JINGPYNPAW 8:7 - KA BAIBL

⁷ Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.

Khasi CL Bible (BSI)

⁷ U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.

JINGPYNPAW 8:7 ပူးပေါင်းရင်းမြစ်များ

SALM 105:32

U la ai da u phria ïa ki ha ka jaka u slap, bad ka ding ba-meh ha ka ri jong ki.

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

ISAÏAH 28:2

Ha khmih, U Trai u long u badonbor bad bakhlaiñ; kum ka 'erïong phria, ka lyer bah bapynjot, kum ka 'erïong, ki um bah bashlei, un pynkyllon sbak ha ka khyndew da la ka kti.

ISAÏAH 29:6

U Trai ki paid un wan jngoh ïa ka da u pyrthat, bad ka jingkhynñiuh jumai, bad ka jingsawa bakhraw, da ka lyer langthari bad ka 'erïong, bad ka thylliej ding ka ding babam duh.

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ISAÏAH 32:19

Hynrei, un hap phria, ha kaba hap ka khlaw: bad ïa ka nongbah yn pynduh noh khoit.

ESEKIEL 38:22

Te ngan ïasaid bad u da ka khlam bad da ka snam ruh; bad ngan pynhap slap halor jong u, bad halor ki kynhun jong u, bad halor kiba bun ki kynja bynriew kiba don ryngkat bad u, da u 'lap praw ba theh, bad da u phria bakhraw, da ka ding, bad da u kyndok de.

JOEL 2:30

“Bad ngan pyni ki jingphylla ha ki bneng bad ha ka khyndew, ka snam, ka ding, bad ki rishot tdem.

JAKOB 1:11

Namar ka sngi ka mih lem bad ka lyer kaba shit, bad ka pynïap ryngkhiang ïa uta u phlang; te uta u syntiew jong u, u tlor noh, bad ka jingitynnad ka dur jong u ka jot noh: kumta ruh, uta u bariewspah un ïap ryngkhiang ha kita ki lynti jong u.

JOSHUA 10:11

Ka la jia ruh, katba ki la phet ïap na khmat ki Israel, haba ki la don ha ka jur Beth-horon, ba U Trai u la pynhap ki maw bakhraw halor jong ki na bneng haduh Asekah, bad ki la ïap: ki la long ruh kham bun kiba la ïap da u phria ban ïa kita ba ki khun Israel ki la pynïap da ka waitlam.

1 PETROS 1:24

Naba: “Ka doh baroh ka kum u phlang, bad ka burom jong ka baroh ka kum u syntiew u phlang: uta u phlang u ïap ryngkhiang, bad uta u syntiew jong u, u hap noh,

JINGPYNPAW 12:4

Bad ka tdong jong u ka ring ïa ka balai ka bynta na ki khlur ka bneng, bad ka la bred noh ïa ki sha ka khyndew: bad uta u ïakjakor u la ïeng ha khmat kata ka briew ka ban sa kha khun, khnang ba ynda ka la kha, un ïoh bam duh ïa ita i khunlung jong ka.

JINGPYNPAW 16:2

Te u banyngkong u la leit noh, bad u la theh noh ïa ka pliang jong u halor kata ka khyndew; bad la long ka tohjaw basniew bad bashitom eh halor kita ki briew kiba don ka dak uta u mrad khlaw, bad kiba ïamane dem ïa ka dur jong u.

JINGPYNPAW 16:21

Bad u phria bakhraw, kat ka jingthew shi talent, u la hap na bneng halor ki briew: te ki briew ki la ïakrenbeiñ ïa U Blei namar kata ka jingïapthem jong u phria; naba kata ka jingïapthem jong u ka la long kaba khraw eh.

JINGPYNPAW 6:8

Te nga la khmih, bad ha khmih ka kulai balieh bthuh, bad uta uba shong halor jong ka uba kyrteng “u Jingïap”; bad kata ka Jaka shong riewïap ka bud lem bad u. Bad la ai ka bor ha ki, halor ka shi pawa kata ka khyndew, ban pynïap noh da ka waitlam, bad da ka 'nemsniew, bad da ka jingïapthem, bad da kita ki mrad khlaw jong kata ka khyndew.

JINGPYNPAW 7:1

Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.

JINGPYNPAW 9:15

Te la pyllait noh ïa kita ki saw ngut ki angel, ïa kiba la khreh khnang ïa kata ka por bad ïa ka sngi bad ïa u bnai bad ïa ka snem, ba kin ïoh pynïap noh ïa ka balai ka bynta jong ki briew.

JINGPYNPAW 9:18

Da kine lai tylli ki jingïapthem la pynïap noh ïa kata ka balai ka bynta jong ki briew, da kata ka ding, bad da kata ka tdem, bad da uta u kyndok, kiba la mih noh na kita ki shyntur jong ki.

JINGPYNPAW 9:4

Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.