JOEL 2:17 - KA BAIBL

¹⁷ Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

Khasi CL Bible (BSI)

¹⁷ Ki lyngdoh, kiba shakri ïa U Trai hapdeng ka duwan bad ka jaka rung ka Templ, ki dei ban ïam bad duwai: “To isynei ïa la ki briew, A Trai. To wat ai ba kiwei ki jaitbynriew kin krenbeiñ bad ñiewbeiñ ïa ngi da kaba ong, ‘Hangno U Blei jong phi?’ ”

JOEL 2:17 ပူးပေါင်းရင်းမြစ်များ

1 SYIEM 6:3

Bad ka batsha ha khmat ka orakl jong ka ïing, ka lynter jong ka, ka la long arphew pruh, kat ka pyngkiang jong ka ïing; bad ka pyngkiang jong ka, ka la long shiphew pruh ha khmat ka ïing.

1 SYIEM 9:7

te ngan ot noh ïa ki Israel na ka ri kaba nga la ai ha ki; bad ïa kane ka ïing, kaba nga la pynkyntang ïa ka kyrteng jong nga, ngan shop noh na khmat jong nga; bad ki Israel kin long ka jingkhmih bad ka jingkynshi hapdeng ki kynja bynriew baroh:

2 KHRONIKL 7:20

hangta te ngan rat noh ïa ki naduh tynrai, na ka ri jong nga ïa kaba nga la ai ha ki; bad ïa kane ka ïing, ïa kaba nga la pynkyntang ïa ka kyrteng jong nga, ngan kyntait noh na khmat jong nga, bad ngan pynlong ïa ka jingkynnohbeiñ bad ka jingkynshi hapdeng ki kynja bynriew baroh.

2 KHRONIKL 8:12

Ynda kumta, u Solomon u la ainguh ki jingainguh thang ha U Trai halor ka duwan U Trai, ïa kaba u la tei ha khmat kata ka batsha,

NEHEMAÏAH 9:36

Ha khmih, ngi long ki shakri mynta, bad shaphang kane ka ri ïa kaba me la ai ha ki kpa jong ngi ban bam na u soh jong ka bad na ka jingbha jong ka, ha khmih, ngi long ki shakri ha ka.

SALM 115:2

Balei ba ki jaid bynriew kin ïakylli, “Hangno te uta U Blei jong ki?”

SALM 42:10

Kumba bad ka wait ha ki shyieng jong nga, ki nongïaleh pyrshah jong nga ki krenbeiñ ïa nga; katba ki ïa-ong ha la ka sngi ïa nga, “Hangno uta U Blei jong me?”

SALM 42:11

Balei pha long kaba la pynnoh, ko ka mynsiem jong nga? Bad balei ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat, uba long ka jingkhiah ka khmat jong nga, bad U Blei jong nga.

SALM 42:3

Ki ummat jong nga ki la long jingbam ïa nga mynsngi bad mynmiet, katba ki ïa-ong ïa nga ha la ka sngi, “Hangno uta U Blei jong me?”

SALM 42:4

Ïa kine kiei kiei nga kynmaw, bad nga theh noh ïa la ka mynsiem hapoh jong nga, kumno ba nga la ju leit bad u paidbah, bad ba nga la ïalam ïa ki sha ïing U Blei, da ka jingsawa ka jingkmen bad ka jingïaroh, u paidbah uba rakhe ïa ka jingkhawai.

SALM 74:10

Haduh lano, A U Blei, u nongïaleh pyrshah un ïoh krenbeiñ? u nongshun un ïoh krenbeiñ blei ïa ka kyrteng jong me junom?

SALM 79:10

Balei ba ki nongmane bleithaw kin ïoh ong, “Hangno uta U Blei jong ki?” To ai ba yn pyntip hapdeng ki nongmane bleithaw ha khmat jong ngi ïa kata ka jingpynhiar kput ka snam ki shakri jong me kaba la pynmih.

SALM 79:4

Ngi la kylla long ka jingkrenbeiñ ïa la ki paramarjan, ka jingibeiñ bad ka jingrkhiebeiñ ïa kita kiba baroh sawdong ïa ngi.

SALM 89:41

Baroh kat kiba ïaid lynti ki lute ïa u: u la kylla long ka jingkrenbeiñ ïa la ki paramarjan.

SALM 89:51

da kaba ki nongshun jong me ki la krenbeiñ, A Trai, da kaba ki la krenbeiñ ïa ki jingjam jong uba la sleh jong me.

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

ISAÏAH 37:20

Te mynta, A Trai U Blei jong ngi, to pynim ïa ngi na ka kti jong u, ba ki hima ka pyrthei baroh kin ïoh tip ba me long U Trai, tang ma me hi keiñ.”

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

ESEKIEL 8:16

Bad u la leit lam ïa nga ha kata ka phyllaw ka ïing U Trai kaba hapoh, bad ha khmih, hamar ka jingkhang ka templ U Trai, hapdeng ka khyrdop bad ka duwan, la don kumba arphew san ngut ki rangbah, bad la ki ingdong sha ka templ U Trai, bad la ki khmat shaphang mihngi; bad ki la mane ïa ka sngi shaphang mihngi.

HOSIA 14:2

Shim ki ktien bad phi, to phai ruh sha U Trai: ong ha u, “To shim noh ïa ka jingbymhok baroh, bad to pdiang ïa kata ka babha: te ngin ai kum ki masi kyrtong ïa ki jingainguh ki rmiang shyntur jong ngi.

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

JOEL 1:9

Ka jingainguh bam bad ka jingainguh dih ka la duh noh na ka ïing U Trai; ki lyngdoh, ki shakri U Trai keiñ, ki ïam sngewsih.

AMOS 7:2

Te haba ki la lah bam ïa u phlang jong ka khyndew, ynda kumta, nga la ong, “A Trai U Blei, to map, nga kyrpad ïa me: kumno u Jakob un ïeng? naba u long u barit.”

AMOS 7:5

Ynda kumta, nga la ong, “A Trai U Blei, keiñ noh, nga kyrpad ïa me: kumno u Jakob un ïeng? Naba u long u barit.”

MIKAH 7:10

Ynda kumta, ka nongshun jong nga kan ïohi ïa ka, bad ka jinglehrain kan tap ïa ka; kaba la ong ha nga, “Hangno U Trai U Blei jong me?” Ki khmat jong nga kin ïohi ïa ka: mynta yn ïuh roit ïa ka kum ka ktieh ki lynti shnong.

MALAKHI 1:9

“Te mynta, nga kyrpad ïa phi, to kyrpad ïa ka khmat U Blei, ba un isynei ïa ngi: kane ka la long namar jong phi keiñ: hato un pdiang sngewbha ïa ka khmat jongno jongno na phi?” ong U Trai ki paid.

JINGKHEIÑ 25:6

Te ha khmih, uwei na ki khun Israel u la wan, bad u la wallam ïa kawei ka briew, ka kynja Midian, ha ki para jong u ha khmat u Moses, bad ha khmat u paidlang baroh ki khun Israel, haba ki dang ïaïam ha phyllaw Ka Tabernakl ka jingïaseng.

MATHAÏOS 23:35

kumta, kan wanhap ha phi keiñ ïa ka snam bahok baroh ïa kaba la pynmih noh ha ka khyndew, naduh ka snam u Abel u bahok haduh ka snam u Sakharaïah u khun u Barakhaïah, ïa uba phi la pynïap marpdeng ka jaka kyntang bad ka duwan.

MATHAÏOS 27:43

U la shaniah ha U Blei, to un pyllait ïa u mynta, lada u mon bha ïa u! naba u la ong, ‘Nga long U Khun U Blei.’ ”

DEUTERONOMI 28:37

Bad men jia long ka jingkyndit, ka jingphawar beiñ, bad ka jingkynshi, hapdeng kita ki jaid bynriew baroh sha kiba U Trai un ïalam ïa me.

DEUTERONOMI 32:27

lymda nga tieng ïa ka jingbitar ki nongshun, ïoh ba ki nongïaleh pyrshah jong ki kin da ïaleh khyllah, ïoh ba kin ïa-ong de, “Ka kti badonbor jong ngi hi ka la leh ïa kane baroh, te ym U Trai.” ’ ”

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”