JOEL 3:2 - KA BAIBL

² ngan lum ïa ki jaid bynriew baroh, bad ngan wallam ïa ki ha Ka Them u Jehoshaphat; te ngan ïasaid bad ki hangta na ka bynta la ki briew bad na ka bynta ki Israel kaba ka bynta jong nga, ïa kiba ki la pynsaphred hapdeng ki jaid bynriew, bad ki la ïasam ïa ka ri jong nga.

Khasi CL Bible (BSI)

² Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

JOEL 3:2 ပူးပေါင်းရင်းမြစ်များ

2 KHRONIKL 20:26

Bad ha ka sngi ka basaw ki la ïalum lang ha ka them Berakah; namar hangta ki la kyrkhu ïa U Trai; namar kata, ïa ka kyrteng kata ka jaka la khot “Ka Them Berakah”, haduh kane ka sngi.

ISAÏAH 66:16

Namar da ka ding U Trai un ïasaid, da la ka waitlam ruh bad ka doh baroh: te kiba la pynïap U Trai kin long shibun.

ISAÏAH 66:18

“Namar nga tip ïa ki kam jong ki bad ïa ki jingmut jong ki: ka por ka wan ba ngan ïalum lang ïa ki jaid bynriew bad ïa ki thylliej baroh; te kin wan, bad kin ïohi ïa ka burom jong nga.

JEREMAÏAH 12:14

Kumne u ong U Trai pyrshah ïa ki paramarjan ki basniew jong nga baroh, kiba ktah ïa kata ka ri kynti kaba nga la pynïoh kynti ha ki briew jong nga ki Israel: “Ha khmih, ngan jynrat ïa ki na ka ri jong ki, bad ngan rat noh ïa ka ïing Judah napdeng jong ki.

JEREMAÏAH 25:31

Ka jingsawa kan poi jin haduh ka bakut ka khyndew; naba U Trai u don ka jingïaleh bad ki jaid bynriew, un ïasaid bad ka doh baroh; te ïa ki bymman un ai noh ha ka waitlam,’ ” ong U Trai.

JEREMAÏAH 49:1

Shaphang ki khun u Ammon. Kumne u ong U Trai: “U Israel um don khun shynrang? um don u nongïoh pateng? balei te ba u Milkom u ïoh ïa ka Gad, bad ba ki briew jong u ki shong ha ki shnong jong ka?

JEREMAÏAH 50:17

“U Israel u long ka langbrot ba la sakma; ki sing ki la beh noh ïa u: nyngkong u syiem ka Assyria u la bam ïa u: bad ka bakhatduh une u Nebukhadressar u syiem ka Babilon u la pynkheiñ ïa ki shyieng jong u.

ESEKIEL 25:8

Kumne u ong U Trai U Blei: “Namar ba u Moab bad u Seir ki ïa-ong, ‘Ha khmih, ka ïing Judah ka long kum ki jaid bynriew baroh;’

ESEKIEL 34:6

Ki langbrot jong nga ki la ïaid sakma sha ki lum bah baroh, bad halor u lum rit bajrong baroh: shisha keiñ, ki langbrot jong nga ki la sakma halor ka khmat ka khyndew baroh; te ym shym don uwei ruh uba la ïit lane uba wad nadien jong ki.

ESEKIEL 35:10

“ ‘Namar ba me la ong, “Kine ki ar jaid bynriew bad kine ki ar tylli ki ri kin long ki jong nga, bad ngin ïaïoh ïa ki;” haba U Trai ruh u la don hangta:

ESEKIEL 36:1

“Te ma me, ko khun u briew, to ïathuhlypa ha ki lum bah ki Israel, to ong ruh, ‘Ko phi ki lum bah ki Israel, to sngew ïa ka ktien U Trai.

ESEKIEL 36:5

namar kata, kumne u ong U Trai U Blei: “Da shisha ha ka ding ka jingsngewskuiñ jong nga, nga la kren pyrshah ïa kiba dang sah na ki jaid bynriew, bad pyrshah ïa ka Edom baroh kiba la buh ïa ka ri jong nga ban long ka jingïoh ha lade da ka dohnud bakmen jong ki baroh, bad da ka mynsiem ba ibeiñ, ïa ka ban bred noh ïa ka kum ka jinglute:”

ESEKIEL 38:22

Te ngan ïasaid bad u da ka khlam bad da ka snam ruh; bad ngan pynhap slap halor jong u, bad halor ki kynhun jong u, bad halor kiba bun ki kynja bynriew kiba don ryngkat bad u, da u 'lap praw ba theh, bad da u phria bakhraw, da ka ding, bad da u kyndok de.

ESEKIEL 39:11

“Bad ha kata ka sngi, ngan ai ka jaka tep ïa u Gog ha Israel, ka them jong kita kiba leit jingleit sha mihngi na ka duriaw: bad kan khang ïa kita kiba leit jingleit: te hangta kin ïatep ïa u Gog bad ïa ki paidbah jong u baroh: bad kin ïakhot ïa kata ‘ka Them Hamon-gog.’

JOEL 3:12

“Ai ki jaid bynriew kin pynkhih ïa lade, bad kin wan kiew sha Ka Them u Jehoshaphat: naba hangta ngan shong ïa ka ban bishar baroh ïa ki jaid bynriew kylleng sawdong.

JOEL 3:14

Ki paidbah, ki paidbah ha ka them ka jingpynkut! naba ka sngi U Trai ka jan ha ka them ka jingpynkut.

AMOS 1:11

Kumne u ong U Trai: “Namar lai tylli ki jingryngkang ka Edom, shisha, namar saw tylli, ngan ym pynphai noh ïa ka jingpynshitom na ka; namar ba u la beh ïa la u para da ka waitlam, bad u la pynduh noh ïa ka jingisynei baroh, bad ka jingbitar jong u ka tar ha la ka sngi, bad u la bat ïa la ka jingbitar shla ha la ka rta:

MIKAH 4:12

Hynrei, kim tip ïa ki jingmut U Trai, lymne kim sngewthuh ïa ka jingpyrkhat jong u: naba u la lum ïa ki kum ki song sha ka kyntem.

SEPHANAÏAH 3:8

“Namar kata, phin ap ïa nga,” ong U Trai, “haduh kata ka sngi ba ngan ïeng ïa ka jinglute: naba ka jingthmu jong nga ka long ba ngan ïalum ïa ki jaid bynriew, ba ngan lum lang ïa ki hima, ïa ka ban theh halor jong ki ïa ka jingbitar jong nga, wat ïa ka jingbitar ba-meh ding jong nga baroh; naba yn jliah ïa ka pyrthei baroh da ka ding ka jingsatnud jong nga.

JINGPYNPAW 11:18

Te ki la khih bitar lep kita ki kynja bynriew, bad kata ka jingbitar jong me ka la jia, bad kata ka Ïa ban bishar ïa ki nongïap, bad ban ai ïa ka nong ha ki shakri jong me, kita ki nongïathuhlypa, bad ha kita ki riewkhuid, bad ha kita kiba sheptieng ïa ka kyrteng jong me, ki barit baraiñ bad ki bakhraw batri; bad ban pynjot noh ïa kita kiba pynjot noh ïa ka pyrthei.”

JINGPYNPAW 16:14

namar ki long ki mynsiem ki ksuid kiba leh ïa ki dak khyllah; kiba leit mih noh sha kita ki syiem jong kata ka pyrthei baroh kawei, ban ïalum lang ïa ki sha kata ka thma jong kata ka sngi ka bakhraw U Blei U Badonbor Baroh.

JINGPYNPAW 16:16

Te ki ïalum lang ïa ki sha kata ka jaka ïa kaba la khot ha ka Hebru, “ka Armagedon”.

JINGPYNPAW 16:6

naba ki la ïa-pynmih noh ïa ka snam ki riewkhuid bad ki nongïathuhlypa, te me la ai ha ki ka snam ban dih: namar ki la kop hi kumta.”

JINGPYNPAW 20:8

bad un leit mih noh ban shukor ïa kita ki kynja bynriew kiba ha kita ki sawdong ka pyrthei, ïa u Gog bad ïa u Magog, ban pynïaseng lang ïa ki sha kata ka thma; ka jingkheiñ jong kita ka long kum u shyiap ka duriaw.