JOEL 2:1 - KA BAIBL

¹ “To put ïa ka ronsing ha Seïon, to put ïa ka jingmaham ha u lum bakhuid jong nga; ai kin khynñiuh kiba shong ha ka ri baroh: naba ka sngi U Trai ka wan, naba ka la jan;

Khasi CL Bible (BSI)

¹ To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:1 ပူးပေါင်းရင်းမြစ်များ

1 KHRONIKL 15:28

Kumne ki Israel baroh ki la wallam artet ïa ka synduk ka jutang U Trai da ka jingrisa, bad da ka jingsawa ka jingput, bad ki ronsing, bad da ki 'sing padiah, ki da pynsawa jam da ki nebel bad ki duitara.

SALM 119:120

Ka doh jong nga ka khynñiuh namar kaba sheptieng ïa me; bad nga sheptieng ïa ki jingbishar jong me.

SALM 87:1

Ka nongrim jong u ka ha ki lum bakyntang.

EKSODOS 10:14

Kita ki puit te ki la ïakiew halor ka ri Ijipt baroh kawei, bad ki la ïashong ruh ha ki phang baroh jong ka ri Ijipt: kiba jynjar eh; mynshuwa kita, ym pat ju don ki puit kat kita, lymne hadien jong ki yn ym long shuh kat kita.

ISAÏAH 13:6

To lynñiar phi; namar ka sngi U Trai ka hajan; kum ka jingpynjot na U Badonbor Baroh kan wan.

ISAÏAH 13:9

Ha khmih, ka sngi U Trai ka wan, kaba runar, da ka jingbitar bad da ka jingkhih bitar lep; ban pynlong kaba kynjah ïa ka ri, ban pynjot ruh ïa ki bapop jong ka na ka.

ISAÏAH 2:12

Namar kan don ka sngi ïa U Trai ki paid halor kaba sarong bad kaba meng baroh, bad halor kaba la pynkyntiew baroh; te yn pynpoh ïa ka:

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

ISAÏAH 66:5

To sngap ïa ka ktien U Trai, phi kiba khynñiuh ha ka ktien jong u: “Ki para jong phi kiba shun ïa phi, kiba la shop noh shabar ïa phi na ka bynta ka kyrteng jong nga, ki la ong, ‘Ai ba yn pyndonburom ïa U Trai, ba ngin ïohi ïa ka jingkmen jong phi;’ ki, hynrei, kin sngewlehrain.

JEREMAÏAH 16:10

“Te haba men pyni ha kine ki briew ïa kine ki ktien baroh, bad ba kin ong ha me, ‘Namar balei ba U Trai u la kren ïa kane ka jingshitom bakhraw baroh ïa ngi? Lane kaei ka jingleh bymhok jong ngi? Lane kaei ka pop jong ngi kaba ngi la leh ïa U Trai U Blei jong ngi?’

JEREMAÏAH 16:7

lymne ki briew kin ym kdiah kpu na ka bynta jong ki ha kaba ïambriew, ban pyntngen ïa ki namar ki baïap; lymne kin ym ai dih ïa ki na ka khuri ka jingpyntngen namar u kpa jong ki lane namar ka kmie jong ki.

JEREMAÏAH 4:5

To pyntip ha Judah, bad to pynbna ha Jerusalem; bad to ong, “Put ïa ka turoi ha ka ri: pyrta jam bad to ong, ‘To ïalang, bad ïa ngin ïaleit sha ki shnong ba la ker kynroh.’

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

ESEKIEL 12:23

To ïathuh ha ki, namar kata, ‘Kumne u ong, U Trai U Blei: “Ngan pynduh noh ïa kane ka proberb, te kin ym pyndonkam shuh ïa ka, kum ka proberb ha Israel.” ’ Hynrei, to ong ha ki, ‘Kita ki sngi ki la jan, bad ka jingpyndep ïa ka jingithuhpaw baroh.

ESEKIEL 21:12

To lynñiar bad to kyang, ko khun u briew: naba ka long halor u paidlang jong nga, ka long halor ki rangbah Israel baroh: la aiti ïa ki ha ka waitlam lem bad u paidlang jong nga: namar kata, to thab la ka lbong.

ESEKIEL 30:3

Naba ka sngi ka la jan, kata ka sngi U Trai keiñ ka la jan, ka sngi ba-dum lyoh; kan long ka por jong ki nongmane bleithaw.

ESEKIEL 33:3

lada, haba u ïohi ïa ka waitlam ba ka wan ha ka ri, u put ïa ka turoi, bad u maham ïa ki briew;

ESEKIEL 33:6

Hynrei, lada uta u nongsharai u ïohi ïa ka waitlam ba ka wan, bad um put satia ïa ka turoi, bad kumta ïa ki briew ym shym la maham, te lada kata ka waitlam ka wan, bad ka rong noh ïa uno uno napdeng jong ki; la rong noh ïa u ha ka jingleh bymhok jong u, hynrei, ïa ka snam jong u ngan pan na ka kti u nongsharai.’

ESEKIEL 7:10

“Ha khmih, kata ka sngi! ha khmih, ka wan! Ka sngi jong pha ka la mih noh; u dieng sympat u la phuh, ka jingsarong ka la shylluit.

ESEKIEL 7:12

Ka por ka la wan, ka sngi ka nang jan: to u nongthied un ym kmen, lymne u nongdie un ym sngewsih: namar ka jingbitar ka long halor u paidbah jong ka baroh.

DANIEL 6:26

Nga buh ïa ka hukum, ba ha ka jingsynshar ka hima jong nga baroh ki briew kin khynñiuh bad kin sheptieng ha khmat U Blei jong u Daniel: “Namar ma U, U long U Blei U ba-im, bad U ba-neh junom, bad ïa ka hima jong U yn ym pynjot noh, bad ka jingsynshar jong U kan neh haduh ka bakut hi:

DANIEL 9:16

A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

DANIEL 9:20

Te katba nga la dang kren, bad duwai, bad phla ïa la ka pop bad ïa ka pop ki briew jong nga ki Israel, bad dang pynmih noh ïa la ka jingkyrpad ha khmat U Trai U Blei jong nga na ka bynta uta u lum bakyntang U Blei jong nga;

HOSIA 5:8

“Put ïa ka turoi ha Gibeah, bad ïa ka ronsing ha Ramah: pyrta maham ha Beth-aben; hadien jong me, ko Benjamin.

HOSIA 8:1

“Buh ka ronsing ha ka shyntur. Kum ka pukni, u wan pyrshah ïa ka ïing U Trai: namar ki la ryngkang ïa ka jutang jong nga, bad ki la ïaleh pyrshah ïa ka hukum jong nga.

JOEL 1:15

Dur ka sngi! naba ka sngi U Trai ka la jan, bad kum ka jingpynjot na U Balah Baroh kan wan.

JOEL 2:11

te U Trai u pynmih ïa la ka ktien ha khmat la u paidïapom; naba u paid jong u, u khraw eh; naba uba khlaiñ uta uba pyndep ïa ka ktien jong u: naba ka sngi U Trai ka long kaba khraw bad kaba itieng eh; te uei ba lah ban shah ïa ka?

JOEL 2:15

To put ïa ka ronsing ha Seïon, to pynkyntang ïa ka jingshah jingit, to khot lang ïa ka jingïaseng bakyrpang:

JOEL 2:31

Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

JOEL 3:14

Ki paidbah, ki paidbah ha ka them ka jingpynkut! naba ka sngi U Trai ka jan ha ka them ka jingpynkut.

JOEL 3:17

“Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

AMOS 3:6

Hato yn put ïa ka ronsing ha nongbah, bad ki briew kin ym sheptieng? Hato ka jingsniew kan ngat ha ka shnong, haba U Trai um leh ïa kata?

AMOS 5:18

Kordit ïa phi kiba kwah ïa ka sngi U Trai! namar balei phi kwah ïa ka sngi U Trai? ka long ka jingdum, te ym ka jingshai.

AMOS 8:2

Bad u la ong, “Ko Amos, me ïohi aïu?” Te nga la ong, “Shi shang ki soh lyiur.” Ynda kumta, U Trai u la ong ha nga, “Ka bakut ka la wan ha ki Israel ki briew jong nga; ngan ym ïaid kiar shuh ïa ki.

OBADAÏAH 1:15

“Naba ka sngi U Trai ka la jan ha ki jaid bynriew baroh: kumba me la leh, ïa kata yn leh ïa me; ka bainong jong me kan phai pat halor ka khlieh jong me hi.

SEPHANAÏAH 1:14

Kata ka sngi ka bakhraw U Trai ka la jan, ka la jan bad ka pynkloi shibun, wat ka jingsawa jong ka sngi U Trai; u bakhrawbor keiñ, un lynñiar kthang hangta.

SEPHANAÏAH 1:16

ka sngi ka turoi bad ka jingmaham, pyrshah ïa ki shnong ba la ker kynroh, bad pyrshah ïa ki kut bajrong.

SEPHANAÏAH 1:7

To sngap jar me ha khmat U Trai U Blei: naba ka sngi U Trai ka la jan: naba U Trai u la khreh ïa ka jingkñia, u la pynkyntang ïa kiba la wer jong u.

SEPHANAÏAH 3:11

“Ha kata ka sngi, men ym sngewlehrain ïa la ki jingleh baroh, ha kiba me la leh pop ïa nga: naba hangta ngan shim noh napdeng jong me ïa kita kiba kyrkoh sarong jong me, bad men ym long shuh uba sngewmeng ha u lum u bakhuid jong nga.

SEKHARAÏAH 14:1

“Ha khmih, ka sngi U Trai ka wan, haba yn ïasam ïa ka jinglute jong pha hapdeng jong pha.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

MALAKHI 4:1

“Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

JINGKHEIÑ 10:2

“To thaw ïa lade ar tylli ki ronsing rupa; na kawei ka dkhot tylli men thaw ïa ki: ba kin long ha me ban khot lang ïa uta u paidlang, bad ïa ka ban pynmih noh ïa kita ki paidlang bashong dara.

JINGKHEIÑ 10:3

Te haba ki ïa-put ïa ki, uta u paidlang baroh un wan ïalang ha me ha ka jingkhang Ka Tabernakl ka jingïaseng.

1 KORINTH 14:8

Namar lada ka ronsing ruh ka ai jingsawa ka bymthikna, hato uei u ban leit khreh ïa lade ïa ka thma?

PHILIPPI 2:12

Kumta te, ko hep ba-ieit jong nga, kumba ha la ka sngi phi la kohnguh, ym tang ha khmat jong nga, hynrei, mynta, kham tam eh ha kaba ngam don ha khmat keiñ, to trei dep noh ïa ka jingpynim jong phi hi da ka jingtieng bad ka jingkhynñiuh;

1 THESSALONI 5:2

Namar phi hi, phi ïatip biang ba kata ka sngi U Trai kan wan kumjuh kum u nongtuh mynmiet.

JAKOB 5:8

To ïashah slem ruh ma phi, to pyneh skhem ïa ki dohnud jong phi, naba kata ka jingwan U Trai ka la jan.

1 PETROS 4:7

Hynrei, kata ka bakut kiei kiei baroh ka la jan keiñ; namar kata, to phin khan adkar, bad to phin sharai shaphang ki jingduwai.

JINGPYNPAW 6:17

naba kata ka sngi kaba khraw ka jingbitar jong u ka la wan keiñ; te uei uba lah ban ïeng?”