JOEL 3:7 - KA BAIBL

⁷ ha khmih, ngan pynkhih ïa ki, na kata ka jaka sha kaba phi la die noh ïa ki, bad ngan pynphai ïa ka jingleh kylliang jong phi halor ka khlieh jong phi;

Khasi CL Bible (BSI)

⁷ Mynta ngan wallam pat ïa ki na ki jaka na kiba ki la shah die. Ngan leh ïa phi ïa kaei kaba phi la leh ïa ki.

JOEL 3:7 ပူးပေါင်းရင်းမြစ်များ

ESTHER 7:10

Kumta, ki la phasi ïa u Haman ha kata ka dieng phasi kaba u la khreh ïa u Mordekai. Kumta, la pynjem ïa ka jingbitar u syiem.

ISAÏAH 11:12

Te un sieh la ka lama ïa ki jaid bynriew, bad un ïalum ïa kiba la kyntait jong u Israel, un ïalum lang ruh ïa kiba la pynwir jong u Judah na ki sawdong ka pyrthei.

ISAÏAH 49:12

Ha khmih, kine kin wan poi na jngai: te ha khmih, kine na shatei bad na sepngi: kine ruh na ka ri Sinim.”

ISAÏAH 66:6

“Ka ktien ka jingkhihwin na ka shnong, ka ktien na ka ïingmane, ka ktien U Trai kaba ai ka nong kylliang ha ki nongshun jong u.

JEREMAÏAH 23:8

hynrei, ‘Katba im U Trai, uba la wallam noh bad uba la ïalam ïa u symbai ka ïing Israel na ka ri shatei, bad na ki ri baroh sha kiba nga la beh noh ïa ki;’ bad kin ïoh shong ha la ka jong ka ri.”

JEREMAÏAH 30:10

“Namar kata, wat sheptieng, ko Jakob, u shakri jong nga,” ong U Trai; “lymne wat khaw-eit, ko Israel: namar, ha khmih, ngan pynim ïa me na jngai, bad ïa u symbai jong me na ka ri ka jinglongmraw jong ki; bad u Jakob un wan phai pat, bad un long jai jai, bad ha kaba suk, bad yn ym don mano mano u ban pynsheptieng ïa u.

JEREMAÏAH 30:16

Namar kata, ïa kita baroh kiba bam duh ïa me yn bam duh noh; bad ki nongshun jong me baroh uwei pa uwei na ki kin leit sha ka jinglongmraw; ba kita kiba pynjot ïa me kin long ka jingjot, bad ïa kita baroh kiba lute ïa me ngan ai ban long ka jinglute.

JEREMAÏAH 31:8

Ha khmih, ngan wallam ïa ki na ka ri shatei, bad ngan ïalum ïa ki na ki bakut ka khyndew, bad ryngkat bad ki, ïa u matlah bad u dkoh, ïa kaba punkhun bad kata kaba suhkhun lang: kin ïaphai pat shata shi kynhun bah.

JEREMAÏAH 32:37

“Ha khmih, ngan ïalum ïa ki na ki ri baroh, sha kiba nga la beh noh ïa ki ha ka jingbitar jong nga, bad ha ka jingshla jong nga, bad ha ka jingbitar lep; bad ngan wallam pat ïa ki sha kane ka jaka, bad ngan pynshong suk ïa ki:

ESEKIEL 36:24

‘Namar ngan shim ïa phi napdeng ki jaid bynriew, bad ngan ïalum ïa phi na ki ri baroh, bad ngan wallam ïa phi ha ka ri jong phi hi.

ESEKIEL 38:8

Ynda la bun sngi yn sa wan-i ïa me: ha ki snem ki bakhatduh men wan poi sha ka ri ïa kaba la pynïoh pat na ka waitlam, ïa kaba la ïalum pat na kiba bun ki kynja bynriew, halor ki lum bah ki Israel keiñ, kiba la ju long kaba kynjah borabor: hynrei, la pynïoh pat na ki kynja bynriew, bad kin ïashong suk, ma ki baroh keiñ.

JOEL 3:4

“Shisha ruh, phi ka Tyros, bad ka Sidon, bad ki phang ka Philistia baroh, phi long aïu ïa nga? phin leh kylliang ïa nga? bad lada phin leh kylliang ïa nga, ngan pynphai kloi bad stet ïa ka jingleh kylliang jong phi halor ka khlieh jong phi hi.

SEKHARAÏAH 9:13

Naba nga la wiat ïa u Judah ha nga, bad nga la pyndap ïa ka ryntieh da u Ephraim; bad ngan pynkhih ïa ki khun shynrang jong pha, ko Seïon, pyrshah ïa ki khun jong pha, ko Gris, bad ngan pynlong ïa pha kum ka waitlam u rangbah bakhlaiñ.”

MATHAÏOS 7:2

Naba da ka jingbishar ba phi bishar, yn bishar ïa phi: bad da ka jingthew ba phi thew, yn thew pat ïa phi.

2 THESSALONI 1:6

lada long kumta, ba ka long kaba hok bad U Blei ban siew kylliang ïa ka jingjynjar ha kita kiba pynjynjar ïa phi;

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”

JINGPYNPAW 16:6

naba ki la ïa-pynmih noh ïa ka snam ki riewkhuid bad ki nongïathuhlypa, te me la ai ha ki ka snam ban dih: namar ki la kop hi kumta.”

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.

1 SAMUEL 15:33

Te u Samuel u la ong, “Kat kumba ka waitlam jong me ka la pynduh khun ïa ki kynthei, kumta ïa ka kmie jong me yn pynduh khun hapdeng ki kynthei.” Bad u Samuel u la shaiñ lyngkhot lyngkhai ïa u Agag ha khmat U Trai ha Gilgal.