JOEL 2:27 - KA BAIBL

²⁷ Te phin ïoh tip ba nga long hapdeng ki Israel, bad ba nga long U Trai U Blei jong phi, bad ym don uwei pat: bad yn ym pynlehrain ïa u paidbah jong nga lano lano ruh.

Khasi CL Bible (BSI)

²⁷ Te, ma phi ki Israel, phin tip ba nga don hapdeng jong phi bad ba ma nga, U Trai, nga long U Blei jong phi bad ym don uwei pat. Ki briew jong nga kin ym shah ñiewbeiñ shuh.”

JOEL 2:27 ပူးပေါင်းရင်းမြစ်များ

SALM 46:5

U Blei u don hapdeng jong ka; yn ym pynkhih ïa ka: U Blei un ïarap ïa ka, bad kata, dang step eh ruh.

SALM 68:18

Me la kiew sha jrong, me la ïalam mraw ïa ka jinglongmraw, me la pdiang ïa ki jingai hapdeng ki briew, wat hapdeng kiba kiat ruh, ba U Trai U Blei un ïoh shong bad ki.

PROBERB 1:23

To phai phi ha ka jingsneng jong nga: ha khmih, ngan theh noh ïa ka mynsiem jong nga: ha phi, ngan pyntip ha phi ïa ki ktien jong nga.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 44:8

To wat sheptieng, lymne khaw-eit: ngam shym la pynbna ha me naduh mynhyndai, bad nga la pynpaw ïa ka? Bad phi, phi long ki sakhi jong nga. Don U Blei nalor jong nga? Shisha, ym don U Mawsiang; nga ngam tip ïa uno uno.”

ISAÏAH 45:18

Naba kumne u ong U Trai uba la thaw ïa ki bneng; uta u long U Blei; u la thaw ïa ka khyndew bad u la pynlong ïa ka; u la thung ïa ka, um shym la thaw suda ïa ka, u la thaw ïa ka ban shong briew: “Nga, nga long U Trai; te ym don uwei pat.

ISAÏAH 45:5

Nga, nga long U Trai, te ym don uwei pat: nalor jong nga ym don U Blei: ngan panpoh ïa me, la mem shym la ithuh ïa nga:

ISAÏAH 45:6

ba kin tip na mihngi, bad na sepngi, ba nalor jong nga ym don shuh: nga, nga long U Trai, bad ym don uwei pat.

ISAÏAH 46:9

To kynmaw ïa kiei kiei kiba mynshuwa na mynbarim: namar nga, nga long U Blei, bad ym don uwei pat; nga long U Blei, bad ym don uba kat nga;

ISAÏAH 49:23

Bad ki syiem kin long ki nongri nongdup jong pha, bad ki mahadei jong ki kin long ki nongri nongdup jong pha: kin dem khrup ha pha bad ki khmat sha ka khyndew, bad kin jliah noh ïa ka 'dewmet ki sla'jat jong pha; bad phan tip ba nga long U Trai, bad kiba ap khmih ïa nga kin ym sngewlehrain.”

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

ESEKIEL 37:6

Bad ngan buh ki thied ha phi, bad ngan pynmih ïa ka doh ha phi, bad ngan tap ïa phi da ka snieh, bad ngan tian mynsiem ha phi, te phin sa im; bad phin ïoh tip ba nga long U Trai.’ ”

ESEKIEL 39:22

Kumta, ka ïing Israel kan tip ba nga la long U Trai U Blei jong ki, naduh kata ka sngi bad hadien ruh.

ESEKIEL 39:28

Te kin ïoh tip ba nga long U Trai U Blei jong ki, uba la leit lam mraw ïa ki hapdeng ki jaid bynriew, bad nga la ïalum ïa ki ha ka ri jong ki hi; bad ngan ym iehnoh ïa uwei ruh em na ki shata;

ESEKIEL 39:29

lymne ngan ym buhrieh shuh ïa la ka khmat na ki: namar nga la theh noh ïa U Mynsiem jong nga halor ka ïing Israel,” ong U Trai U Blei.

JOEL 2:26

“Bad phin ïoh bam kyrhai bad phin kdang, bad phin ïaroh ïa ka kyrteng U Trai U Blei jong phi, uba la leh phylla ha phi: bad yn ym pynlehrain ïa u paidbah jong nga lano lano ruh.

JOEL 3:17

“Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

JOEL 3:21

Bad ngan sait ïa kata ka snam jong ki kaba ngam pat la sait: naba U Trai u shong sah ha ka Seïon.”

SEPHANAÏAH 3:11

“Ha kata ka sngi, men ym sngewlehrain ïa la ki jingleh baroh, ha kiba me la leh pop ïa nga: naba hangta ngan shim noh napdeng jong me ïa kita kiba kyrkoh sarong jong me, bad men ym long shuh uba sngewmeng ha u lum u bakhuid jong nga.

SEPHANAÏAH 3:17

U Trai U Blei jong pha u don hapdeng jong pha u bakhrawbor u ban pynim: un leh kmen halor jong pha da ka jingkmen, un shongthait ha la ka jingieit, un leh kmen halor jong pha da ka jingrwai.

SEKHARAÏAH 2:9

Naba, ha khmih, ngan pynkhih ïa la ka kti halor jong ki, bad kin long ka jinglute ha kita kiba la ju shakri ïa ki: bad phin ïoh tip ba U Trai ki paid u la phah ïa nga.

JINGKHEIÑ 11:29

U Moses te u la ong ha u, “Me sngewpihuiñ na ka bynta jong nga? A ban da ki briew baroh ki jong U Trai kin long ki nongïathuhlypa, bad ba U Trai un buh ïa U Mynsiem jong u halor jong ki!”

JINGKHEIÑ 23:21

Um ïohi ïa ka pop ha u Jakob, bad um ïohi ruh ïa ka jingpalat ha u Israel: U Trai U Blei jong u, U don ryngkat bad u, bad ka jingrisa u syiem ka hapdeng jong ki.

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

DEUTERONOMI 23:14

naba U Trai uba U Blei jong me u ïaid hapdeng ki dara jong me, ban pynim ïa me, bad ban aiti ïa ki nongshun jong me ha khmat jong me; namar kata, kita ki dara jong me kin long bakhuid; ba un ym ïohi kaei kaei ruh kaba tngit ha me, bad un phai noh na me.

1 PETROS 2:6

Naba kumta te, ka don ha kata Ka Jingthoh: “Ha khmih, nga buh ha ka Seïon ïa u mawdong bahakhlieh, ïa uba la jied, bad u bakordor: te jar uba ngeit ha u yn ym pynrain buhkhoh.”

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: