JOEL 2:20 - KA BAIBL

²⁰ “Hynrei, ngan pynkynriah sha jngai na phi ïa u paidïapom ka ri shatei, bad ngan beh noh ïa u sha ka ri kaba lyngki bad kaba kynjah, ka bynta kaba sha khmat jong u sha ka duriaw mihngi, bad ka bynta kaba shadien jong u sha ka duriaw sepngi; te ka jingiwkhong jong u kan kiew, bad ka jingiwtung jong u kan kiew, namar ba u la leh ïa kiei kiei kiba khraw.

Khasi CL Bible (BSI)

²⁰ Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

JOEL 2:20 ပူးပေါင်းရင်းမြစ်များ

2 SYIEM 8:13

U Hasael te u la ong, “U shakri jong me u long uei, uba long tang u ksew, ba un leh ïa ka bakhraw kat kane?” Bad u Elisha u la ïathuh, “U Trai u la pyni ha nga ba men long syiem halor ka Syria.”

SALM 126:3

U Trai u la leh ïa kiei kiei kiba khraw ïa ngi; ngi ïakmen keiñ.

EKSODOS 10:19

Bad U Trai u la pynphai da ka lyer bah na sepngi, kaba la shim noh ïa kita ki puit, bad la bred ïa ki ruh sha ka Duriaw Basaw; ym sah shuh iwei i puit ruh ha ki phang baroh ka ri Ijipt.

EKSODOS 8:14

Te ki la ïa-pynlang ïa ki ha ki jaka jaka: kumta, kata ka ri ka la iwtung.

ISAÏAH 34:3

Ïa kiba la pynïap jong ki ruh yn bred noh, bad ka jingiwtung jong ki metïap jong ki kan mih, bad ïa ki lum bah yn pynum noh da ka snam jong ki.

ESEKIEL 47:18

“Bad ha ka liang kaba sha mihngi, hapdeng Hawran bad Damaskos bad ka Gilead, bad ka ri Israel, kan long ka Jordan; phin thew naduh ka pud kaba na shatei haduh ka duriaw kaba sha mihngi. Kane ka long ka liang kaba sha mihngi.

AMOS 4:10

“Nga la phah hapdeng jong phi da ka jingïapkhlam kum ka rukom ka Ijipt: ïa ki samla shynrang jong phi nga la pynïap da ka waitlam, bad nga la rah noh ïa ki kulai jong phi; bad ïa ka jingiwkhong ka jaka shong dara jong phi nga la pynkiew haduh ki thliew khmut jong phi: pynban, phim shym phai sha nga,” ong U Trai.

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

MALAKHI 3:11

Bad ngan sneng ïa u nongbam duh na ka bynta jong phi, te un ym ïoh pynsniew ïa ki soh ka khyndew jong phi; lymne u dieng Waiñ jong phi ha lyngkha un ym pynhap ïa la u soh ha bym pat biang ka aïom,” ong U Trai ki paid.

DEUTERONOMI 11:24

Ka jaka baroh ha kaba kin ïuh ki poh'jat jong phi kan long ka jong phi: naduh ka ri khlaw, bad u Lebanon, naduh kata ka wah, ka wah Ïuphratis keiñ, haduh ka bakut tam eh ka duriaw, kan long ki pud jong phi keiñ.