JOEL 1:9 - KA BAIBL

⁹ Ka jingainguh bam bad ka jingainguh dih ka la duh noh na ka ïing U Trai; ki lyngdoh, ki shakri U Trai keiñ, ki ïam sngewsih.

Khasi CL Bible (BSI)

⁹ Ym don kew lane waiñ ban ai ha ka Templ; ki lyngdoh ki ïamkthang namar kim don ki jingainguh na ka bynta U Trai.

JOEL 1:9 ပူးပေါင်းရင်းမြစ်များ

2 KHRONIKL 13:10

Hynrei, shaphang jong ngi, U Trai u long U Blei jong ngi, bad ngim shym la kyntait ïa u; bad ngi don ruh ki lyngdoh kiba shakri ha U Trai, ki khun u Aaron keiñ, bad ki Lebi ruh de ha la ki kam:

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

ISAÏAH 61:6

Hynrei, yn jer kyrteng ïa phi: “Ki lyngdoh jong U Trai;” ki briew kin khot ïa phi; “Ki shakri U Blei jong ngi;” phin bam ïa ka spah ki jaid bynriew, bad ha ka burom jong ki phin kren ïaroh ïa lade.

SNGEWSYNEI 1:16

“Namar kine kiei kiei nga ïam; ka khmat jong nga, ka khmat jong nga ka tuid da ka um; namar uta u nongpyntngen uba dei ban pynshait ïa ka mynsiem jong nga u jngai na nga: ki khun jong nga ki la kynjah, naba u la jop u nongshun.”

SNGEWSYNEI 1:4

Ki lynti ka Seïon ki ïaïam, namar bymdon kiba wan sha ka jingïaseng bakyntang; ki khyrdop jong ka baroh ki kynjah, ki lyngdoh jong ka ki noh mynsiem: ïa ki theisotti jong ka la pynjynjar, bad ka hi ka don ha ka jingkthang.

HOSIA 9:4

“Kin ym theh ïa ki jingainguh Waiñ ïa U Trai, lymne kin ym long kiba pynsngewbha ïa u: ki jingkñia jong ki kin long ha ki kum u kpu ki nongsngewsih: baroh kiba bam na ki kin long sang: namar u kpu jong ki un long tang ïa ki hi; un ym wan ha ka ïing U Trai.

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

JOEL 1:16

Hato ym shym la pynduh noh ha khmat jong ngi na ka ïing U Blei jong ngi ïa ka jingbam, ïa ka jingkmen, bad ïa ka jinglehkmen?

JOEL 2:14

Uei ba tip la un phai noh ne em bad kylla-ka-bamut, bad un pynsah ka jingkyrkhu hadien jong u, wat ka jingainguh bam bad ka jingainguh dih ha U Trai U Blei jong phi?

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”