JINGPYNPAW 9:3 - KA BAIBL

³ Bad na kata ka tdem la mih noh ki puit halor ka khyndew; bad ha ki, la ai ka bor, kumba ki 'ñianglartham jong ka khyndew ki don ka bor.

Khasi CL Bible (BSI)

³ Ki puit ki la mih na kata ka tdem sha ka khyndew, bad la ai ha ki ïa kajuh ka bor kaba ki 'ñianglartham ki don.

JINGPYNPAW 9:3 ပူးပေါင်းရင်းမြစ်များ

1 SYIEM 12:11

Mynta te kumba u kpa jong nga u la pynkit ïa phi da ka lyngkor kaba khia, nga ngan nang pyntam shuh ha ka lyngkor jong phi: u kpa jong nga u la pynshitom ïa phi da ki dieng sympat, hynrei, nga ngan pynshitom ïa phi da ki shabuk.’ ”

2 KHRONIKL 10:11

Te mynta, kumba u kpa jong nga u la pynkit ïa phi da ka lyngkor bakhia, ngan nang pyntam shuh ha ka lyngkor jong phi: u kpa jong nga u la pynshitom ïa phi da ki dieng sympat, hynrei, ngan pynshitom da ki shabuk.’ ”

2 KHRONIKL 10:14

bad u la kren ha ki kat kum ka jingpyni ki samla, u da ong, “U kpa jong nga u la pynkhia ïa ka lyngkor jong phi, hynrei, ngan nang pyntam shuh ha ka: u kpa jong nga u la pynshitom ïa phi da ki dieng sympat, hynrei, ngan pynshitom da ki shabuk.”

ISAÏAH 33:4

Te ïa ka jinglute jong phi yn ïalum kumba ïalum u 'ñianglong: kumba u puit u rynsied, kumta kin rynsied halor jong ka.

ESEKIEL 2:6

Te ma me, ko khun u briew to wat sheptieng ïa ki, lymne wat sheptieng ïa ki ktien jong ki, la ki dieng shiah bad ki dieng shiah buid ki don bad me, bad la me shong hapdeng ki 'ñianglartham: to wat sheptieng ïa ki ktien jong ki, lymne wat khaw-eit ïa ki jingkhmih jong ki, la ki long ka ïing kaba ïaleh pyrshah.

JOEL 1:4

“Kata kaba la pynsah u 'ñiang bam jhur, u la bam u puit kluiñ; bad kaba u la pynsah u puit kluiñ, u la bam u 'ñiangdkoh; bad kaba u la pynsah u 'ñiangdkoh, u la bam u puit khlam.

JOEL 2:25

Bad ngan pynai pat ha phi kita ki snem kiba ki la bam u puit kluiñ, u 'ñiangdkoh, bad u puit bamphlang bad u puit khlam, u paidïapom bakhraw jong nga uba nga la phah hapdeng jong phi.

NAHUM 3:15

Hangta ka ding kan bam duh ïa pha; ka waitlam kan pom noh ïa pha, kan bam duh ïa pha kum u 'ñiangdkoh: To pynbun ïa lade kat u 'ñiangdkoh, to pynbun ïa lade kat u puit kluiñ.

NAHUM 3:17

Kiba phong pansngiat jong pha ki long kat ki puit kluiñ, bad ki nongïalam jong pha kum ki shi lynrum ki puit suwa kiba dem ha ki jingker ha ka sngi bakhriat, hynrei, haba mih ka sngi ki her noh, bad ka jaka jong ki kaba ki don ym ithuh.

LOUKAS 10:19

Ha khmih, nga la ai ka bor ha phi ïa ka ban ïuh roit halor ki bseiñ bad ki 'ñianglartham, bad halor ka bor baroh ka jong u nongshun; bad ym don ei ei ruh ka ban pynsniew ïa phi.

DEUTERONOMI 8:15

uba la ïalam ïa me lyngba kata ka ri khlaw bakhraw bad ba-itieng, ha kaba la don ki bseiñ ba-meh ding, bad ki 'ñianglartham, bad kaba rang ryngkhiang ha kaba ym don um: uba la pynmih te ka um ïa me na u mawshamok;

JINGPYNPAW 9:5

Bad la ai ha ki ba kin ym pynïap noh ïa ki, hynrei, ba yn pynkordit ïa ki, san bnai: te kata ka jingpynkordit ïa ki, ka la long kum ka jingpynkordit ka 'ñianglartham haba ka la dait ïa u briew.

JINGPYNPAW 9:7

Bad ki dur kita ki puit ki la syriem kum ki kulai ïa kiba la khreh ïa ka thma; bad halor ki khlieh jong ki, ki la don kum ki pansngiat kiba syriem ïa ka ksiar, bad ki khmat jong ki kum ki khmat ki briew,

NONGBISHAR 7:12

Ki Midian te bad ki Amalek bad ki khun mihngi ki la ïathiah ter lter ha ka them ha ka jingkheiñ kum ki puit; bad ki ut jong ki ym lah ñiew shuh, byllien kum u shyiap harud duriaw.