JINGPYNPAW 8:2 - KA BAIBL

² Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi.

Khasi CL Bible (BSI)

² Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 8:2 ပူးပေါင်းရင်းမြစ်များ

SEKHARAÏAH 4:10

Naba uei uba la ñiewbeiñ ïa ka sngi jong kiei kiei kiba rit? Naba kin leh kmen, bad kin ïohi ïa u sawar ha ka kti u Serubbabel, wat kine ki hynñiew tylli, kiba long ki khmat jong U Trai: ki phet shane bad shawei ïa ka khyndew baroh.”

MATHAÏOS 18:10

“To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

LOUKAS 1:19

Uta u angel u da ïathuh u la ong te ha u, “Nga long u Gabriel, uba ïeng ha khmat U Blei; te la phah ïa nga ban kren ha me, bad ban wallam ruh ha me ïa kine ki khubor babha.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

1 KORINTH 15:52

Namar ka turoi kan sawa, ynda kumta, ïa ki baïap yn pynmih pat ki bympyut, bad ïa ngi yn pynkylla.

1 THESSALONI 4:16

Naba U Trai hi un wan hiar na bneng bad ka jingrisa, da ka ktien sawa u angel rangbah, bad da ka turoi U Blei: bad kita kiba ïap ha U Khrist kin ïamihpat shuwa.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 15:1

Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 16:1

Bad nga la ïohsngew ïa ka ktien bajam na kata ka templ, kaba ong ha kita ki hynñiew angel, “To khie leit noh phi, bad to theh noh ïa kita ki pliang ka jingbitar U Blei ha kata ka khyndew.”

JINGPYNPAW 8:13

Bad nga la khmih, bad nga la ïohsngew ïa uwei u pukni uba her hapdeng ka bneng, u da ong da ka ktien kaba jam, “Kordit, kordit, kordit, ha kita kiba shong halor kata ka khyndew, namar kita kiwei pat ki jingsawa ka turoi jong kita ki lai angel ki ban sa pynsawa!”

JINGPYNPAW 8:6

Bad kita ki hynñiew ki angel kiba don kita ki hynñiew ki turoi ki la ïakhreh ïa lade ban pynsawa.

JINGPYNPAW 9:1

Bad u angel u basan u la pynsawa; te nga la ïohi ïa u khlur ba la hap na bneng sha ka khyndew; bad la ai ha u ïa u shabi kata ka 'liewlong kaba khlem trai.