JINGPYNPAW 8:3 - KA BAIBL

³ Te uwei pat u angel u la wan bad u la ïeng hajan ka duwan, u da don ka pliang ksiar bathang iwbih; bad la ai ha u shibun ka jingainguh thang baiwbih, ba un ïoh pynlang ïa ka ha ki jingduwai ki riewkhuid baroh halor kata ka duwan ksiar kaba ha khmat kata ka khet.

Khasi CL Bible (BSI)

³ Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.

JINGPYNPAW 8:3 ပူးပေါင်းရင်းမြစ်များ

1 SYIEM 7:50

bad ki bati, bad ki jinglur sharak, bad ki khuri, bad ki siang, bad ki pliang dieng, da ka ksiar banylla; bad ki kopja ksiar ïa ki jingkhang ka ïing kaba kham shapoh, ka jaka kyntang tam keiñ, bad ïa ka jingkhang ka ïing, kata jong ka templ.

SALM 141:2

Ai ban pynïeng ïa ka jingduwai jong nga kum ka jingiwbih thang ha khmat jong me; ïa kaba kyntiew ki kti jong nga kum ka jingainguh la janmiet.

EKSODOS 40:26

Bad u la buh ïa kata ka duwan ksiar ha Ka Tabernakl ka jingïaseng ha khmat kata ka jingkah pdeng,

ISAÏAH 6:6

Te uwei na kita ki Seraph u la her sha nga, bad u rnga barhem ha ka kti jong u, uba u la shim da ka nap na ka duwan:

ESEKIEL 41:22

Ka duwan ka la long da ka dieng, lai pruh ka jingjrong, bad ar pruh ka lynter jong ka; te ki dong jong ka, bad ka lynter jong ka, bad ki kynroh jong ka, ki la long da ka dieng; bad u la ong ha nga, “Kane ka long ka miej kaba ha khmat U Trai.”

AMOS 9:1

Nga la ïohi ïa U Trai ba u ïeng hajan ka duwan: bad u la ong, “To shoh ïa ka khlieh ki rishot, ba ki nongrim ki jingkhang kin khih: bad pynlwet jin ïa ki halor ka khlieh jong ki baroh: nga ruh ngan pynïap ïa ki basah na ki da ka waitlam: ym don uwei na ki u ban phet noh, bad ym don uwei na ki u ban lait im.

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

JINGKHEIÑ 4:11

Bad halor ka duwan ksiar, kin ïasiang da ka jaiñ bthuh, kin ïatap ruh ïa ka da ka jingtap na ki snieh takash, bad kin ïa-pynphrung ïa ki dieng jingbah jong ka:

JINGKHEIÑ 7:62

kawei ka siang ksiar kaba shiphew shekel, kaba dap da ka jingiwbih thang;

LOUKAS 1:10

Bad uta u paidbah baroh u dang ïaduwai habar ha kata ka por ka jingainguh thang baiwbih.

Ka Shithi U Paul Sha Ki Nong Rom 8:34

Uei uta uba pynrem? Dei U Khrist uba la ïap, shisha kham tam keiñ uba la mihpat ruh, uba long ruh sha ka kti kamon U Blei, uba ïai-ïasaid ruh na ka bynta jong ngi.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;

JINGPYNPAW 10:1

Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 14:18

Bad uwei pat u angel u la wan mih noh na ka duwan, uba don ka bor halor ka ding; bad u la pyrta da ka jingpyrta bajam ha uta uba don kata ka rashi ka banep, u da ong, “To phah noh ïa kata ka rashi ka banep jong me, bad to lum ïa ki rynjup na u dieng soh Waiñ kata ka khyndew; naba ki soh Waiñ jong ka ki la ih bha.”

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.

JINGPYNPAW 7:2

Bad nga la ïohi ïa uwei pat u angel ba u wan kiew na sha ba-mih ka sngi, u da bat ïa ka shab jong U Blei U Ba-im; bad u la pyrta da ka ktien bajam ha kita ki saw angel, ha kiba la ai bor ban pynsniew ïa ka khyndew bad ïa ka duriaw,

JINGPYNPAW 8:4

Te ka tdem kita ki jingainguh thang baiwbih lem bad kita ki jingduwai jong ki riewkhuid, ka la leit kiew ha khmat U Blei na ka kti uta u angel.

JINGPYNPAW 8:5

Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.

JINGPYNPAW 9:13

Bad u angel u bahynriew u la pynsawa; te nga la ïohsngew ïa kawei ka ktien sawa na kita ki reng jong kata ka duwan ksiar kaba ha khmat U Blei,