JOEL 1:4 - KA BAIBL

⁴ “Kata kaba la pynsah u 'ñiang bam jhur, u la bam u puit kluiñ; bad kaba u la pynsah u puit kluiñ, u la bam u 'ñiangdkoh; bad kaba u la pynsah u 'ñiangdkoh, u la bam u puit khlam.

Khasi CL Bible (BSI)

⁴ Ki kynhun jong ki puit, kawei hadien kawei ki la hiar halor ki jingthung; kaei kaba kawei ka kynhun ka la iehnoh, kawei pat ka kynhun ka bam duh.

JOEL 1:4 ပူးပေါင်းရင်းမြစ်များ

1 SYIEM 8:37

“Lada jia 'nemsniew ha ka ri, lada jia ka jingïapkhlam, lada jia kaba ïap-ïong, kaba bthuh, u puit kluiñ lane u puit khlam; lada u nongshun jong ki u ker kut ïa ki ha ka ri ki khyrdop jong ki; la kano kano ka jingshitom, kano kano ka jingpang;

2 KHRONIKL 6:28

“Lada jia 'nemsniew ha ka ri, lada jia ka jingïapkhlam, lada jia kaba ïap-ïong lane kaba bthuh, u puit kluiñ lane u puit khlam; lada ki nongshun jong ki, ki ker kut ïa ki ha ka ri ki khyrdop jong ki; la kano kano ka jingïapthem lane kano kano ka jingpang kaba don;

2 KHRONIKL 7:13

Lada nga khang khop ïa ka bneng ba yn ym don slap, lane lada nga hukum ïa u puit ban bam duh ïa ka ri, lane lada nga phah ïa ka ïapkhlam hapdeng ki briew jong nga;

SALM 105:34

U la kren, te ki la wan ki puit kluiñ, bad ki puit khlam, bad kita ruh ki bym lah ñiew shuh,

SALM 78:46

U la ai noh ïa ka jingmih jong ki ruh ha u puit khlam, bad ïa ka jingminot jong ki ha u puit kluiñ.

EKSODOS 10:4

Namar lada men ym treh ban pyllait noh ïa u paidbah jong nga, ha khmih, lashai ngan sa wallam ïa ki puit sha ki phang jong me:

EKSODOS 10:5

bad kin sa ïatyllup noh lin ïa ka khyndew, kat ban ym ïohi ïa ka khyndew: kin sa bam lut ruh ïa kaba la lait, kaba dang sah ha phi na uta u phria, bad kin sa bam lut ïa u dieng baroh uba mih ha phi ha ka lyngkha:

ISAÏAH 33:4

Te ïa ka jinglute jong phi yn ïalum kumba ïalum u 'ñianglong: kumba u puit u rynsied, kumta kin rynsied halor jong ka.

JEREMAÏAH 51:14

U Trai ki paid u la smai da lade, u da ong, ‘Da shisha, ngan pyndap ïa pha da ki briew, kum da u 'ñiangdkoh; bad kin pynmih ka jingkynha pyrshah ïa pha.’ ”

JEREMAÏAH 51:27

“To pynïeng ïa ka lama ha ka ri, put ïa ka turoi hapdeng ki jaid bynriew, to khreh ïa ki jaid bynriew ban ïaleh ïa ka, khot lang ban ïaleh ïa ka, ïa ki hima Ararat, Minni, bad Ashkenas: to thung u nongïalam ban ïaleh ïa ka: pynmih artet ïa ki kulai kum u 'ñiangdkoh ba don treng.

JOEL 2:25

Bad ngan pynai pat ha phi kita ki snem kiba ki la bam u puit kluiñ, u 'ñiangdkoh, bad u puit bamphlang bad u puit khlam, u paidïapom bakhraw jong nga uba nga la phah hapdeng jong phi.

AMOS 4:9

“Nga la shoh ïa phi da ka jingïap tram bad kaba bam khñiang: ïa ka jingkynrei ki kper jong phi bad ki brisoh Waiñ jong phi bad ki dieng Dumbur jong phi bad ki dieng Olib jong phi u puit u la bam duh: pynban, phim shym phai sha nga,” ong U Trai.

AMOS 7:1

Kumne U Trai U Blei u la pyni ha nga: te ha khmih, u pynmih ïa ki puit ha kaba sdang ka jingkhie lung u 'lang khatduh; te ha khmih, ka la long u 'lang khatduh hadien ka jingot phlang u syiem.

MALAKHI 3:11

Bad ngan sneng ïa u nongbam duh na ka bynta jong phi, te un ym ïoh pynsniew ïa ki soh ka khyndew jong phi; lymne u dieng Waiñ jong phi ha lyngkha un ym pynhap ïa la u soh ha bym pat biang ka aïom,” ong U Trai ki paid.

DEUTERONOMI 28:38

Ïa ki symbai shibun men kit shabar sha ka lyngkha, hynrei, men ïalum tang khyndiat hapoh; naba ki puit kin bam duh ïa ki.

DEUTERONOMI 28:42

Ïa ki dieng jong me, bad ïa ki soh ka ri jong me baroh, ki puit kin ïabam duh noh.