JINGPYNPAW 8:5 - KA BAIBL

⁵ Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.

Khasi CL Bible (BSI)

⁵ Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.

JINGPYNPAW 8:5 ပူးပေါင်းရင်းမြစ်များ

1 SYIEM 19:11

Bad u la ong, “Mih noh, bad leit ïeng halor u lum ha khmat U Trai.” Te, ha khmih, U Trai u la ïaid nangta, bad ka 'erïong bakhraw bad bajur ka la kad ïa ki lum, bad ka la pynpait lyngkhot lyngkhai ïa ki mawsiang ha khmat U Trai; hynrei, U Trai um shym don ha kata ka lyer: te hadien kata ka lyer, sa kaba khynñiuh jumai; hynrei, U Trai um shym don ha kata kaba khynñiuh jumai:

SALM 18:13

U Trai u la riew pyrthat ruh ha ki bneng bad uta U Bahakhlieh Tam u la pynjam ïa la ka ktien; u phria bad ka rnga ding barhem.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

ISAÏAH 29:6

U Trai ki paid un wan jngoh ïa ka da u pyrthat, bad ka jingkhynñiuh jumai, bad ka jingsawa bakhraw, da ka lyer langthari bad ka 'erïong, bad ka thylliej ding ka ding babam duh.

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ISAÏAH 66:6

“Ka ktien ka jingkhihwin na ka shnong, ka ktien na ka ïingmane, ka ktien U Trai kaba ai ka nong kylliang ha ki nongshun jong u.

JEREMAÏAH 51:11

“ ‘To pynnep ïa ki khnam; bat skhem ïa ki stieh:’ “U Trai u la pynkhih ïa ka mynsiem jong ki syiem ki Mid; namar ka jingthmu jong u ka long ban ïaleh ïa ka Babilon, ban pynjot ïa ka: namar ka long ka jingpynhiar kput jong U Trai, ka jingpynhiar kput ka templ jong u keiñ.

LEBITIKOS 16:12

Ynda kumta, un shim ïa u khiew thang iwbih ba-dap da u rnga ding na kata ka duwan kaba ha khmat U Trai, bad ki kti jong uba dap da ka jingiwbih thang baiwbih ba la pynlwet jin, bad un wallam ïa ka hapoh kata ka jingkah:

SEKHARAÏAH 14:5

Te phin ïoh phet noh na kata ka them ki lum jong nga; naba kata ka them jong ki lum kan kot haduh Asel: shisha, phin phet ïap noh, kumba phi la phet ïap noh na kata ka jingkhynñiuh jumai ha ki sngi u Ussiah u syiem ka Judah: bad U Trai U Blei jong nga un wan, bad kita ki bakhuid baroh lem bad me.

MATHAÏOS 24:7

Naba ka kynja bynriew kan ïeng ïaleh ïa ka kynja bynriew, bad ka hima ruh ïa ka hima; bad kin long ki 'nemsniew bad ki jingïapthem ruh, bad ki jingkhynñiuh jumai ha shibun ki jaka.

LOUKAS 12:49

“Nga la wan ïa ka ban shat ding ha ka pyrthei; bad nga mon aïu, lada la pynmeh lypa noh ïa ka?

KI KAM 16:26

Te shisyndon la jia ka jingkhynñiuh jumai kaba khraw, kat ban pynkhynñiuh noh ïa ki nongrim jong kata ka ïing byndi; te kumne kumne ruh la plie wang ïa ki jingkhang baroh, bad ïa ki kynjri jong ki baroh la loit noh ruh.

KI KAM 4:31

Ynda ki la lah duwai te, la pynkhynñiuh ïa kata ka jaka ha kaba ki la ïaseng, bad la pyndap ïa ki baroh da U Mynsiem Bakhuid, bad ki la kren ïa ka ktien U Blei da ka jingsngewshlur.

JINGPYNPAW 11:13

Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;

JINGPYNPAW 8:3

Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet.