JOEL 3:1 - KA BAIBL

¹ “Naba ha khmih, ha kita ki sngi, bad ha kata ka por, haba ngan wallam pat ïa ka jingpynwir ki Judah bad Jerusalem,

Khasi CL Bible (BSI)

¹ U Trai u ong, “Ha kata ka por ngan pynïoh pat ïa ka jingroi kyrhai jong ka Judah bad ka Jerusalem.

JOEL 3:1 ပူးပေါင်းရင်းမြစ်များ

SALM 14:7

A ban da ka jingpynim u Israel ka la mih noh na ka Seïon! Haba U Trai u wallam noh pat ïa ka jingpynwir ki briew jong u, hangta u Jakob un ïoh shadkmen, bad u Israel un sngewbha.

SALM 85:1

Ko Trai, me la sngewbha ïa la ka ri: me la pynphai noh ïa ka jinglongmraw u Jakob.

PROBERB 1:23

To phai phi ha ka jingsneng jong nga: ha khmih, ngan theh noh ïa ka mynsiem jong nga: ha phi, ngan pyntip ha phi ïa ki ktien jong nga.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

JEREMAÏAH 16:15

hynrei, ‘Katba im U Trai, uba la wallam ïa ki khun Israel na ka ri shatei, bad na ki ri baroh kat shaba u la beh noh ïa ki:’ bad ngan wallam pat ïa ki sha la ka ri kaba nga la ai ha ki kpa jong ki.

JEREMAÏAH 29:14

Bad phin ïoh shem ïa nga,” ong U Trai, “bad ngan phai noh, bad ngan pynphai noh pat ïa ka jinglongmraw jong phi, bad ngan lum ïa phi na ki jaid bynriew baroh, bad na ki jaka baroh sha kiba nga la beh noh ïa phi,” ong U Trai; “bad ngan wallam ïa phi pat sha ka jaka na kaba nga la pynring mraw ïa phi.”

JEREMAÏAH 30:18

Kumne u ong U Trai: “Ha khmih, ngan pynphai pat ïa ka jinglongmraw jong ki ïingjaiñ u Jakob, bad ngan isynei ïa ki jaka shong jong u; bad yn tei ïa ka nongbah halor ka kynton jong ka hi; bad ka ïingsyiem kan sah katba kum ka rukom jong ka.

JEREMAÏAH 30:3

Namar, ha khmih, ki sngi ki wan,’ ” ong U Trai, “ba ngan pynphai pat ïa ka jinglongmraw u paidlang jong nga, ki Israel bad ki Judah,” ong U Trai: “bad ngan pynphai pat ïa ki sha ka ri kaba nga la ai ha ki kpa jong ki, bad kin ïoh ïa ka.”

ESEKIEL 16:53

“ ‘Bad ngan pynphai pat ïa ka jinglongmraw jong ki, ka jinglongmraw jong ka Sodom bad ïa ki khun kynthei jong ka, bad ka jinglongmraw jong ka Samaria bad ïa ki khun kynthei jong ka, bad ka jinglongmraw jong kiba la ring mraw jong pha ruh hapdeng jong ki:

ESEKIEL 39:25

Namar kata, kumne u ong U Trai U Blei: “Mynta ngan pynphai pat ïa ka jinglongmraw u Jakob, ba ngan isynei ïa ka ïing Israel baroh; bad ngan sngewskuiñ ruh na ka bynta ka kyrteng bakhuid jong nga.

DANIEL 12:1

“Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

JOEL 2:29

bad halor ki shakri shynrang bad halor ki shakri kynthei ngan theh buk ïa la U Mynsiem ha kita ki sngi.

AMOS 9:14

Te ngan pynwan pat ïa ka jingpynwir ki Israel ki briew jong nga, bad kin tei pat ïa ki shnong bajot, bad kin shong ha ki; bad kin thung ki brisoh Waiñ, bad kin dih ïa ka Waiñ jong ki; kin thaw ki kper ruh, bad kin bam ïa u soh jong ki.

JINGKHEIÑ 11:29

U Moses te u la ong ha u, “Me sngewpihuiñ na ka bynta jong nga? A ban da ki briew baroh ki jong U Trai kin long ki nongïathuhlypa, bad ba U Trai un buh ïa U Mynsiem jong u halor jong ki!”

JINGKHEIÑ 12:6

U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew.

DEUTERONOMI 30:3

ba ynda kumta, U Trai uba U Blei jong me un pynphai ïa ka jinglongmraw jong me, bad un leh isynei ruh ïa me, bad un phai, bad un ïalum ruh ïa me napdeng kita ki jaid bynriew baroh, sha kiba U Trai uba U Blei jong me u la pynsakma ïa me.