JOEL 2:26 - KA BAIBL

²⁶ “Bad phin ïoh bam kyrhai bad phin kdang, bad phin ïaroh ïa ka kyrteng U Trai U Blei jong phi, uba la leh phylla ha phi: bad yn ym pynlehrain ïa u paidbah jong nga lano lano ruh.

Khasi CL Bible (BSI)

²⁶ Mynta phin don kyrhai ban bam, bad phin sngewhun. Phin ïaroh ïa U Trai U Blei jong phi, uba la leh kiei kiei kiba phylla na ka bynta jong phi ki briew jong nga kin ym shah ñiewbeiñ shuh.

JOEL 2:26 ပူးပေါင်းရင်းမြစ်များ

JENESIS 33:11

To pdiang, nga kyrpad ïa me, ïa ka jingkyrkhu jong nga, ïa kaba la wallam ha me; naba U Blei u la leh sbun ïa nga, bad namar ba nga don ïa kiei kiei baroh.” Kumta, u la kyrpad eh ïa u, u te u la pdiang ïa ka.

NEHEMAÏAH 9:25

Bad ki la jop ïa ki shnong ba la ker kut, bad ïa ka ri kaba sei soh, bad ki la ïoh ïa ki ïing ba la dap da kiei kiei ki babha, ïa ki pukri ba la tih, ïa ki brisoh Waiñ, ïa ki brisoh Olib, bad ki dieng soh kyrhai: kumta, ki la bam bad ki la kdang, bad ki la man sngaid, bad ki la pynsngewbha ïa lade ha ka jingbha bakhraw jong me.

SALM 103:5

uba pynkdang ïa ka shyntur jong pha da kiei kiei ki babha; kat ban pynthymmai ïa ka jinglong samla jong pha kum ka pukni.

SALM 116:7

To phai noh, ko mynsiem jong nga, sha la kaba jahthait; naba U Trai u la leh bha ïa pha.

SALM 13:6

ngan rwai ha U Trai, namar u la leh kylluid ïa nga.

SALM 22:26

Kiba lui lui kin bam bad kin kdang: kita kin ïaroh ïa U Trai kiba wad ïa u: to ai ba ka dohnud jong phi kan im junom.

SALM 37:19

Kin ym ïoh lehrain ha ka por ka jingjynjar: bad ha ki sngi ka 'nemsniew kin kdang.

SALM 67:5

To ai ba ki kynja bynriew kin ïaroh ïa me, A U Blei; ai ba ki kynja bynriew baroh kin ïaroh ïa me.

SALM 72:18

To long ba la kyrkhu ïa U Trai U Blei, U Blei u Israel, uba tang ma u, uba leh ïa kiei kiei ki baphylla:

PROBERB 13:25

U bahok u bam haduh ba la kdang ka mynsiem jong u: hynrei, ka kpoh jong u bymman kan kyrduh.

JINGRWAI SOLOMON 5:1

Nga la wan ha la ka kper, ko ka para jong nga, ko ka nongteh kurim jong nga: nga la lum ïa ka mirr lem bad ka musla jong nga; nga la bam ïa ka rewngap bad ka ngap jong nga; nga la dih ïa ka Waiñ bad ka dud jong nga. To bam, ko lok; to dih, to dih pahuh keiñ, ko ba-ieit jong nga.

ISAÏAH 25:1

A Trai, me, me long U Blei jong nga; ngan kyntiew ïa me, ngan ïaroh ïa ka kyrteng jong me; namar me la leh ïa kiei kiei kiba phylla, ki jingsylla na mynbarim keiñ, ha ka jingïaineh bad ka jingshisha.

ISAÏAH 29:22

Namar kata, kumne u ong U Trai, uba la siewspah ïa u Abraham, shaphang ka ïing u Jakob: “U Jakob un ym sngewlehrain mynta, lymne ka khmat jong u kan ym kylla lieh mynta.

ISAÏAH 45:17

Hynrei, ïa u Israel yn pynim da U Trai da ka jingpynim bymjukut: phin ym sngewlehrain lymne sngewlyngngoh lano lano ruh.

ISAÏAH 49:23

Bad ki syiem kin long ki nongri nongdup jong pha, bad ki mahadei jong ki kin long ki nongri nongdup jong pha: kin dem khrup ha pha bad ki khmat sha ka khyndew, bad kin jliah noh ïa ka 'dewmet ki sla'jat jong pha; bad phan tip ba nga long U Trai, bad kiba ap khmih ïa nga kin ym sngewlehrain.”

ISAÏAH 54:4

“Wat sheptieng; namar phan ym sngewlehrain: lymne wat lyngngoh; namar yn ym pynlehrain ïa pha: naba phan klet noh ïa ka jinglehrain ka jinglong samla jong pha, bad phan ym kynmaw shuh ïa ka jingibeiñ ka jinglong riewkynthei jong pha.

ISAÏAH 55:2

Balei phi pynlut sbai ïa ka bymlong kpu? Bad ka jingtrei jong phi ïa ka bym pynkdang? To shahshkor biang biang ïa nga, bad bam ïa kata ka babha, to ka mynsiem jong phi kan pynsngewbha ïa lade ruh ha kaba khleiñ.

LEBITIKOS 25:19

Ka khyndew ruh kan sei soh bha, bad phi ruh phin ïoh bam kdang, bad phin ïoh shongsuk ha ka.

LEBITIKOS 26:26

Bad haba ngan pynkheiñ ïa ka dieng kyrshan u kpu jong phi, shiphew ngut ki kynthei kin shet kpu ïa phi ha kawei ka dpei, bad kin wan ai pat ha phi ïa uta u kpu jong phi da kaba thew biang ïa u: bad phin bam, hynrei khlem da kdang.

LEBITIKOS 26:5

Bad ka thiar jong phi kan kot haduh ka aïom kheit soh Waiñ, bad kaba kheit soh Waiñ kan kot haduh ka aïom bet symbai: bad phin ïoh bam ïa la u kpu haduh ban da kdang, bad shongsuk ha ka ri jong phi.

MIKAH 6:14

Phan bam keiñ, hynrei, phan ym kdang: bad kata ka jingpynrit ïa pha kan long hapdeng jong pha: bad phan pynkynriah, hynrei, phan ym ïoh rah noh skhem; bad ïa kata kaba pha rah noh ngan ai noh ha ka waitlam.

SEPHANAÏAH 3:11

“Ha kata ka sngi, men ym sngewlehrain ïa la ki jingleh baroh, ha kiba me la leh pop ïa nga: naba hangta ngan shim noh napdeng jong me ïa kita kiba kyrkoh sarong jong me, bad men ym long shuh uba sngewmeng ha u lum u bakhuid jong nga.

SEKHARAÏAH 9:15

U Trai ki paid un da ïa ki; bad kin bam duh, bad kin ïuh roit ïa ki maw kawang; bad kin dih, bad kin kynha kum namar ka Waiñ: te yn pyndap ïa ki kum ïa ki khuri heh, kum ki dong jong ka duwan.

SEKHARAÏAH 9:17

Naba katno ka khraw ka jingbha jong u, bad katno ka khraw ka jingitynnad jong u! u Kew un pynman ïa ki samla shynrang, bad ka Waiñ thymmai ïa ki samla kynthei.

Ka Shithi U Paul Sha Ki Nong Rom 10:11

Namar kata Ka Jingthoh ka ong: “Ïa uno uno baroh uba ngeit ha u, yn ym pynrain buhkhoh.”

Ka Shithi U Paul Sha Ki Nong Rom 5:5

bad kata ka jingkyrmen kam ju pynrain buhkhoh keiñ; naba ïa ka jingieit U Blei la theh ïar noh buk buk ha ki dohnud jong ngi da U Mynsiem Bakhuid, ïa uba la ai noh ha ngi.

Ka Shithi U Paul Sha Ki Nong Rom 9:33

kumba la thoh: “Ha khmih, nga buh ha ka Seïon ïa u maw ka jingjynthut bad ïa u mawsiang ka jingpynthut; hynrei, ïa uno uno baroh uba ngeit ha u, yn ym pynrain buhkhoh.”

DEUTERONOMI 11:15

Bad ngan pynmih phlang ha ki lyngkha jong me ïa ki jingri jong me, ba men dup ïoh bam bad ban kdang ruh.

DEUTERONOMI 12:12

bad phin ïalehkmen ha khmat U Trai uba U Blei jong phi, ma phi, bad ki khun shynrang jong phi, bad ki khun kynthei jong phi, bad ki shakri jong phi shynrang bad kynthei, bad u Lebi ruh uba hapoh ki khyrdop jong phi, namar ba um don ka bynta lane ka jingïoh pateng lem bad phi.

DEUTERONOMI 12:18

hynrei, dei ba men bam ïa ki ha khmat U Trai uba U Blei jong me, ha kata ka jaka ïa kaba U Trai uba U Blei jong me un sa jied, ma me, bad u khun jong me, bad ka khun jong me, bad u shakri jong me, bad ka shakri jong me, lem bad u Lebi ruh uba hapoh ki khyrdop jong me: bad men ïoh leh kmen ha khmat U Trai uba U Blei jong me, ha kiei kiei baroh kiba men ktah da la ki kti.

DEUTERONOMI 12:7

Hangta ruh, phin ïabam ha khmat U Trai uba U Blei jong phi, bad phin ïalehkmen ha kiei kiei baroh kiba phin ktah da la ka kti, ma phi bad ki ba-ha-ïing jong phi, ha kiba U Trai uba U Blei jong me u la kyrkhu ïa me.

DEUTERONOMI 8:10

Ynda me la bam, bad me la kdang, te men kyrkhu ïa U Trai uba U Blei jong me na ka bynta kata ka ri babha ïa kaba u la ai ha me.

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

1 ÏOANNIS 2:28

Te mynta, ko ki khun hep, to ïaisah ha u; khnang ba lada yn pynpaw ïa u, ngin ïoh ka jingsngewshlur, bad ba ngin ym lehrain ha khmat jong u ha kata ka jingwan jong u.