JOEL 1:2 - KA BAIBL

² “To sngap ïa kane, phi ki tymmen, bad to shahshkor, phi kiba shong ha ka ri. Kum kane ka la jia ha ki sngi jong phi, lane ha ki sngi ki kpa jong phi?

Khasi CL Bible (BSI)

² To shahshkor, phi ki briew ba la kham rangbah; phi baroh ha Judah, to shahshkor. Hato kaba kum kane ka la ju jia ha ka por jong phi lane ha ka por ki kpa jong phi?

JOEL 1:2 ပူးပေါင်းရင်းမြစ်များ

Ka Kitab U Job 12:12

Ha ki tymmen ka don ka jingstad, bad ka jingshemphang lem bad ka slem ka rta.

Ka Kitab U Job 15:10

Ha ngi ruh don kiba la phuh 'ñiuhlieh bad kiba la tymmen eh, kham tymmen shibun ban ïa u kpa jong me.

Ka Kitab U Job 21:7

Balei keiñ ba u bymman u im, ba u man tymmen, bad ba u nang khlaiñ ha ka bor?

Ka Kitab U Job 8:8

“Naba to wad, nga kyrpad ïa me, na kata ka pateng bynriew kaba mynshuwa, bad to khmih thuh ïa kata kaba ki kpa jong ki, ki la shem:

SALM 49:1

To sngew ïa kane, phi ki kynja bynriew baroh; to shahshkor, phi baroh kiba shong ha ka pyrthei:

ISAÏAH 34:1

Ale hajan, phi ki jaid bynriew, ban sngap; to sngew ruh, phi ki kynja bynriew: to ka khyndew kan sngap, bad ka jingdap jong ka; ka pyrthei, bad kiei kiei baroh kiba mih na ka.

ISAÏAH 7:17

U Trai un pynwan halor jong me, bad halor u paidlang jong me, bad halor ka ïing u kpa jong me, ïa ki sngi ki bym pat ju wan, naduh ka sngi ba u Ephraim u la kynriah noh na Judah: ïa u syiem ka Assyria keiñ.”

JEREMAÏAH 30:7

Dur lanot! namar kata ka sngi ka long ka bakhraw, kumta ba ym don kano kano kaba kum ma ka: ka long ka por jynjar u Jakob; hynrei, un ïohlait im noh na ka.

JEREMAÏAH 5:21

‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

DANIEL 12:1

“Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

HOSIA 4:1

To sngew ïa ka ktien U Trai, phi ki khun Israel: “namar U Trai u don ka jingïasaid bad kiba shong ha ka ri, namar ym don jingshisha, lymne jingisynei, lymne jingtip ïa U Blei ha ka ri.

HOSIA 5:1

“To sngew ïa kane, phi ki lyngdoh, bad to sngap, phi ka ïing Israel, bad to shahshkor, ko ïing u syiem, namar ha phi long ka jingbishar; namar phi la long ka jingriam ha Mispah, bad ka jar ba la phriang halor u Tabor.

JOEL 1:14

“To pynkyntang ïa ka jingshah jingit, to lum ïa ka jingïaseng bakyrpang, to lum ïa ki tymmen bad baroh kiba shong ha ka ri sha ka ïing U Trai uba U Blei jong phi, bad to ïam ha U Trai.”

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

AMOS 3:1

To sngew ïa kane ka ktien ba U Trai u la kren pyrshah ïa phi, A ki khun Israel, pyrshah ïa kata ka ïing baroh kaba nga la wallam noh na ka ri Ijipt, u da ong,

AMOS 4:1

“To sngew ïa kane ka ktien, phi ki masi ka Bashan, kiba shong ha u lum Samaria, kiba lehbeiñ ïa u baduk, kiba khñiot ïa u bakyrduh, kiba ong ha ki trai jong ki, ‘Wallam, bad to ngin ïadih.’

AMOS 5:1

To sngew ïa kane ka ktien kaba nga shim ban long ka jingïambriew pyrshah ïa phi, A ka ïing Israel.

MIKAH 1:2

To sngew, phi ki bynriew, phi baroh keiñ; to shahshkor, ko ka khyndew, bad baroh katba don ha ka: bad to U Trai U Blei un long sakhi pyrshah ïa phi, U Trai na la ka templ ka bakhuid keiñ.

MIKAH 3:1

Bad nga la ong, “To sngew, nga kyrpad ïa phi, phi ki rangbah u Jakob, bad ki nongsynshar ka ïing Israel: hato kam dei ïa phi ban tip ïa ka jingbishar?

MIKAH 3:9

“To sngew ïa kane, nga kyrpad ïa phi, phi ki rangbah ka ïing u Jakob, bad ki rangbah ka ïing Israel, kiba isih ïa ka jingbishar, bad kiba pynbakla ïa ka hok baroh.

MATHAÏOS 13:9

Uba don ki shkor ban sngew, to un sngew.”

MATHAÏOS 24:21

Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”