JINGPYNPAW 9:4 - KA BAIBL

⁴ Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.

Khasi CL Bible (BSI)

⁴ La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.

JINGPYNPAW 9:4 ပူးပေါင်းရင်းမြစ်များ

Ka Kitab U Job 1:10

Me mem shym la pynlong ka jingker sawdong ïa u, bad sawdong ïa ka ïing jong u, bad sawdong ïa kiei kiei baroh ba u don kylleng kylleng? Me la kyrkhu ïa ka kam ki kti jong u, bad ka spah jong u ka la roi ha ka khyndew.

Ka Kitab U Job 1:12

Te U Trai u la ong ha u Soitan, “Ha khmih, kiei kiei baroh kat kiba u don ki ha ka bor jong me; tang halor jong u hi wat rah la ka kti.” Kumta u Soitan u la leit mih noh na khmat U Trai.

Ka Kitab U Job 2:6

Bad U Trai u la ong ha u Soitan, “Ha khmih, u ha ka kti jong me; hynrei, tang ïa ka jingim jong u, men pynsah.”

SALM 76:10

Shisha ka jingbitar u briew kan ïaroh ïa me: kaba sah ka jingbitar men panpoh ha me.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

ESEKIEL 9:6

to pynïap khoit ïa u tymmen, ïa u samla bad ïa ka samla, bad ïa ki khynnah rit bad ïa ki kynthei: hynrei, wat wan sha jan uno uno u briew ha uba don kata ka dak; bad to sdang ha ka jaka kyntang jong nga.” Te ki la sdang na ki tymmen kiba ha khmat kata ka ïing.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

EPHESOS 4:30

To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah.

JINGPYNPAW 14:1

Te nga la ïohi, bad ha khmih, U Khun langbrot u ïeng halor u lum Seïon, bad lem bad u ruh shispah sawphew saw hajar ngut, kiba don kata ka kyrteng jong u, bad ka kyrteng U Kpa jong u, ïa kaba la thoh halor ki shyllangmat jong ki.

JINGPYNPAW 6:6

Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

JINGPYNPAW 7:1

Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

JINGPYNPAW 8:7

Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.