JOEL 2:28 - KA BAIBL

²⁸ “Te kan jia hadien kata, ba ngan theh buk ïa la U Mynsiem halor ka doh baroh; bad ki khun shynrang bad ki khun kynthei jong phi kin ïathuhlypa, ki tymmen jong phi kin phohsniew ki jingphohsniew, ki samla jong phi kin ïohi ïa ki jingithuhpaw:

Khasi CL Bible (BSI)

²⁸ “Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

JOEL 2:28 ပူးပေါင်းရင်းမြစ်များ

PROBERB 1:23

To phai phi ha ka jingsneng jong nga: ha khmih, ngan theh noh ïa ka mynsiem jong nga: ha phi, ngan pyntip ha phi ïa ki ktien jong nga.

ISAÏAH 32:15

tad ynda yn theh noh ïa u mynsiem halor jong ngi na jrong, bad ka jaka khlaw kan long ka lyngkha basei soh, bad ka lyngkha basei soh yn ñiew kum ka bri dieng.

ISAÏAH 40:5

bad ïa ka burom U Trai yn sa pynpaw, bad ka doh baroh kan ïohi lang ïa ka: naba ka shyntur U Trai ka la kren ïa ka.”

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 49:26

Bad ngan pynbam ïa ki nongbanbor jong pha da ka doh jong ki hi; bad kin ïabuaid da la ka jong ka snam, kumba da ka Waiñ thymmai: te ka doh baroh kan ïoh tip ba nga U Trai nga long u nongpynim jong pha, bad U Nongsiewspah jong pha, U Bakhlaiñ jong u Jakob.”

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 54:13

Bad ki khun jong pha baroh kin ïoh hikai na U Trai; bad kan long ka bakhraw ka jingsuk ki khun jong pha.

JEREMAÏAH 23:25

“Nga ïohsngew ïa kaba la ong ki nongïathuhlypa, kiba ïathuhlypa ïa ki jinglamler ha ka kyrteng jong nga, ki ïa-ong, ‘Nga la phohsniew, nga la phohsniew.’

JEREMAÏAH 23:28

U nongïathuhlypa uba don ka jingphohsniew, to un ïathuh ïa ka jingphohsniew; bad uta uba don ka ktien jong nga, to un kren biang biang ïa ka ktien jong nga. U jyntang Kew u long aïu bad u Kew?” ong U Trai.

ESEKIEL 36:27

Bad ngan buh ïa U Mynsiem jong nga hapoh jong phi, bad ngan pynïaid ïa phi ha ki aiñ jong nga, te phin rakhe ïa ki jingbishar jong nga bad phin leh ruh ïa ki.

ESEKIEL 37:14

Bad ngan buh ïa U Mynsiem jong nga ha phi, te phin sa im, bad ngan pynshong ïa phi ha ka ri jong phi hi: bad phin ïoh tip ba ma nga U Trai nga la kren ïa kata, bad nga la pyndep ïa ka ruh,’ ” ong U Trai.

ESEKIEL 39:29

lymne ngan ym buhrieh shuh ïa la ka khmat na ki: namar nga la theh noh ïa U Mynsiem jong nga halor ka ïing Israel,” ong U Trai U Blei.

DANIEL 7:1

Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

JINGKHEIÑ 12:6

U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew.

LOUKAS 1:67

La pyndap ruh ïa u Sakharaïa u kpa jong u da U Mynsiem Bakhuid, bad u la ïathuhlypa, u da ong,

LOUKAS 3:6

bad ka doh baroh kan ïohi ïa ka jingpynim jong U Blei.’ ”

ÏOANNIS 7:39

(Hynrei, ïa kane u la kren shaphang U Mynsiem ïa uba kita kiba ngeit ha u kin sa pdiang: namar ym pat shym la ai ïa U Mynsiem Bakhuid, naba ym pat shym la pyndonburom ïa U Jisu.)

KI KAM 2:33

Namar kata, haba la kyntiew ïa u da ka kti kamon U Blei, bad haba u la ïoh diang na U Kpa ïa ka jingkular ïa U Mynsiem Bakhuid, u la theh noh ïa kane, ïa kaba phi mynta phi ïohi bad phi ïohsngew.

KI KAM 2:39

Namar ka jingkular ka long ïa phi, bad ïa ki khun jong phi, bad ïa baroh kiba sha jngai, kat kiba U Trai uba U Blei jong ngi un khot ha u.”

KI KAM 21:9

Une te, u la don saw ngut ki khun kynthei, ki theisotti, kiba ïathuhlypa.

GALATIA 3:28

Ym lah don u Jiw lymne u Grik, ym lah don u mraw lymne uba laitluid, ym lah don shynrang bad kynthei: namar phi baroh phi ïalong uwei ha U Khrist Jisu.

HEBRU 1:1

U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

1 SAMUEL 19:20

Bad u Saul u la phah briew ban kem ïa u Dabid: te haba kita ki la ïohi ïa uta u paidbah ki nongïathuhlypa ba ki ïathuhlypa, bad ba u Samuel u la ïeng kum u rangbah jong ki, U Mynsiem U Blei u la wan ha kita ki briew jong u Saul, ba kumta ki hi ruh ki la ïathuhlypa.

1 SAMUEL 19:21

Te haba la ïathuh ïa kane ha u Saul, u la phah ïa kiwei pat ki briew, te kita ruh ki la ïathuhlypa. Te u Saul u la phah briew pat ka balai sien, kita ruh ki la ïathuhlypa.

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.