JOEL 2:3 - KA BAIBL

³ “Ka ding ka bam duh ha shuwa jong ki; bad hadien jong ki ka thylliej ding ka jliah: ka ri ha shuwa jong ki ka long kum ka kper Eden, bad hadien jong ki ka khlaw ba la pynsniew; te ym don ei ei ba la lait na ki.”

Khasi CL Bible (BSI)

³ Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.

JOEL 2:3 ပူးပေါင်းရင်းမြစ်များ

JENESIS 13:10

Te u Lot u la khmied ïa la ki khmat, bad u la ïohi ïa ka ri madan baroh ka wah Jordan, ba ka la long baroh kylleng ïa kaba la don um bha, mynshuwa ba U Trai u la pynjot noh ïa ka Sodom bad ïa ka Gomorra, kum ka kper U Trai ne kum ka ri Ijipt katba me leit shaphang Soar.

JENESIS 2:8

U Trai uba U Blei ruh u la thung ïa ka kper ha ka Eden shaphang mihngi; bad u la buh hangta ïa uta u briew ïa uba u la lah thaw.

SALM 50:3

U Blei jong ngi un wan, bad un ym sngap jar: ka ding kan bam duh ha shuwa jong u, bad ka 'erïong kaba jur kan long baroh sawdong ïa u.

SALM 97:3

Ka ding ka ïaid sha shuwa jong u, bad ka thang ïa ki nongïaleh pyrshah jong u sawdong kylleng.

EKSODOS 10:15

Naba ki la ïatyllup noh lin ïa ka khyndew baroh, katba la pyndum ïa kata ka ri ruh; bad ki la ïabam lut ïa u jhur ka khyndew baroh, bad ïa ki soh na ki dieng baroh kiba la sah na kata kaba shoh phria: te ym shym la sah shuh ei ei ruh ka bajyrngam, ha ki dieng lane ha ki jhur ha ka lyngkha, ha ka ri Ijipt baroh kawei.

EKSODOS 10:5

bad kin sa ïatyllup noh lin ïa ka khyndew, kat ban ym ïohi ïa ka khyndew: kin sa bam lut ruh ïa kaba la lait, kaba dang sah ha phi na uta u phria, bad kin sa bam lut ïa u dieng baroh uba mih ha phi ha ka lyngkha:

ISAÏAH 14:17

uba la pynlong ïa ka pyrthei kum ka ri khlaw, bad uba la pynkyllon ïa ki shnong jong ka; u bym shym pyllait ïa ki nongsah byndi sha la ki ïing.’

ISAÏAH 15:6

Namar ki um ka Nimrim kin kynjah: namar u phlang u la ïapstai, u 'lang lung ruh u la tlor noh, ym don kaei kaei ka bajyrngam.

ISAÏAH 33:4

Te ïa ka jinglute jong phi yn ïalum kumba ïalum u 'ñianglong: kumba u puit u rynsied, kumta kin rynsied halor jong ka.

ISAÏAH 51:3

Namar U Trai u la pyntngen ïa ka Seïon: u la pyntngen ïa ki jaka kynjah jong ka baroh, bad u la pynlong ïa ka ri khlaw jong ka kum ka Eden, bad ka ri kynjah jong ka kum ka kper U Trai; yn shem hangta ka jingkmen bad ka jingsngewbha, ka jingainguh, bad ka jingsawa ka jingrwai.

ISAÏAH 9:18

Namar ka jingbymman ka ing kum ka ding; ka bam duh ïa ki dieng shiah bad ki dieng shiah buid: shisha keiñ, ka pluh ha ka bniap jong ka khlaw, te ki ïatyllun noh sha jrong ha ki lyoh tdem.

ISAÏAH 9:19

Da ka jingbitar U Trai ki paid, ka ri ka la ingkhong: u paidlang ruh u long jingbam ïa ka ding; ym don u briew uba riej ïa la u para.

JEREMAÏAH 5:17

Te kin bam lut ïa ka jingot jong me, bad ïa u kpu jong me, kiba ki khun jong me shynrang bad kynthei ki dei ban bam: kin bam lut ïa ki blang bad ïa ki masi jong me: kin bam lut ïa ki dieng Waiñ jong me bad ïa ki dieng Dumbur: kin pyntwa ïa ki shnong ba la ker kut jong me, ha kiba me shaniah, da ka waitlam.”

ESEKIEL 36:35

Te kin sa ong, ‘Kane ka ri kaba la long shrah ka la long kum ka kper Eden; bad ïa ki nongbah ruh kiba la kynjah kiba la kylla khlaw bad kiba la jot noh, la ker kut bad la shong briew.’

AMOS 7:4

U Trai U Blei u la pyni ha nga kumne: bad ha khmih, U Trai U Blei u la khot ïaleh da ka ding; te ka la jliah lut ïa ka jingjylliew bah, bad ka la thew ban bam ïa ka khyndew.

HABAKKUK 1:6

Naba, ha khmih, nga pynïeng ïa ki Khaldi, kata ka jaid bynriew kaba kthang bad kaba khong khong; kiba ïaid ïa ka pyngkiang ka khyndew, ïa ka ban ïoh ïa lade ïa ki jaka shong ki bymdei ki jong ki.

SEKHARAÏAH 7:14

“hynrei, da ka lyer langthari ngan pynsaphred ïa ki hapdeng ki jaid bynriew baroh ïa kiba kim shym la ithuh. Kumne ka ri ka la long ka bymshong briew hadien jong ki, haduh ba ym don uba ïaid lyngba lymne uba wan phai: naba ki la pynlong kaba kynjah ïa ka ri kaba sngewtynnad.”