shibun ki la ngeit ha U Trai.

KI KAM 9:43

Ka la jia ruh, ba u la ïaishong bun sngi ha Joppa bad uwei u Simon, u nongshna snieh.

1 KORINTH 9:16

Namar lada nga ïalap ïa ka gospel, ym don ka daw ka jinglehkmen ïa nga; namar ïa kata, ngam banse ban leh; A kordit ïa nga lada ngam ïalap ïa ka gospel!

2 THESSALONI 1:9

ki ban shah ka jingpynshitom, ka jingpynjot bymjukut keiñ na khmat U Trai bad na kata ka burom ka bor jong u,

JOSHUA 19:46

bad ka Me-jarkon, bad ka Rakkon, lem bad ka pud ha pyrshah Joppa.