JOEL 2:12 - KA BAIBL

¹² “La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

Khasi CL Bible (BSI)

¹² “Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

JOEL 2:12 ပူးပေါင်းရင်းမြစ်များ

2 SAMUEL 24:10

Te ka dohnud u Dabid ka la shoh ïa u, hadien ba u la kheiñ ïa u paidbah. Bad u Dabid u la ong ha U Trai, “Nga la leh pop shikatdei ha kaba nga la leh: hynrei mynta, A Trai, nga kyrpad ïa me, to pyndam noh ïa ka jingleh bymman u shakri jong me; naba nga la leh bieit eh.”

2 KHRONIKL 30:6

Kumta ki dak ki la leit bad ki shithi na u syiem bad ki rangbah jong u baroh sawdong ka ri Israel bad ka ri Judah, bad katba kum ka hukum u syiem, ki ïa-ong, “Phi ki khun Israel, to phai pat sha U Trai, U Blei u Abraham, u Isaak, bad u Israel, ba u ruh un wan phai ha ita i bynta ba sah kiba la lait im na ka kti ki syiem ka Assyria.

2 KHRONIKL 6:27

te to sngap ma me na bneng, bad to map ïa ka pop ki shakri jong me, bad ïa ka jong ki briew jong me ki Israel, haba me hikai ïa ki, ïa ka lynti babha ha kaba ki dei ban ïaid; bad to phah ïa u slap ha la ka ri, kaba me la ai ha la ki briew ban long ka ri kynti.

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

EKSODOS 33:5

Bad U Trai u la ong ha u Moses, “To ïathuh ha ki khun Israel, ‘Phi long u paidlang ba-eh ryndang; lada ngan wan kiew keiñ hapdeng jong me, shisyndon ngan pynduh noh khoit ïa me: namar kata, to law noh bak ïa la ki jingdeng na me, ba ngan ïoh tip aïu ngan sa leh ha me.’ ”

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

ISAÏAH 58:4

Ha khmih, phi shah jingit ban ïaleh bad ban ïamai, bad ban kir da ka kti bymman: phim shah jingit ha kane ka sngi kat ban pynïohsngew la ka ktien haneng.

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 36:7

Lehse kin wallam ïa ki jingkyrpad jong ki ha khmat U Trai, bad kin phai noh uwei uwei baroh na ka lynti basniew jong u: namar ka bakhraw ka jingbitar bad ka jingkhih bitar ba U Trai u la kren pyrshah ïa une u paidlang.”

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

JEREMAÏAH 4:2

bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

DANIEL 9:3

Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

HOSIA 12:6

Namar kata, to phai ma me ruh sha la U Blei: bat ïa ka jingisynei bad ka jingbishar, bad to ap ïa la U Blei khlem da pud.

HOSIA 12:7

“U long u nongkhaïi, ki tarajur ka jingshukor ki don ha ka kti jong u: u ieit ban banbor.

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

HOSIA 6:1

Ale, ïa ngin ïaphai sha U Trai: namar u la tar, te un pynkhiah ïa ngi; u la shoh, bad un sop spaiñ ïa ngi.

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

SEKHARAÏAH 7:3

bad ban ïakren ha ki lyngdoh ka ïing U Trai ki paid, bad ha ki nongïathuhlypa, ki ïa-ong, “Nga dei ban ïam ha u bnai u basan, da kaba pynkyrpang ïa lade, kumba nga la ju leh baroh katta ki snem?”

SEKHARAÏAH 7:5

“To kren ha u paidbah ka ri baroh, bad ha ki lyngdoh, to ong, ‘Mynba phi la shah jingit bad phi la ïam sngewsih ha u bnai u basan bad ha u bahynñiew, kine ki hynñiewphew snem, phi la shah jingit ha nga, ha nga keiñ?

MALAKHI 1:9

“Te mynta, nga kyrpad ïa phi, to kyrpad ïa ka khmat U Blei, ba un isynei ïa ngi: kane ka la long namar jong phi keiñ: hato un pdiang sngewbha ïa ka khmat jongno jongno na phi?” ong U Trai ki paid.

KI KAM 26:20

hynrei, nga la ïalap nyngkong ha kiba ha Damaskos, bad ha Jerusalem ruh, bad ha ka ri Judia baroh, bad ha ki Jentil ruh, ba kin kylla-ka-bamut, bad kin phai sha U Blei, da kaba leh ïa ki kam ba dei biang ïa ka jingkylla-ka-bamut.

NONGBISHAR 2:4

Te haba uta u angel U Trai u la kren ïa kine ki ktien ha ki khun Israel baroh, u paidbah u la kyang jam, bad u la ïam.

NONGBISHAR 20:26

Ynda kumta, ki khun Israel baroh, bad u paidbah baroh, ki la ïaleit kiew, bad ki la wan sha Bethel, ki la ïam ruh, bad ki la shong hangta ha khmat U Trai, bad ki la shah jingit ha kata ka sngi ha ban da la janmiet; bad ki la ainguh da ki jingainguh thang bad ki jingainguh pynïasuk ruh ha khmat U Trai.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”

1 SAMUEL 7:6

Te ki la ïalum lang ha Mispah, bad ki la ïatong um, bad ki la ïatheh ha khmat U Trai, bad ki la ïashah jingit ha kata ka sngi, bad ki la ïa-ong hangta, “Ngi la leh pop ïa U Trai.” Bad u Samuel u la bishar ïa ki khun Israel ha Mispah.